مصر موتورز مجتمع السيارات - اجمد مقابلة واحلى اعضاء

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - اجمد مقابلة واحلى اعضاء (https://www.masrmotors.com/vb/showthread.php?t=17120)

رد: اجمد مقابلة واحلى اعضاء

تسلم ايدك ياباش مهندس/ وائل وفعلا شويه صور جميله وبصراحه اضافه الاسماء تحت الصور جميله وذكرى عمرها ما تتنسى ابدا بالروح الحلوه وجو الاسره الواحده ويارب ديما نتجمع على حب وخير وعمل ما يليق بمصر موتورز بس الكافيه الشاى كان فيه مولع ربنا مايحرمنا منكم ابدا وعلى فكره والله انا نفسى تتكرر ديما وعلى فترات قريبه وربنا يوفققك ويوفق الجميع ؟

رد: اجمد مقابلة واحلى اعضاء

يا جماعة انا حاسس ان الصور دى متفبركة دى صور لنجوم سيما مش منتدى ههههههههههههههههه بصراحة تجانس وتلاقى وانسجام غير عادى بشوفة فى المنتدى دة بجد حاسس انى كنت معاكم

رد: اجمد مقابلة واحلى اعضاء

فيه صور لسه ناقصة

يا اما الصور دى معاك يا مع سومو

انزلو بباقى الصور بسرعة

رد: اجمد مقابلة واحلى اعضاء

ههههههههههههههههههههههههه
قفشتنى يابو صلاح معايا حوالى 10 صور بس دول تمنهم غالى اوى

رد: اجمد مقابلة واحلى اعضاء

اقتباس:

المشاركة الأصلية كتبت بواسطة Dr. Bolbolan (المشاركة 110474)

و بصراحه شكله كان غير اللى فى بالى ! يعنى كنت متخيله رفيع و قصير و لابس شورت و فانله و كاب ليه هي المقابله في الاستاد ؟ :thinkW19:

شاب طويل " بس مش قوى " حوالى 180 سم و نحيف آه بس برده مش قوى و لو لعب رياضه ح يبقى 100/100 يا رب يا دكتور
و طبعآ كثير الحركه و بيتكلم بعفويه و مش هايب الموقف ! بس كان مصدر سعادة و ضحك الحاضرين ! :HAPPY_~211: الله يخليك يا باشا
بخفة دمه ولآنه من عفويته و طيبته طبعآ بيتكلم بسرعه و اللى فى قلبه على لسانه و بيتقبل النقد بروح حلوه !

هوه آه بيرد و " بيلابط" بس مهذب و فى النهايه ما بيغلطش ! بالرغم انه قبل نهاية المقابله كان ح ينضرب من كل

الموجودين " زى شجرة الدر " ! بس الحمدلله عدت ! و ح أحكيها فى وقتها ! وبم ان الكلام قى المشاركه دى تحديدآ عن

برومادا فاحنا قعدنا نناقشه و نغلس عليه فى مشاركاته مثلا زى الشكمان اللى بيفرقع والولد اللى طلع له من البلاعه !

و معجزة المعجزات فى الجاموسه اللى كانت ح تخبط جولييت جنب بيتهم ! ( جاموسه فى بورسعيد ) !؟؟؟ والله ينفع

اسم فيلم كوميدى بطولة أبو العربى ! ولا حكاية العيل أبو 12 سنه و راكب مرسيدس قديمه و بيشد معاه و ضرب

هاند بريك ( ملحوظه: المرسيدس مافيهاش هاند بريك و لكن فرمله تالته على شمال الدوبرياج يعنى رجل بريك ) ! انا بقي بقه مكتش اعرف الموضوع ده

وطبعآ قعدنا نضحك على كيفية عثور أبو صلاح على برومادا تائهآ فى شوارع المحروسه ! مش ح أحكى كل الكلام

بس نقطه واحده فقط ! لما أصبحوا قريبين من بعض و طبعآ ما يعرفوش شكل بعض ! صلاح بيقول له انت جنب الكليه

الحربيه ! طب فيه ايه تانى جنبك ؟ قال له فوقى طياره طايره أهيه و ديلها لونه أحمر !! يالااااااااااااهوى !!!

و بعد ساعتين تلاته بعض الناس طلبت ساندوتشات و الآخ برومادا افتكر ان ساندوتش الهامبورجر صغير زى صوابع

زينب ! فطلب 3 ساندوتشات ! و لما جاء الطلب لقينا الساندوتش الواحد قطره بتاع 45 سم ! فأصيب برومادا بالهلع !

و البورسعيدى طلع بأه ! وقال للراجل لآه أنا طلبت واحد بس ! و بعد أخذ و رد الراجل وافق يتحمل 1 و برومادا 2

لكن برومادا أكل واحد بس و ساب التانى لآى حد يلبسه وقال انه ما يقدرش يا كل غير 1 بس ! و بعد نصف ساعه

أكل التانى و قبل ما يخلصه طلب التالت ! طبعآ متنا من الضحك ! وأنا قلت له أنا شايفك بتتخن وانت بتاكل !

ههههاهههاه و قبل المقابله ما تنتهى و كنا بنتناقش مناقشه حاميه فى موضوع ما ! اقترح يرومادا الاقتراح الرهيب

اللى كان ح ينضرب بسببه ! و ما فيش داعى أقول اقتراحه لسببين ! أولا المناقشات دى لست فى حل من اعلانها ! انا معرفش انا قولت كده ليه بس كنت مخنوق شويه من مواقف هقولها لحضرتك في صمام الموضوع ده و طبعا انا بعتدز لكل واحد اتضايق من الاقتراح ده

و السبب التانى علشان على الآقل ربع ال 20000 عضو اللى فى المنتدى ح يروحوا بورسعيد يسلموا جامد قوى

على أبو العربى ! عمومآ معرفة خير ! وان شاء الله لما أروح بورسعيد قريبآ نعدى عليه و على الآخ حازم شاهين

اللى افتقدنا وجوده ! بس مش ح أسمع كلام برومادا و أشد معاه بسيارتى لآنى كما قلت له ح ألبسه فى أول حيطه ! طب شد معايا و هنشوف هيحصل ايه ؟
أو مركب ماشيه فى قناة السويس !أو طياره ديلها أزرق ! بس كفايه عليك كده يا عم ! خدت حقك و زياده ! :HAPPY_~211:

Dr. Bolbolan :260309~146:

ميرسي علي الوصف الجميل ده يا دكتور

رد: اجمد مقابلة واحلى اعضاء

اقتباس:

المشاركة الأصلية كتبت بواسطة AHMEDCAR (المشاركة 110495)

ابوصلاح حبيبى احد اضلاع مربع الهلاك شكرا ياكبير على الوصف التفصيلى للغرزه يامعلم و لو سمحتوا دعونا نعمل فى صمت الحمد لله و انا راجع على البيت و مشغل عبد الحليم كنت هاكون توتال لوس فى عربيه نقل بنزين و الحمد لله ربنا لطف

طب الحمد لله انها جت سليمه و حمدا علي سلامه فيفي
و ابقي خلي بالك المره الجايه و بلاش جري
هو احنا عندنا كام احمد كار و لا كام فيفي ؟

رد: اجمد مقابلة واحلى اعضاء

اقتباس:

المشاركة الأصلية كتبت بواسطة dreamer lover (المشاركة 110630)

وطبعا جنبة وبالامانة افتكرتة انة ابنة مع الفرق الضئيل في السن بينهم بس بسبب المعاملة المفاجئة ابو عربي

بور سعيد كلهه شخص ليس امامك الا حلين وانتة معاة اما انك تحبة او تحبة وملهمش تالت مش هقدر اقول علية

اكتر من الي اتقال رغم اني مشيت قبل الغرزة بشوية كان نفسي اشوفة يا استاذ صلاح بس مليش نصيب بس

اناواثق ان طول ما مادا علي الارض ان شاء الله هشوفلة غرز كتير وان شاء الله هيطلع منهه سليم دتيما

بس قولوا امين

بجد فوت اجمد عرزه و احلي هاند
و ميرسي يا ابو حميد علي الكلام الحلو ده :Wkiss5:
و يا لا يا عم
التيدا منتشره جدا جدا جدا و قطع غيارها موجوده عند البقالين
و لا تزعل نفسك :HAPPY_~211: