مصر موتورز مجتمع السيارات - سؤال لملاك الميجان، ليه بتبيعوها برخص التراب

مصر موتورز مجتمع السيارات (https://www.masrmotors.com/vb/index.php)

- رينو ميجان Mégane (https://www.masrmotors.com/vb/forumdisplay.php?f=159)

- - سؤال لملاك الميجان، ليه بتبيعوها برخص التراب (https://www.masrmotors.com/vb/showthread.php?t=1474)

رد: سؤال لملاك الميجان، ليه بتبيعوها برخص التراب

شكرا ليك يابايو

رد: سؤال لملاك الميجان، ليه بتبيعوها برخص التراب

ROSE4Uبصراحه انت اكتر شخص افادني في موضوع الميجان ده

رد: سؤال لملاك الميجان، ليه بتبيعوها برخص التراب

الله يجازيكم بكل خير 00 وخاصة ابو نورا كتجربه شخصيه
انا كنت بفكر فى السياره دى وشئ ربانى قالى انتظر وتريس
شكرا لابو نورا على التنوير الرائع

رد: سؤال لملاك الميجان، ليه بتبيعوها برخص التراب

انت راجل محترم وصريح والف شكر

رد: سؤال لملاك الميجان، ليه بتبيعوها برخص التراب

رينو ايه وكلام فاضى ايه بس
انا مش فاهم ازاى يكون فى شركة فى العالم اسمها " هوندا " وبعد كده نقول رينو وسيتروين ومش عارف ايه

رد: سؤال لملاك الميجان، ليه بتبيعوها برخص التراب

فى ظلم كبير للرينو ميجان يا جماعه
انا كنت راكب ميتسوبيشى لانسر 2008 1600 اتوماتيك وبعتها لانى محتاج فلوس
واشتريت رينو ميجان 2006 هاى لاين فاتحه سقف وفرش جلد بصراحه عربيه توهم
قمه فى الفخامه اوبشن جميل جدا ناعمه جدا جدا اكتر من اللانسر عزل العربيه ممتاز عاليه عن الارض سحبها افضل من اللانسر على الطريق السريع
اللانسر تتفوق عنها فى قوه التكييف وفى بدايه الانطلاق لكن الميجان اغنى من اللانسر فى كل حاجه تانيه اماكن تخزين فى كل مكان ستائر اصليه فى العربيه بجد انا عشقت العربيه دى
وبصراحه الاشاعات التى طلعت عليها هى اللى خلتنى اشتريها بسعر قليل رب ضاره نافعه

رد: سؤال لملاك الميجان، ليه بتبيعوها برخص التراب

اقتباس:

المشاركة الأصلية كتبت بواسطة Payoo (المشاركة 3203)

أحكي ايه وللا أيه بس يا رجاله دا غللي حصل وبيحصل معيا ومع غيري مايتحكيش

اولا العربية بتاكل بطاريه يعني كل تقريبا 25 ألف كيلو عاوزلك بطارية بـ 1150 جنيه (سعرها في التوكيل كده)

ثانيا ماتقدرش تعمل أي حاجه مهما كانت بسيطه برة التوكيل بمعنى أنك لو غيرت مثلا البطارية هاتلاقي وظائف كهربائية كثير ه توقفت عن العمل تماما زي الشبابيك والكاسيت مثلا
ولازم تروح التوكيل وتاخدلك دور عشان تبرمج الزجاج والكاسيت تاني

ولو غيرت تيل الفرامل بره هاتلاقي الـABS توقف عن العمل ولن يعمل إلا بعد ان تذهب إلى التوكيل (وهناك المجزرة شغاله مابترحمش)

وسيبكم بقى من ده كله العربية أدائها سيء جدا جدا جدا وماتخدش منها اداء ممتاز إلى على الطرق المفتوحة فقط
يعني في وسط المدينة العربية مخنوقة ولو شغلت التكييف يبقى أنت كده قتلت الموتور خالص وقتلت نفسك معاه لان التكييف نفسه مش هايديك هوا بارد إلا لما العربية تجري في طريق مفتوح

دا غير إن كل شوية الكومبيوتر يوقف حاجه عن العمل ومايرضاش يديها إشارة عشان تشتغل (لانه متبرمج على كده ) يعني بعد عدد من الكيلو مترات معينه (هو متبرمج عليها) مايبعتش إشارة للبوبينات إللي فوق البوجيهات مثلا العربيه تشتغل 3 بدلا من 4 وتبقى متضر تروح التوكيل وتغير البوبينه ومعاها طقم البوجيهات

ده غير أنك لو فوت ميعاد الصيانات إللي مطلوب فيها تغيير بعض الأشياء هاتلاقي العربيه مابتشتغلش معاك بطريقة مظبوطه وهاتلاقي الكومبيوتر عمال يطلعلعك لسانه قصدي راسايله كل شوية أشي رسالة تقولك Chek Box وإشي رساله تقولك Servece ورسالة تقولك معرفش أيه لحد ما تلاقي نفسك مدمن التوكيل ويحصل بينك وبين الناس هناك عِشرة ولا عشرة الجيران والأقارب

ده غير أن العربيه ادائها العام لا يتناسب أطلاقا مع شكلها الجميل وسعرها العالي

عرفتوا ليه بقى بتتباع بأقل من نص تمنها ؟

وعلى فكرة مافيش حد هاتلاقيه يقولكم الكلام ده وأستنوني أقولكم على كذا حوار دار بيني وبين اكتر من حد قابلته هناك وهاتعرفوا بنفسكوم أننا شعب مايحبش يقول على نفسه غلطان ابدا

ربنا يبارك فيك يا استاذ بايو على كل الافاده دى بالرغم من انى كنت بفكر اشتريها لانى بحترم الرينو جدااااا بس بعد ما قرأت كلامك هعيد تفكير بس سيبك انت اجمل حاجه روح الفكاهه اللى عندك هههههههه .

خالص تحيــــــــاتى