|
رد: تعديل فيات 126 لاوتوماتيك ... وبعض المشاكل ...
و بالمناسبة الحركة دية موجودة فى علب تروس مخارط و مكن بالهبل اشتغلت معاه يا سيدى الفاضل لو فتيسك قديم هتلاقى فيه الحركة دية مع الاختلاف ان دية قطرها و سمكها مظبوطه على عزم الموتور والفتيس التانية لسه ما ظبطتش لحد اما ناخد معلومات كاملة دية ليها حركة على الفتيس تمنع ان التروس تقفش و تنكسر دية معوضها بحركة الاكس و الجوينت اللى عملته انى اخدت المبداء عدت تصميمه فى علبة لوحدها عشان يكون حل للمشكلة بتاعة الراجل بأى حق يحمل الصورة و يعدل عليها و يتهمنى بأنى بنشر حاجه غلط و هو معندوش معلومات كاملة انا مش مستفاد منكم ابيض ولا اسود غير معرفة الناس الكويسة و الناس السيئة عشان نبعد عنها
http://www.masr1.com/di-89TV.png |
رد: تعديل فيات 126 لاوتوماتيك ... وبعض المشاكل ...
اقتباس:
http://cfnewsads.thomasnet.com/image...599/599668.jpg :GROWIN~12: |
رد: تعديل فيات 126 لاوتوماتيك ... وبعض المشاكل ...
يا جماعة وحدو الله وصلو عالنبى (عليه الصلاة والسلام) الموضوع انا عامله عشان نتابع مع بعض خطوة خطوة والى عندو معلومة ووقت يشاركنا بيها فيه جزاه الله كل خير هيفيدنا كلنا وهيستفاد من معلومة غيره وبكده كلنا نتعلم احسن انا مفتحتش الموضوع عشان نثبت مين بيفهم اكتر من مين الاجانب عايشين كده وبيتناقشو بكل موضوعية عشان كدا بيعلو وسابقينا ومتنسوش ان ( خيركم من تعلم العلم وعلمه ) فاحنا اولى اننا ننفز الكلام ده من اى حد تانى وان شاء الله الموضوع هيبدا فى مرحلة التنفيز قريب وهيبقى احلى من كده فياريت منخربوش ونضيع على نفسنا التجربة بشمهندس رامى انا متشكر جدا لحضرتك على تعبك معايا ومتابعتك للمشروع ويشرفنى جدا وجودك معايا وارائك فى كل خطوة ومتشكر على الوقت الى ضيعته عشان تصمم وانت مش واخد منى لابيض ولا اسود بشمهندس atgps انا شاكر جدا لحضرتك ولمتابعتك معانا واستفدت من معلومة حضرتك بخصوص ان الفتيس الاوتوماتك مينفعش يلف عكس ووجودك معانا ومتابعتك وارائك تشرفنى جدا ربنا يبارك فيكو انتو الاتنين واى حد تابع معانا سوء بيعلمنا حاجة او بيتعلم معانا متنسوش انكوا انتو الاتنين بتعملو حاجة ممتازة جدا لما تشاركونا معلوماتكم بس كده هتضيع لما نتبع الاسلوب ده والفايدة منها مش هتبقى موجودة فيارت نحتسب الوقت والمجهود لربنا سبحانه وتعالى ونحتوى بعض ولو فى حاجة ممكن تجرح او تزعل نتكلم فيها مع بعض عالخاص الاول هتبقى اشيك وهتوصل المعلومة اكتر ومش هتضيع ثوابكم ارائكم واقتراحتكم احيت الفكرة قبل ما تموت جوايا وسعيد جدا بوجودكم ومتابعتكم ياريت متحرموناش من ده عشان انتو ناس محترمة جدا ربنا يباركلم ويزيدكم من علمه و (خيركم من تعلم العلم وعلمه ) |
رد: تعديل فيات 126 لاوتوماتيك ... وبعض المشاكل ...
اقتباس:
مفيش اوضح من كده SLAM:10CC26~164:SLAM :286: |
رد: تعديل فيات 126 لاوتوماتيك ... وبعض المشاكل ...
اقتباس:
يا جماعة محدش قالى رائيو فى الكلام ده مش مفروض كل اكس بيبقى راكب على ترسين من دول مش لو قلبناهم مكان بعض هنغير حركة الفتيس للعكس؟ ولا لازم نجيب ترسين تانيين؟ حد يفتينا فى الموضوع ده بردو cars admire ramy safwt atgps amr elsisi 1 حمدى مخترع مانيوال بدون د |
رد: تعديل فيات 126 لاوتوماتيك ... وبعض المشاكل ...
اقتباس:
زى ما مبحبش اغلط فى شغل حد محبش حد يغلط فى شغلى ولا يفتى فى حاجه بدون ما يعرفها انا تعرضت للأهانة و دخلت فى جدل سفسطائى ملهوش معنى السوليوشن ده موجود فى حاجات الهبل و مكن لا يعد ولا يحصى ليه بقى كده ليه العند و الجدال ليه هتلاقى فى المخارط هتلاقى فى مكن الفرايز الكبيرة هتلاقيه فى الفتايس القديمة الراجل كتر خيره حطلك صورة نفس السوليوشن جنازير كتر خيره و هتلاقى حد هيقولو برضو الجنازير صوتها اعلى و حجمها اكبر ليه بنتصرف كده على فكرة انا تخصص شركتى راوترات سى ان سى و شغلى اللى قبليها كان تشغيل معادن يوميا بتعامل مع علب تروس اشكال و الوان و بشوف العجب و بسئل عشان اتعلم مش اجادل الراجل اللى بيقولى متعرفش انا مين و بيفرد عضلاته عليا وبيقولى بتنشر معلومات غلط يا عم انا واحد مخترع الوحيد فى مصر اللى يمتلك براءات اختراع فى مولدات الطاقة بالهيدروجين و محركات السفن بالهيدروجين عندى حق انتفاع تجارى 20 سنة محدش يقدر ينتج ده بدون ترخيص منى وبالقانون انا فاهم ملكية فكرية كويس جدا و اعرف اخد حقى كويس جدا و لو فاكر ان ليك منصب فأنا ليا علاقات تخرجك من مصبك بكره الصبح و لو فاكر ان معاك فلوس فأنا اعرف اعمل فلوس اكتر منك و لو فاكر انك خايف على معلومة فأنا ليا اسمى و بحترم الامانة العلمية كويس جدا و بالمناسبة انا كانت نيتى انى اخرط دية هدية للراجل مع الايرودينامك و كونترول الفتيس مش منتظر من حد حاجه اكتر من المعاملة الطيبة و الاحترام و وجودى فى مجال السيارات فده هواية بحاول اساعد الناس فى تصحيح مفاهيم خاطئة و اوجد ليهم حلول خارج الصندوق حتى المركز اللى شاركت فيه عندنا فى العبور انا شاركت عشان هواية بحبها وقفت مع الراجل لحد اما اسس المكان و بعد كده مشيت و قولت ربنا يباركله مش هقعد ازاحمه و لما يجى حاجه تتعدل ابقى اركبها عنده و بحساب زى زى اى حد غريب المنتدى انا سايبهولكم و ماشى ! |
رد: تعديل فيات 126 لاوتوماتيك ... وبعض المشاكل ...
cars admire ramy safwt atgps amr elsisi 1 حمدى مخترع مانيوال بدون د ان شاء الله يا جماعة انا هلتزم باقتراحات المبدع بتاعنا cars admire الموتور هيبقا تمبرا 1600 كربراتير والفتيس بتاع كيا برايد اوتوماتيك طبعا حد منكوا ليه اى اقتراح او تعليق عالكلام ده مؤيد معارض اى شيئ؟ انا حابب نمشى مع بعض خطوة خطوة رامى باشا بالنسبة لعزم الفتيس ده مع الموتور التمبرا ايه رايك هيمشو مع بعض ولا ايه ومن على ويكيبديا الموتور ده فى منه نوعين واحد بيدى 84 hp والتانى 86 hp وموتور البرايد ال 1300 الانجكشن بيدى 63 hp وال 1500 الانجكشن بيدى 88.4 hp ها ايه رايك وهل وزن العربية الخفيف يعلى الكلام ده؟ والهورس باور بتاع الموتور ده يزيد اد ايه لو عملناله تربو؟ |
| الساعة الآن 04:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017