مصر موتورز مجتمع السيارات - انقذوا الناس من الــ M11

مصر موتورز مجتمع السيارات (https://www.masrmotors.com/vb/index.php)

- M11 , M12 (https://www.masrmotors.com/vb/forumdisplay.php?f=190)

- - انقذوا الناس من الــ M11 (https://www.masrmotors.com/vb/showthread.php?t=70276)

رد: انقذوا الناس من الــ M11

اقتباس:

المشاركة الأصلية كتبت بواسطة fineart607 (المشاركة 613124)

طب انا ركبت سيراتو بعد الأم 11 الفرق فى الوسع الداخلى بس الأم 11 كانت اثبت على الطريق واوبشن اعلى والحمد لله خلال امتلاك الأم 11 كانت معنا زى الفل ما شاء الله عليها ماعدا ماكينة الزجاج والبطارية :pod_of_gold:

انا معاك من ناحية الثبات وتتفوق كمان على سيارات يابانية زى الكورولا وتعتبر من اعلى السيارة ثبات فى فئتها وكمان التسارع عالى فيها لكن الاتساع الداخلى ضيق نسبيا خصوصا لجهة ركاب الجهة الخلفية والموتور انا والله مفيش تاكسى لما اركبة لازم اتكلم معاه عن العربية وافضل اساله واسمع ردة معظم المشاكل بالنسبة 516 ان العفشة ناشفة ودى مش مشكله فى العربية دة بيدى ثبات اكبر للعربية لانه نظام تعليق رياضى ودة طبيبعى العيب فى الشوارع والمحرك والكتييف كله بيشكر فية مع العلم انها نفس مكنة الام 11

رد: انقذوا الناس من الــ M11

اقتباس:

المشاركة الأصلية كتبت بواسطة samer001 (المشاركة 535613)

كنت عند الكهربائي امبارح .. بصلح الليموزين الـ 4X4 الهاي لاين سبورت توين تيربو الرخمه السيارة رقم 1 في اوربا من 100 سنه فاتت وللآن طبعا بلا فخر فيات 128 ؟؟
ولقيت شاب برنس معاه M11 قلت اعرف منه ايه اخبارها .. ويا ريتني ما سألت ..
اول كلمه قالي زفت وطين مع انها موديل السنة .. الموتور فيه مشكله وخلال التلات شهور اللي العربيه كانت معاه غير كرسي الموتور وشوية حاجات تاني والموتور من اول ما ركب العربيه كأنه بيحط بنزين 80 مش 92 .. ورجرجه جامده.. صوته عالي .. الثبات منيل .. السحب ضعيف جدا .. اللتكييف بيأثر على سرعة العربية والصيانه مش فاهمين حاجه ودايما قطع الغيار مش موجوده .. إلا بعد دفع المعلوم
وقبل كده بوظوله ديسك واسطوانه اثناء الصيانه .. طبعا بالاضافه للعيوب المعروفه لدي جميع ملاك العربيه ذي مثلا عطل مكنة الزجاج الكهربي للبابين اللي ورا .. عدم دقة الار بي .. وهكذا ..
حتي بعد ان حاولت اضغط عليه عشان يقولي مميزاتها ؟؟ قالي انه مشتريها من 3 شهور ولو حب يخلص منها هيخسر 20 الف او اكتر ؟؟
وقالي انا اشتريتها بعد ما سقتها في السعوديه لاني اساسا عايش هناك وكانت عربيه هايله .. والعجيب انه اكد لي ان دي مش هي الشيري دي عربيه نفس الشكل والتابلوه .. لكن كل حاجه فيها غير كده ملهاش علاقة بالنسخه اللي في السعوديه للأسف ..
ايه رايكم مش لو فيه جهاز حماية مستهلك في بلدنا كان عمل حاجه ؟ عربيه ذي دي ايه اللي مخليها مستمره في السوق ؟ وازاي الفنيين بتوع الصيانه مش فاهمين حاجه ؟ وازاي التوكيل معندوش قطع غيار ؟ مش دي كلها اسئلة محتاجه رد ؟؟

مستني ردودكم وآرائكم

شارك في حملة يداً بيد ضد العنف والفتنه ..ايدكم معايا
http://masrmotors.com/vb/showthread.php?t=69660

كان الله فى عونك يا اخى بصراحة السيارة دى خازوق مغرى انا اشتريتها لكن تيجو 1600 نفس المشاكل سيارة ضعيفة خاصة لو معك 4 افراد بالسيارة تكون محتاج جرباج بتاع العربجى تضرب به الموتور حتى يجرى الغرابة ان بعض الناس بتقول ان الموتور يابانى متسوبيشى طبعا تخلف طب اركب متسوبيش وبلاش بهدلة وحكاية الفنيين فى التوكيل دى حكاية تانية معرفش جايين من اى خرابة لا يفهموا الا فى تغيير الزيت والفلتر وسوف تجد السيارة متسخة من الداخل بالشحم

رد: انقذوا الناس من الــ M11

اقتباس:

المشاركة الأصلية كتبت بواسطة ahmedmoh (المشاركة 536246)

العربية معايا بقالها 6 شهور .. انا عارف انها فترة مش كبيرة بس انا اساسا اشتريتها عشان جاري شاريها بقاله اكتر من سنة و بيشكر فيها جدا
تجربتي المتواضعة مع العربية في الفترة القليلة دي و تجربة جاري تتلخص في الاتي
المحرك : اداء مرضي جدا و مفيهوش مشاكل
الفتيس : ناعم و مظهرش منه عيوب مع جاري لكن معايا ساعات مش بيعشق على الاول بس لما بعشق على التاني و ارجع للأول تاني بيعشق عادي
العفشة : ناشفة بس مش مزعجة يعني
السحب : مرضي جدا جدا و على ار بي ام عالي بيبقى ممتاز جدا جدا
الثبات و الفرامل : ثبات عالي جدا و الفرامل فوق الممتازة و انقذتني قبل كدة مرتين من كوارث محققة على الطريق
الصاج : جيد
ملاحظاتي انا على السيارة في استهلاكها العالي للبنزين فقط لا غير
جاري غير ماكينة الزجاج الخلفي على الضمان و مذكرش اي ملاحظات على السيارة
بس اعتقد انها حالات حالات مش قاعدة يعني ان العربية كويسة أو وحشة .. العربية ممتازة اصلا لكن حسبي الله و نعم الوكيل في توكيلها في مصر هو اللي جايبها لورا سواءا في التقفيل او الصيانة

انا معايا الM11 من سنة تقريبا والحمد لله لم اواجه فيها مشاكل لغاية تاريخ 29/12/2012 كنت ف فرع الصيانة تكنو سيرفيس 2 جسر السويس ش ثلاجة الزهراء لصيانة ال15000 وبصراحة الناس كانت مقابلتهم جيدة وانا كنت اشتكيت لهم انى لاحظت نقص طفيف ف الزيت خلال ال6 شهور الاخيرة فقالوا ان فيه ترشيح ف الكرتير سببه ربط عدد2 وردة طبة زيت ف آخر غيار فقلت ان آخر غيار كان ف مركز صيانة الكيلو 32 مصر اسكندرية الصحراوى فراجعوا الحاسب ووجدوا ان كلامى صحيح وقالو لازم ترجع عليهم لان كدة ان ح تتضر تغير الكرتير ولو احنا ح نغيره ح يكون على حسابك. واتصلت بمركز الكيلو 32 فحاولوا التنصل من المسؤلية وقالوا ان السبب هو مركز المختار اوتو اللى عمل صيانة ال1000 فتقدمت بشكوى للمركز الرئيسى ولم اجد رد حتى تاريخه . وعشان كدة ارجو من اى حد يعرف عنوان الشركة ف الصين وانا اتقدم لهم بشكوى وانا متأكد انهم ح يحلوا المشكلة لان الناس دى تعرف معنى خدمة ما بعد البيع فعلا.

رد: انقذوا الناس من الــ M11

قرأت معظم التعليقات وللأسف كل يوم الواحد بيتأكد فعلا أن الصيني ده زي البطيخه وانت وحظك ممكن تلاقي عربيه فعلا كويسه ومفهاش مشاكل واخري بها مشاكل كارثيه , وده حاجه غريبه جدا زي ما يكون العربيات متجمعه يدوي مش علي خطوط انتاج , يعني المفروض لو في مشكله مثلا يعني في الفتيس المفروض انها تكون مشكله عامه في كل الانتاج , لكن مش عارف ازاي بتكون المشكلات بالمنظر ده إلا اذا كان التجميع في هذه السيارات بيعتمد علي مهارات العامل !!! وده تبقي مصيبه