مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - حمرا يا برادعي (https://www.masrmotors.com/vb/showthread.php?t=69804)

رد: حمرا يا برادعي

يا باشا انا حاططهم هزار ..... مداعبه يعني ... مقصدش اي حاجه تانيه غير اني اخفف حده النقاش .... وعلشان الموضوع ميقلبش جد اوي يعني ... فمش حتفرق اوي خط سير العمليه النقاشيه
وبعدين انا لو خرجت بالموضوع فانا رحت لحد عادل امام ... يعني ده كده استدراج مع سبق الاصرار و الترصد :)
متاخدش الامور جد اوي كده
احنا في الاول وفي الاخر بندردش ... مش كده برضو ولا ايه
:waving:

بس ايه رأيك في الفيديو الاخير ده :3_8_14:

رد: حمرا يا برادعي

اقتباس:

المشاركة الأصلية كتبت بواسطة sam ram (المشاركة 532548)

على فكره انا كمان بهزر ....:w6w2005041113562663 هوه ده منظر واحد واخدها جد ؟؟؟ :w6w2005041113562663
انماالفيديو الاخير كوم والموضوع ده كله كوم ولو انا كنت اعرف مكانه على النت كنت حطيته م الاول ف اول الموضوع
وفيديو مبارك فكرني بيه وبتناحته وكلامه الرزل
انما الاخير يكسب بصراحه واقعي جدا وتلقائي ..... اشكرك بصراحه انتوا اديتوا للموضوع طعم تاني

رد: حمرا يا برادعي

اقتباس:

المشاركة الأصلية كتبت بواسطة تامر ديزل (المشاركة 532499)

منقول للمناقشه فقط وليس عناد مني والله
مهمة الوكالة الدولية للطاقة الذرية التى حددتها الفقرة (12) من قرار مجلس الامن (687) فى 3\4\1991 هى تدمير المواد النووية فى العراق او ازالتها او جعلها عديمة الضرر , والقيام باعمال التفتيش للتحقق , وانشاء منظومة للمراقبة المستمرة لضمان امتثال العراق لالتزاماته ... وقد انجزت الوكالة الدولية للطاقة الذرية مهمات التدمير والتفتيش فى العراق منذ عام 1992. وصرح كبير المفتشين النوويين فى الوكالة ( زفريرو) يوم 2\9\1992 بأنه : ( برنامج العراق النووى يقف الآن عند نقطة الصفر ) .... وفى اكتوبر 1993 وقع الجانب العراقى مع الفريق النووى اتفاقا يقضى بأنه عند تسليم الجانب العراقى ملف مشتريات الطارد المركزى يغلق ملف التفتيش وتبدأ مرحلة المراقبة المستمرة ...
وكان من المفروض ان تبلغ الوكالة الدولية مجلس الامن بهذه الحقيقة , وتتوقف انشطة التفتيش وتتحول جهود الوكالة الى المراقبة المستمرة ... لكن هذا لم يحدث حتى جاء الغزو الامريكى للعراق ... لان نهاية التفتيش وغلق ملف برنامج العراق النووى يعنى فتح استحقاق رفع الحصار الشامل المفروض على العراق ... ويعنى ايضا وقف استخدام ذريعة (اسلحة العراق النووية ) غطاءا للعدوان العسكرى على العراق ... جميع تقارير (بليكس ) وخلفه (البرادعى) واصلت الحديث عن مهمة غير منجزة واسئلة معلقة ووثائق ناقصة وعن مصادر للقلق محتملة ... وعن انشطة تفتيشية متواصلة تنتهى بعبارة : ( لم نجد ادلة على انشطة نووية محظورة حتى الان ) ... مما يعنى ان المهمة مازالت مفتوحة النهاية ... وآخر ايجاز قدمه البرادعى الى مجلس الامن كان يوم 7\3\2003 اى قبل الغزو الامريكى باسبوعين , قال فى نهايته : ( بعد ثلاثة اشهر من عمليات التفتيش الاقتحامية لم نجد حتى الآن مايدل او يشير بشكل معقول الى احياء برنامج للاسلحة النووية فى العراق ونعتزم مواصلة انشطتنا التفتيشية ) < وثيقة اس\بى فى 4714 > ...
بهدوء بس
طالما بيقول مالقيناش حاجه لحد دلوقتي وكمان بيعتزم مواصلة الانشطه التفتيشيه يبقى لسه شاكك في حاجه ؟
قدام دوله بتتلكك لو فيه حياديه كان التقرير يقول انه بعد كل الزيارات دي ما لقيناش حاجه . نقطه ويسكت
انما مالقيناش حاجه ......... لحد دلوقتي .
للمناقشه بس مش للزعل

بص يا باشا ... الفيديو ده في رد منه شخصيا على كلامك
http://www.youtube.com/watch?v=RlYjU3GCp2U

وده رد تاني من حد تاني
http://www.youtube.com/watch?v=mcE14...E69DCA692A7C77

بس حضرتك نازل فينا اسئله لما هريتنا
انا عايز اسألك سؤال بقى .. وفي صميم الموضوع علشان متقولش عليا :bat_467:

تفتكر ايه هي المعايير المطلوبه للرئيس الجديد ؟؟
جاوب يا باشا :fun_10_9_206[1]:

رد: حمرا يا برادعي

سؤال عويص ومش سهل لكن هحاول اجاوب
وخلي بالك هارتب المواصفات حسب نظرتي يعني مش لازم يكون ده الترتيب الصح او هيا دي كل المواصفات
واحد : نظيف اليد يعني ما يمدش ايده على مال البلد علشان يعرف يحاسب الحراميه ومحدش يكسر عينه
اتنين : متابع بطول بال يعني يدي تعليمات ويتابعها لحد ماتتنفذ علشان اللي تحت منه ما يضحكوش عليه
تلاته : قليل الكلام وهيبه وحازم والتلاته دول مع بعض بيبقوا موهبه ولازمين للقياده الصح علشان محدش من اللي حواليه يصاحبه ويعمل مصالح على قفاه وقفانا
اربعه : رحيم او انسان من داخله علشان يحس بالغلابه ويساعدهم يقوم يحقق الامن الاجتماعي
خمسه : مدير كفء يقدر يوظف كل الامكانيات المتاحه ويطلع منها باحسن النتايج
سته : جرئ ممكن ياخد قرارات جريئه فيها مصلحه وما يخافش من المعارضين او من البلبله
سبعه : طويل النفس وواسع الصدر علشان يستحمل الطلبات اللي مبتخلصش ويكلم كل واحد باللغه اللي يفهمها
المواصفات دي قد تكون في ظاهرها عاطفيه لكن انا شايفها عمليه جدا ومطلوبه وبعد كده يطلع كبير او صغير مش مشكله اسلامي او راجل عادي مش مشكله برضه تعليمه عالي اوي او تعليمه جامعي بس ماشي ..
وعايز اضيف حاجه جدليه او اقولك بعدين بقى لما تقولي ايه رايك الاول ؟

رد: حمرا يا برادعي

انا مقدرش اقول رأيي في معايير شخصيه ... لأن دي حريه كل واحد في اختيار من يراه مناسب بناء على معاييره
برغم كده انا شايف ان اغلبها معايير عامه حيجتمع عليها الغالبيه العظمى
يعني معتقدش ان في حد طبيعي حيختار رئيس غير نظيف اليد او مفتري
هو بس ( قليل الكلام ) دي ممكن اقلق منها ... لأنه يا اما حكيم .. يا اما مرقد لنا :)

السؤال بقى :-
تفتكر مين من المعروض في الساحه حاليا يمتلك المواصفات دي ؟؟