|
رد: السلسله الذكيه للصيانه الوقائيه
انا حاسس انى باخد من وقتك كتير يا هندسا معلش سمحنى بالله عليك وكله بثوابه
وجزاك الله خيرا باشا وربنا ما يحرمناش منك وحجرب موضوع الباب الموارب ده بكرة ان شاء الله وكمان ححاول اسخن والعمة مفتوحة ولو عرفت الوارب الباب حوربه واشوف هل حيفضل ولا لأ وحبلغك بالى حيحصل ان شاء الله |
رد: السلسله الذكيه للصيانه الوقائيه
ياباشا
كلنا أخواتك وتحت أمرك للتناقش معاك فى أى وقت للوصول إلى حل يرضيك |
رد: السلسله الذكيه للصيانه الوقائيه
بجد ربنا يكرمك ويجازيك كل الخير على المعلومات والشرح الوافي الكافي بالصور
انا مبفهمش اي حاجه عن اللي شرحته وبجد حاسس اني عطشااااااااااان معلومات من اللي انت بتشرحه ( هات كوباية بنزين 92) هههههه GIFT4U ياريت تكمل في الموضوع الجميل ده اللي بجد يعتبر مرجع شامل وياريت تتكلم عن العربيه ازاي تعرف انها محتاجه عمره او كويسه. جزاك الله كل خير |
رد: السلسله الذكيه للصيانه الوقائيه
على فكره ....
انا وانا في المحطه لقيت صاحبي ( شغال في الشوب بتاع المحطه ) عنده جالون زيت تقيل جدا ولما سألته عنه قاللي انه للموتور لو كان فيه تأكل او شروخ الزيت ده بيعمل تظبيط للموتور وكأنك عامل عمره ياريت تتكلم عنه في المشاركات القادمه |
رد: السلسله الذكيه للصيانه الوقائيه
اقتباس:
موضوع بالتعليمى عن التعرف على حالة المحرك اقتباس:
بيكون فيه زرات معدنيه مذابه داخل هذا المزيج من أجل ملأ كل الأمكان المتآكله داخل المحرك طبعا هى بتملأ بس أنت عارف دى شبيهه بأيه عامله بالضبط زى مايكون عندك حيطه وعاوز تغفقها علشان تبدأ تتعامل معاها كشغل نقاشه الريسورس أو الماده إللى قالك عليها صاحبك بتناظر خليط الطرطشه ( الأسمنت بالماء ) يعنى زرات المعدن المذابه فى الزيت والحيطه إللى عاوزين نغفقها علشان فيها مسام كتير ونقر ومينفعش تندهن إلا أما تتمحر هى الأماكن المتآكله من داخل المحرك _______________ والسؤال لك الآن هل تقبل أن يكون محرك سيارتك متغفق من الداخل .............؟ ملحوظه عملية الغافق .............هى ماتسمى بعملية المحاره للحوائط |
| الساعة الآن 06:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017