|
|
رد: مخطط تصفيه الثوره ,,
|
رد: مخطط تصفيه الثوره ,,
لا عجبتوني بصراحه
بقى زعلانين على الغلابه والفقراء كنتو فين زمان لما كانو يترمو بالعشرات يوميا في المقابر بسبب الكبد ومئات الالاف منهم مرميين على ابواب المستشفيات وملهمش سراير كنتو فين وهما بيموتوا فى الدويقة وانتم بتلموا التبرعات عليهم كنتو فين لما كانو يضربو بعض بالمطاوي في طوابير المخابز... كنتو فين لما ولاد الغلابه كان يغرقو في البحر وهما مهاجرين كنتو فينو لما مرتب الموظف كان ٣٠٠ جنيه والمعاش ٧٠ جنيه وكيلو اللحمه ب ٥٠ كنتو فين لما الانفاق استمرت اكتر من ١٠ سنين يتهرب منها دعم الغلابه برضى الدولة كنتو فين لما اقتصاد البلد اتخصخص لرجال الاعمال وكبار الساسه كنتو فين وهي البلد بتخرب في ٢٠١١ اه ... كنتو بتقولو فيها ايه لما نتعب كام سنه ونصبر على ثورتنا لحد ما تؤتي ثمارها ولا نجوع بس نعيش بحرية #اما الخرفااااان بقى معملتوش ليه حساب الغلابه وانتو بتخربو في البلد وبتحرقو محلاتهم معملتوش حسابهم ليه لما كنتو بتجمعو الفكه وبتشترو الدولار وبتسحبو فلوسكم من البنوك وبتعملو اعتصامات واضرابات وبتفجرو محولات الكهرباء وعمليات ارهابية علشان تخوفو السياح وهاشتاج مصر غير امنه واتهمتو الدوله بقتل ريجيني علشان تمنعو السياحه علشان توقعو الاقتصاد حتى لو مشاركتش في التخريب لكن كنت بتدعم المخربين لا بجد كلامكم اثر فيا هاتي يا أيلا المنديل لبابا علشان يمسح دموعه ممدوح الشافعى |
رد: مخطط تصفيه الثوره ,,
فكره للمناقشه..ربما تجد القبول !!!!
لا يمكن لأى منصف أن يحمل القياده الحاليه ..اخطاء الماضى الموروثه من العهود السابقه ولايمكن لأى عاقل أن يتصور أن القياده الحاليه لم تدرس كل الاحتمالات لتفادى الضغط الرهيب علينا كمواطنين من ارتفاع رهيب للأسعار التى تلهب ظهور البسطاء أمثالنا ...وتقسوا بكل قوه على الجميع ...ولكنى أرى أن ...دعم البنزين أحد أسباب الظلم وعدم تحقيق العداله الاجتماعيه!!!! أن الدوله تقدم حوالى 120 مليار جنيه سنويا لدعم فئه..دون الاخرين...!!!!!! أن الملاحظ فى المجتمع المصرى الآن أن هناك من الأسر تمتلك اكثر من سياره ربما ثلاثه او اربعه للاسره الواحده ...الاب والام والابناء ...كيف يتم تقديم دعم لسيارات ثمنها اكثر من نصف مليون جنيه وتحميل هذه الديون للفقراء الذين لا يمتلكون سيارات أو حتى قوت يومهم !!!! أو تقديم دعم لسيارات الشركات التى تنتج وتصدر للخارج وتقبض بالدولار ؟؟؟ او السفارات أو الشركات الاجنبيه أو..أو..أو......& والدعم يدفع من رقاب الفقراء !! اذن ماهو الحل الذى يحقق العداله الاجتماعيه وتوزيع الدعم على الجميع ؟؟؟؟ من يملك سياره او لايملك... لوتم تقسيم مبلغ الدعم على سكان مصر ..سيكون نصيب الفرد حوالى مائه جنيه شهريا ...مايحدث الان أن الدوله تعطى المائه جنيه نصيب من لايملك سياره اى أصحاب السيارات الفارهة والشركات وغيرها...وهذا قمه الظلم الاجتماعى !!!! ولو تم تحديد حصه شهريه لكل فردوعمل كارت البنزين .به حصه محدده..ومن يتجاوزها عليه أن يدفع الثمن الحقيقى البنزين وكذا اعطاء المبلغ المائه جنيه على بطاقه التموين لمن لايملك سياره..وبهذه الطريقه يمكن تحقيق بعض العداله الاجتماعيه المستحقه ...ولامكن تامين الأسر التى لاتملك سياره بمبلغ محترم يضاف إلى المواد التموينيه ..ولذا نطالب الحكومه برفع قيمه الدعم على البطاقات التموينية بمبلغ لايقل عن 150 جنيه للفرد وبالتالى لو اسره مكونه من اربعه أفراد ..يكون نصيبها 600 جنيه تصرف فى صوره مواد تموينيه لتأمين الأسر من الغلاء الرهيب ..وفى نفس الوقت لم تتكلف الدوله أعباء اضافيه عن مبلغ الدعم التى تضخه سنويا لصالح فئه دون أخرى ... فكره للمناقشه ...ربما تجد القبول .. وربما يحاول البعض إلى اعاده النظر فى كثير من الأمور والسلوكيات . #حمى_الله_اهل_مصر منقوووووووول |
رد: مخطط تصفيه الثوره ,,
https://scontent-cai1-1.xx.fbcdn.net...97&oe=5B9FD24D
القرارات الأخيرة طلعت كل الأنجااااااس مع بعض تانى كان متوقع اكييييييد |
رد: مخطط تصفيه الثوره ,,
البرادعي والاخوان وممدوح حمزة وتكتل ٢٥-٣٠ واولاد مبارك بتوع جيمي زينه الشباب ، كلهم عايزين ثورة علشان البنزين ، يالا انزلوا الثورة وهاتوا ضرفها وقصروا علينا السكه بدل المناهدة ووجع القلب ، واشتروا بنزين احرقوا بيه البلد واستريحوا والمجلس الرئاسي المدني موجود والنشطاء موجودين والارهابيين موجودين ، يالا كلكم ايد واحدة مع بعضيكم احرقوا البلد وهاتوا عاليها واطيها وخلصونا من العيشة الغب...را دي اللي بقالنا سبع سنين نقول ونتكلم ونصحي الصبح تاني نقول ونتكلم ، وعلي ايه وجع القلب ، ثورة ثورة ، ولكم في سوريا وليبيا واليمن اسوة حسنة ، عيشوا ومااجمل الوطن المحروق اللي مافيهوش شوارع تمشي فيها العربيات اصلا ، ومااجمل الثورة اللي البلطجية فيها ثبتوكم في الشوارع وسرقوا عربياتكم وسابوا نسوانكم رأفه بيكم ، ومااجمل الحياه والنار مولعه في كل حته ، ولا يكون في اقتصاد ولا اصلاح اقتصادي ولا دولة اساسا ....
منقوووووول |
| الساعة الآن 01:56 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017