مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

اقتباس:

المشاركة الأصلية كتبت بواسطة waelsalah (المشاركة 610967)

بالنسبة للدينامو يجي استيراد افضل
سعره يترواح من 150 - 250 حسب حالته وحسب فصالك مع التاجر ((لأنهم بيخترعوا فى اسعار قطع الغيار الاستيراد ))
وعلى تجربة وتشترط على البائع انه على ضمان التجربة مش اقل من 3 ايام - اسبوع
الكتاوت هتلاقيها صيني ومش هتظبط معاك ومش هترجع الا لو خليت كهربائي عنده كتاوت يجربهالك وتمشي بيها يوم او اتنين وتشوف وبرده تفهمه انه الو مظبطتش مش هحاسبك
فيه كتاوت تايوانى جديده ب 80 ج بس من غير ضمان او مرتجع وانت وبختك
فالافضل تجيب دينامو استيراد كتاوته داخلية

بالنسبة للبطارية لو جافة اعتقد الاشارة الحمرا يعنى عاوزه تتشحن مش تترمى
لو سودا يبقي خلاص عوضك على الله فيها لازم تتغير
((بصراحة مش فاكر بالظبط))
فانت كده او كده جرب تبيتها على الشحن على التونجر ( شاحن البطارية ) عند الكهربائي او الميكانيكي .
وشكرا

الحمد لله المشكلة اتعالجت عن طريق تغير الكتاوت
والكهربائى فك الدينامو و تم قياسه بالافو ميتر و غيرتها و جبت كتاوت جديدة اصلى توكيل ب 90 جنيه من شبرا

بالنسبة للبطارية عندى الاحممر استبدال و الابيض شحن و الاخضر جيدة
انا عندى دلوقتى على الاحمر بس الراجل بتاع البطاريات قالى هتشتغل مدة و تفصل خالص المدة قد ايه معرفش بصراحة
لما رحت شفت الدينامو تانى لاقيته 14 طبيعى الاول كان فوق ال 20

رد: رابطة مالكى الاكسل

[QUOTE=ramy uwk;614260]

اقتباس:

المشاركة الأصلية كتبت بواسطة miam0502788391 (المشاركة 612022)

انا سالت اكتر من ميكانيكي قالي ادام في الزحمه بتيجي علي النص والمراوح بتشتغل بتنزل للربع ده الطبيعي في اي عربية وادام ان في المشي العادي مبتجيش الربع تبقا طبيعيه جدا

طيب نسأل كل الأخوة اللى معاهم اكسيل
مؤشر الحرارة بيقى على كام؟؟؟

رد: رابطة مالكى الاكسل

[QUOTE=miam0502788391;6151 48]

اقتباس:

المشاركة الأصلية كتبت بواسطة ramy uwk (المشاركة 614260)

طيب نسأل كل الأخوة اللى معاهم اكسيل
مؤشر الحرارة بيقى على كام؟؟؟

فى بداية التشغيل لما تسخن بيكون فى التلت الاول القريب او اقل من التلت كمان
وممكن تفضل على كده
ومع المشي الكتير وكثرة التوقف بيقرب الى النصف تقريبا ولا يزيد بل من الممكن ان يثبت ع التلت او بين التلت والنصف تقريبا
هل هذا طبيعي ؟
انا برده ترموستات الكوعه متشال عندى
وشكرا

رد: رابطة مالكى الاكسل

[QUOTE=miam0502788391;6151 48]

اقتباس:

المشاركة الأصلية كتبت بواسطة ramy uwk (المشاركة 614260)

طيب نسأل كل الأخوة اللى معاهم اكسيل
مؤشر الحرارة بيقى على كام؟؟؟

انا هقول على اللى بيحصل معايا
الصبح وقت التسخين المؤشر بيكون نازل لتحت خالص تحت العلامة C وبعدين لما تسخن يوصل لأول شرطة عند C ومع المشى جوه البلد بيعلى فوق C بمقدار شرطتين او تلاته
المشى على الطريق بره البلد بيكون ثابت على اول شرطة او عالى شرطة واحدة ده فى الشتا لكن فى الصيف بيكون اعلى شرطة او شرطتين
المؤشر لم يوصل عندى للتلت او يعدى الربع بمقدار صغير ممكن يأثر على جوان وش السلندر (يضرب يعنى )
هل كده مظبوط ولا المؤشر مخرف عندى

رد: رابطة مالكى الاكسل

شباب معلش محتاج اعرف عن الاكسل شوية
انا طالب ومشواري للكلية حوالي 120 كيلو كل يوم رايح جاي
انا عايز اعرف سعرها واية نظام قطع غيارها
انا عايز اشتري حاجة رخيصة وشيك ومتبهدلنيش
انا بصرف مواصلات كل يوم تقريبا تمن 20 لتر بنزين غير تعب المواصلات والرخامة وتناكة وتحكم السواقين
انا سمعت ان الاكسل حلوة
انا معايا حوالي 30 بالعافية ولو العربية باقل من كدا يبق خير وبركة اوي
انا كنت هاخد بي ام دبليو الفئة التالتة موديل 87 ب 27 الف بس كانت محتاجة سمكرة في الرفرف وتترش
بس انا دي هتكون اول عربية ومش عايز ابداها تصليح
اتمني تفيدوني

رد: رابطة مالكى الاكسل

اقتباس:

المشاركة الأصلية كتبت بواسطة mik (المشاركة 615333)

تنورنا وتشرفنا اكيد
الاكسيل فيه منها 3 انواع
1- هاتشباك وسعرها بيتراوح من 25 - 30 الف تقريبا حسب الحاله ومننصحش بيها لتقل بيعها
وفى منه سيدان ( بشنطة )
2- 1300 سي سي ودى فاضيه ( تكييف وكاسيت )28-33 الف تقريبا
3- والافضل منها 1500 سي سي كامله ( باور - تكييف - وحدات رفع - زجاج كهربا ) عشان تلاقي حاله كويسه وكمان هتصرف عليها من 33-37 الف تقريبا
وموديلاتها فى مصر اعتقد من 94 - 98 الكورى منها لحد 96 والاعلى من ذلك تقفيل مصري
بالنسبة لقطع الغيار
الجديد منها متوفر في اصلي وفى تقليد كورى او صيني وسعره كويس مقارنة باليابانى والالمانى
الاستيراد متوفر لكنه مش بكثرة زى الاول ( لظروف البلد عموما فى قلة الاستيراد فالتجار بتهرج فى الاسعار )
طبعا الاهم من السعر والمواصفات هى الحاله خصوصا فى الدواخل
احذر غش التجار والصنايعية
وتأنى ولا تتسرع
واستخير ربنا قبل اى شئ
تقبل تحياتى
وشكرا

رد: رابطة مالكى الاكسل

اقتباس:

المشاركة الأصلية كتبت بواسطة waelsalah (المشاركة 615655)

شكرا لتعبك معايا
انا كنت متوقع اسعار اقل من كدا شوية
شكلي هاجلها وارجع لزل المواصلات وتعبها تاني