مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

السلام عليكم
ازاى حضرتك يا دكتور تامر؟
انا دكتور محمد اللى استشرت حضرتك من يومين
و نصحتنى بكذا عربية منهم تويوتا كورولا مو 97-99
و انا فعلا نزلت النهاردة مع واحد معرفة
و شفت عربية تويوتا كورولا مو 99
حالتها كويسة جدا
مش رشة برة غير اجزاء بسيطة فى الرفرف الامامى
و من جوة فابريقة
و تكييفها تمام جدا
و عفشة ما شاء الله
و ركبتها -و هى مانيوال- ما شاء الله
ناعمة جدا و سحبها ممتاز ومش سامع صوت موتورها
كل اللى كان قلقنى منها انها ماشية 200 الف كيلو و شوية
بس بصراحة غير كده انا ما شفتش فيها عيب
المهم الراجل صاحبها طالب 48000
و انا دفعت عربون واتفقت اقابله بكره
ياريت تقولى هى سعرها حلو كده؟؟
و موضوع العداد ده يقلقنى و الا لا؟؟
وشكرا يا دكتورنا

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة drmagola (المشاركة 275885)

السلام عليكم

ازاى حضرتك يا دكتور تامر؟
انا دكتور محمد اللى استشرت حضرتك من يومين
و نصحتنى بكذا عربية منهم تويوتا كورولا مو 97-99
و انا فعلا نزلت النهاردة مع واحد معرفة
و شفت عربية تويوتا كورولا مو 99
حالتها كويسة جدا
مش رشة برة غير اجزاء بسيطة فى الرفرف الامامى
و من جوة فابريقة
و تكييفها تمام جدا
و عفشة ما شاء الله
و ركبتها -و هى مانيوال- ما شاء الله
ناعمة جدا و سحبها ممتاز ومش سامع صوت موتورها
كل اللى كان قلقنى منها انها ماشية 200 الف كيلو و شوية
بس بصراحة غير كده انا ما شفتش فيها عيب
المهم الراجل صاحبها طالب 48000
و انا دفعت عربون واتفقت اقابله بكره
ياريت تقولى هى سعرها حلو كده؟؟
و موضوع العداد ده يقلقنى و الا لا؟؟
وشكرا يا دكتورنا

طالما السيارة بحالة جيدة وصاحبها محافظ عليها ويقوم بالصيانة الدورية مفيش مشاكل وزيادة فى الإطمئنان أكشف عليها جيدا بواسطة متخصصين
أما السعر فهو جيد

رد: متوسط اسعار المستعمل هذا الاسبوع

السيد المحترم
عربية لنسر 97 عددها 23000 بس
السؤال:
تعمل كام؟ صحبها طالب 60 الف!!
اية الفرق ما بينها و بين الكريستالة 98؟؟
اتاكد اذاى ان دة فعلاً عددها؟ مع العلم ان العربية بالعين المجردة شكلها فعلا زيرو

60 ألف يا خبر أبيض
حتى لو زيرو طبعا حرام
ال97 آخرها 50 لو فابريقة بالكامل حالة ممتازة زى الحالة اللى بيقول عليها
موضوع العداد لو ملعوب فيه صعب إكتشافة إلا من خلال الحالة العامة للسيارة

الاخ العزيز د/ تامربعد التحية لك كل تقديرى واحترامى - لقد ذهبت للسوق الحرة وعاينت سيارة كرولا وكانت ممتازة ولكنى وجدت صاجها ضعيف جدا ولانى اسكن بمنطقة شعبية ومحاط بالمدارس من كل جانب وسوف اركن السيارة بالشارع فلسيادتك ان تتصور شكلها بعد يوم دراسى واحد ؟؟؟؟؟؟ المهم بالاضافة لما ذكرت فى سؤالى الاصلى ياريت تختار لى سيارة يكون صاجها جامد جامد مع وافر شكرى ---- اصل السؤال كان رقم 5760 -----
الاخ العزيز د/ تامربعد التحية انا عندى اعاقة ثلاثية والكمسيون الطبى صرح لى بسيارة هيدروماتك - ولانى ليس لى خبرة بالاتوماتك فمطلوب وبشدة راى حضرتك - طبعا انا عاوز سيارة لاتعطل بى فى الطريق لانه لو حدث اى عطل بيكون مشكلة ضخمة للمعاق - والاختيار بين اوكتافيا او ماتركس او كورى -- بس لازم هيدروماتك ------ولسعادتك كل الشكر
خلاص يبقى خليك فى الأوكتافيا

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة محمد صقر (المشاركة 274761)

دكتور تامر
مقدرش اقولك اي حاجة علي المجهود الكبير دة لانك بتعمل شىء كبير . بدل الناس للخير من واقع خبرتك الواضحة في هذا الموضوع مش هطول عليك
ربنا يجعل كل دة في ميزان حسناتك

اولا ليا طلب عندك انا معايا مبلغ من 33000 الف الي 37000 الف جنيه وعايز اركب عربية حلوة مع العلم اني بسافر اسكندرية في الشهر مرتين
ناس نصحوني هات اكسنت بس بلاش 1300 سس هات ال 1500 علشان التكييف
وناس تانية قلولي الجولف 2 جميلة وتحفة وركوبة
وناس تانية قالولى هات اوبل فكترا قطع غيار غالية شوية بس حطها وانساها وركوبه الماني
انا دلوقتي قدامي اكسنت موديل 2000 \ 1300 س س عاملة 37000 الف ونظيفة اي رايك ؟ طبعا زي ما انتا شايف انا مليش في الموضوع اوى وقلقان وبسمع لكل الناس بالوانهم وازوقهم انصحني نصيحة فنية لان الفلوس اللي معايا دة ربنا اللي يعلم تعبت فيها ازاى وعلشان كدة ربنا ان شاء الله هيكرمنى
وجزاك الله خيرا في انتظار مشورتك
ملحوظة في حالة تاييد الاكسنت عايز اعرف اة الفرق بين ال1300 سس و 1500 سس

الاكسنت ال2000 ال1300 مناسب ليها 35-36
ال1500 مو98 فى حدود 38