رد: متوسط اسعار المستعمل هذا الاسبوع
 

تساوى 26000-27000

رد: متوسط اسعار المستعمل هذا الاسبوع
 

السلام عليكم و رحمة الله و بركاته
د/تامر كيف حالك؟ عسي ان تكون بخير و في احسن صحة و حال.
اخواني الأعزأ بالمنتدي الفاضل المفيد كل عام و انتم جميعا بخير.
سيدي الدكتور....... ما هو رأيكم في سيارة كراسلير نيون عامةً من حيث قطع الغيار و كسيارة عموما من حيث اعادة البيع و التداول. هي تقريبا ثمانينات و الله اعلم ... 2000 سي سي كاملة اوتوماتيك حالة جيدة تنصح بها ام لا و عل فكرة صاحبها طالب 23000.
و لك جزيل الشكر و التقدير

رد: متوسط اسعار المستعمل هذا الاسبوع
 

دكتور تامر

انا معايا سيارة دايو لانوس 2007 فابريكة بره و جوا و حالتها ممتازة و مشيت 64 الف كيلو

ممكن يكون سعر بيعها كام ؟

و يا تري ايه الياباني اللي اقدر اشتريه يفلوسها ؟

رد: متوسط اسعار المستعمل هذا الاسبوع
 

دكتور تامر
مقدرش اقولك اي حاجة علي المجهود الكبير دة لانك بتعمل شىء كبير . بدل الناس للخير من واقع خبرتك الواضحة في هذا الموضوع مش هطول عليك
ربنا يجعل كل دة في ميزان حسناتك

اولا ليا طلب عندك انا معايا مبلغ من 33000 الف الي 37000 الف جنيه وعايز اركب عربية حلوة مع العلم اني بسافر اسكندرية في الشهر مرتين
ناس نصحوني هات اكسنت بس بلاش 1300 سس هات ال 1500 علشان التكييف
وناس تانية قلولي الجولف 2 جميلة وتحفة وركوبة
وناس تانية قالولى هات اوبل فكترا قطع غيار غالية شوية بس حطها وانساها وركوبه الماني
انا دلوقتي قدامي اكسنت موديل 2000 \ 1300 س س عاملة 37000 الف ونظيفة اي رايك ؟ طبعا زي ما انتا شايف انا مليش في الموضوع اوى وقلقان وبسمع لكل الناس بالوانهم وازوقهم انصحني نصيحة فنية لان الفلوس اللي معايا دة ربنا اللي يعلم تعبت فيها ازاى وعلشان كدة ربنا ان شاء الله هيكرمنى
وجزاك الله خيرا في انتظار مشورتك
ملحوظة في حالة تاييد الاكسنت عايز اعرف اة الفرق بين ال1300 سس و 1500 سس

رد: متوسط اسعار المستعمل هذا الاسبوع
 

انا مهندس و لسة متخرج شهر 6 اللي فات على طول و اليومين دول بدأت أفكر أشتري عربية و نفسي اشتري هاتشباك ابتدي بيها و عاجباني البيجو الـ206 و ناس قالتلي انها حلوة و كدة و عرفت ان ليها موتورين ( 1200 سي سي و 1400 سي سي ) ...

سؤالي هو لو عربية بالمواصفات دي تعمل كام :

الحالة : فابريقة دواخل و خارج او راشة نظافة ....
العداد : 75 - 80 ألف كم
الموديل : 2002
الغيار : مانيوال
الكماليات : كاسيت و تكييف ( ده أساسي في كله طبعاً ) و مش عايز جنوط إطلاقاً
السعة الليترية للموتور : 1400 سي سي

عربية كدة عايز سعرها العادل ( المتوسط بالظبط ) + أقصى سعر للحالة الممتازة