رد: اسئله المبتدئين ..عفوا ممنوع الفتى :)))
 

انتا طول ما انتا واقف وشادد فرامل يد، العربية هتكون محملة عليها ولونزلتها العربية ترجع لورا

لما تحب تتحرك،
هتدوس بنزين وترفع رجلك من على الدبرياج (عادي خالص) بس بالراحة اوي لحد ماتحس ان العربية عاوزة تمشي لقدام بس الفرامل مسكاها، ساعتها تبقى تنزل فرامل اليد

الموضوع عاوز خبرة عشان احساسك بيه يبقى عالي
انصحك انك تجربها على اي مطلع فاضي من غير زحمة كذا مرة لحد ما تظبط معاك

رد: اسئله المبتدئين ..عفوا ممنوع الفتى :)))
 

طب تمام كده
عاوزين بقا حد يكون محترف ويقولنا ازاى نعمل النص دايره بفرامل اليد والعربيه متقفش
زى حركات الافلام دى :D
للعلم بس

رد: اسئله المبتدئين ..عفوا ممنوع الفتى :)))
 

معلش كده سؤال يا جماعه
انا الحاج الوالد بيدوس بنزين جامد اوي وهوه طالع بالعربيه يعني العربيه صوتها بيبقي عالي وبيفضل دايس دبرياج لحد ما العربيه تاخد سرعتها
ثاني حاجه بيفضل دايس علي الدبرياج بس مش للأخر لحد ما يجيب التاني
هل ده صح ولا غلط
مع العلم اني لما بسوق بيبقي صوت العربيه لما اتحرك من السكون هاديء ومش بيعلي ولا حاجه

رد: اسئله المبتدئين ..عفوا ممنوع الفتى :)))
 

تعمل ايه لوانت فى طريق و ماشى على الرابع و ناوى تخش شارع يمين منه ؟
انا باخد الجنب اليمين من قبل الشارع بشويه كويسين و بهدى للتالت و قل ما ادخل يمين بدوس دبرياج و امور و الف و انا رجلى على الفرامل بشويش لحد ما اخد عدلتى فى الشارع اليمين و اخد غيار السرعه اللى انا عليها و غالبا ببقى فى باايه التانى .
انتوا بقى بتعملوا ايه ؟

رد: اسئله المبتدئين ..عفوا ممنوع الفتى :)))
 

والله استفتدت كتييييير جدا جزاكم الله عنا خير جزاء