|
|
رد: هل يتلاعب الإعلام بالعرب مثل العرائس ؟؟ (دعوة للتعقل بعد أحداث مصر والجزائر)
حقيقى يا جماعه انا فخور ان لسه فى البلد ناس بتفكر بعقلها فى وقت اصبح التفكير بالعقل من الذكريات الجميله .. انا متفق معاكم تماما ان الاعلام المصرى والجزائرى كانوا السبب الرئيسى وراء فتنه تهدد باستقرار البلدين بل لم يكتفى الاعلام الصرى بذلك بل بدء فى المزايده على دور مصر مع الثوره الجزائريه ... يا جماعه ده فى النهايه ماتش كوره فيه غالب ومغلوب واعتقد ان المتابعين للكوره على مستوى العالم عارفين ان تجاوزات المشجعين تتجاوز فى بعض الاحيان ما حدث فى السودان ... انا فخور انى مصرى وبعشق تراب البلد دى واحسست بالمهانه لدى رويتى لعلم بلادى وهو يهان زى كل المصريين لكن ارحع واقول ان من غير المعقول ان تعامل السفيه بسفاهه اكبر ..بل يمكن لنا ان نسترد كرامتنا باكثر من طريقه بدايه عن طريق القنوات الدبلوماسيه , ان يتم تقديم اعتذار رسمى عن اهانه علم مصر , ان يتم تقديم تعويضات عن الانشاءات التى تم تدميرها من قبل الجزائريين , وانا رافض تماما ان يتم التعامل مع الجزائريين بنفس طريقتهم لان القوه الحقيقيه ليست فى قوه العضلات بل فى الحكمه فى استرداد الحقوق ونهاية تحيه لكل المصريين وارجو منهم التعبير عن غضبهم بشكل يليق بنا كشعب متحضر بدون تكسير للمحلات او التعدى على الجزائريين كما ارجو من المصريين ان لا ننسى ان هناك من هم اشد عداوة لنا من الجزائريين ... """ اليهود هم العدو الحقيقى فاحذروه
|
رد: آسف جدآ و آخر مره أكتب فى الموضوع ده !
لا حول ولا قوه الا بالله |
كلام هاني ابو ريده
اكد هاني أبو ريدة عضو المكتب التنفيذي بالإتحاد الدولي لكرة القدم "فيفا" أن المادة "67" من لائحة الفيفا تمنح المصريين بطاقة التأهل للمونديال العالمي. وقال ابو ريدة في إتصال هاتفي ببرنامج دائرة الضوء، أن المادة 67 تتحدث عن سلوك الجماهير قبل وأثناء وبعد المباراة، من جانبه أكد المستشار حسام مكاوي رئيس محكمة جنوب القاهرة أنه لا بد من إعداد مذكرة قانونية من قبل رئيس القضاه ونخبة من قضاة مصر، مشيراً إلي أن "السكاكين" و "المطاوي" التي ظهرت في الفيديوهات هي أخطر بكثير من "طوبة" زيمبابوي الشهرية. من جانبه ناشد هاني أبو ريدة نائب الإتحاد المصري لكرة القدم، كافة وسائل الإعلام المصرية والتي قامت بتصوير ما حدث بإرسال ملفات الفيديو والصور لإتحاد الكرة لوضعها في ملف الشكوي.
ياجماعه بغض النظر عن كلام ابو ريده احنا مش عايزين كأس العالم بس مش عايزين الجزائر تروح تمثل العرب هناك |
رد: آسف جدآ و آخر مره أكتب فى الموضوع ده !
لا حول ولا قوة الا بالله .
فعلا الرجل هو من ملك عقلة حين يفقده الناس . انا نفسى اعرف فى حد سأل نفسه ليه النظام - وليس الشعب - الجزائرى عمل كدا . نفسى اعرف فى حد سأل نفسه مين واقف وراء الجرائد الجزائرية اللى عملت الفتنة دى ، وايه مصلحته من كدا . نفسى اعرف فى حد فعلا حاول يوزن الموقف ويتحرى حقيقة اللى حصل فى السودان ، يعنى بالعقل 9000 واحد بيعتدى عليهم بالطوب والشوم والسنج والمطاوى والسكاكين وميصبش منهم غير 20 واحد بس واصابات سطحية ما بين خدوش وجروح سطحيه . وازاى حوالى 150 او 200 اتوبيس بيعتدى عليهم وميتكسرش منهم غير 7 اتوبيسات !!!!! نفسى اعرف فى حد جمع الرويات اللى الفنانين والاعلاميين المصريين حكوها وقارن بينها ووزنها بعقله !!!!!!!!!!!!! انا لا انكر ان المصريين اعتدى عليهم فى السودان بس ياترى الاعتداء دا كان بالشكل اللى الاعلام صوره . وايضا لاانكر ان الجرائد الجزائرية اهانت مصر ، بس ياترى فى حد سأل نفسه ليه . سؤال تانى عايز حد يجاوبنى عليه ، هو المخابرات المصرية كانت فين من اللى حصل ، والسفارة المصرية فى السودان والسفارة المصرية اللى فى الجزائر كانوا فين وكانوا بيعملوا ايه وهما شايفين وسامعين بكل اللى بيحصل . سؤال تانى لكل واحد عنده ضمير . بالله عليك هل تقبل ما قيل فى الاعلام المصرى من كلام اقل ما يقال عنه انه كلام بذىء فى حق الشعب الجزائرىالمسلم.ومعايرتهم بمساعدتنا ليهم ، ووصفهم باليهود ومحاولة وضعهم مع نظامهم الحاكم فى بوتقه واحده . ياريت ياجماعة اعادة نظر فى الموقف ككل ، ودراسته بالعقل وليس العاطفه ومحاولة الوصول للحقيقية . |
رد: آسف جدآ و آخر مره أكتب فى الموضوع ده !
انا ما كنتش عايز اشارك فى الدائره المفرغه دى الا بلا حول ولا قوة الا بالله لكن عندى شهادة حق انا عشت فى الجزائر 4 سنين فى ولايه ادرار فى الجنوب وفعلا كان الجزائريين بيشتمو المصريين ايامها ويقولولهم يا ( خونه ) وانا على ذلك شاهد عيان اما بالنسبه للواقعه موضوع التوبيك فانا ارى انها اختصار لكلمه واحده هى تطرف سواء من المشجعين اللى ولعوها او من الاعلامين اللى زودوها او من السياسيين اللى استغلوها وذلك على الجانبين وبصدق وبموضوعيه وبدون تحيز ارى ان كلا الجانبين تطرف ولكن كانت نسبه التطرف الجزائرى اكبر وربنا يهدى الجميع |
رد: حملة مخاطبة الفيفا بإلغاء المباراة و إثبات الحق المصرى
محدش يسكت ويضيع حق بلده
وياريت محدش يستهان ودى الرساله ياجماعة ده لينك للاتحاد الدولى الفيفا http://www.fifa. com/contact/ form.html ياريت كله يبعت للفيفا يطلب الغاء نتيجة المباراة بسبب الى حصل بعد المباراة ويكتب كل الى سمعه حصل بعد الماتش والى معاه لينكات لفيديوهات او لينكات من برامج او مكالمات استغاثة من المصريين فى السودان الموضوع هام جدا وممكن يجيب نتيجة ايجابية وتتلغي نتيجة المباراة وحصلت قبل كده فعلا ودي صيغة عشان تتبعت علي طول To the International Federation of football We urge you to Withdrawal the Algerian team from qualifying to the World Cup because of their Barbarism and the lack sports ethics, and attacking the Egyptian team and Egyptian Citizens using weapons like knives and machetes And we have full faith of your wisdom and Justice in solving problems Thank you so much ودي صيغة تانية Hey all of you , Fifa Signture is My game is Fair play and what algeria did today in the match with Egypt is not fair play First :they Stormed the field before the match , they destroyed the bus of Egyptian players , they Threatened players and Egyptian people with death Second : they through fire into the field during the match Third : they stopped the Egyptian buses in sudan and hit egyptian people and some of them was killed or Permanently injured so , it was no a fair game and what all we need is to rescue us and rescue what Fifa What are trying to be applied in the spirit of sports Egypt Presented to the world The Best Youth World Cup so you must protect her right to access to the World Cup and re-calculating or outcome of the game in favor of Egyptour game is fair play thanks Great Fifa الخطوات بالظبط ************ هنختار Feedback on National Teams' Fixtures and Results What is your name? .. اكتب اسمك فيها Email : اكتب ايميلك Subject : Egypt VS Algeria وبعدين اعمل كوبى للماسيدج باى نص تختارو هتلاقى تحتها مكتوب URL وفى مكان تحط لينك حط لينك الفيديو http://www.youtube. com/watch? v=FUZwof4pIUE وبعدين تحتها اكتب الارقام اللى موجودة على اليمين فى المكان الفاضى و بعدين Submit |
رد: آسف جدآ و آخر مره أكتب فى الموضوع ده !
شكرا يا دكتور على الموضوع مع انى ماقرأتوش و خدت بنصيحة حضرتك لأنى عندى الضغط
و الضغط كان 150/100 الايام اللى فاتت بسبب المواضيع دى ... ربنا يعدى الايام دى على خير |
| الساعة الآن 01:58 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017