مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

اقتباس:

المشاركة الأصلية كتبت بواسطة waelsalah (المشاركة 598237)

السلام عليكم
الزيت عندى بيسود بسرعه مع الاحتفاظ بلزوجته وعدم نقصانه مثلا على مسافة 500-600 كم مع ا لعلم انى بحط شل الاحمر 20-50 كل 1000 كم
تحوله للون الاسود مع الاحتفاظ بلزوجته وعدم نقصانه ده من ايه ؟
هل المكنة اللى بتوسخ الزيت وتغير لونه ؟ وهل هذا يعنى ان الموتور ميستحملش زيت مثلا يتغير على 3000 كم ؟
علما بان مشاويري قصيره وقليله داخل البلد فقط
وشكرا جزيلا

السلام عليكم
يا استاذ وائل , انا عاوز حضرتك تفك البيجوهات وتشوف عليها هباب اسود ولا لأ
الهباب الاسود دليل على عدم احتراق كامل للوقود زى شعلة البوتوجاز لما تكون مخنوقه بتهبب اوانى الطبخ فبيكون فيه كربون كتيير فالزيت يسود على حد علمى

رد: رابطة مالكى الاكسل

السلام عليكم يا رجالة انا عايز اغير مرايات الاكسيل بمرايات تانية بتتقفل بدل المرايات اللى عمالة تتكسر عندى دى كل اسبوعبن

رد: رابطة مالكى الاكسل

اقتباس:

المشاركة الأصلية كتبت بواسطة mohdedo (المشاركة 599844)

مرايات الفليشيا
لكن هتعدل مكان الاخرام فيهم بدل ماتعدل الاخرام فى صاج العربية
و ممكن الابيزا كمان هتلاقيها طبعا اغلى شوية من الفليشيا لكن مش عارف فى تعديل فى الاخرام ولا لا
ممكن تستعين بمراية قديمة من اللى اتكسروا و تروح عن حد بتاع استيراد سواء فليشيا او ابيزا و تجرب و تركب

رد: رابطة مالكى الاكسل

الف شكر يا برنس ربنا يكرمك :01FDAB~189:

رد: رابطة مالكى الاكسل

اقتباس:

المشاركة الأصلية كتبت بواسطة mohdedo (المشاركة 599857)

الف شكر يا برنس ربنا يكرمك :01FDAB~189:

الشكر لله http://masrmotors.com/vb/images/smil...FDAB%7E189.gif

رد: رابطة مالكى الاكسل

ممكن استشير اصحاب الخبرة و المشور ماذا تفعل لو كنت مكانى ؟
ذهبت بالامس لاصلح التكييف بالسيارة لانى عندما اشتريتها اخبرنى من باعها لى ان التكييف مش شغال ومحتاج شحن بس وبعد مرور حوالى خمس اشهر على شرائها استشعرب باهمية تصليح التكييف لان الشتاء افضل من الدخول فى محاولة تصليحة فى الصيف وذهبت عند متخصص وقام بعمل الاتى :-

مر على الخراطيم والمواسير و الاجزاء الرئيسية فى التكييف بسائل رغوى واظن انة صابون سائل لتحديد ما اذا كان هناك تنفيث من اى مكان هذا طبعا بعد ما كبس هواء فى دورة التكييف وبعد فترة قام بتوصيل سلك كهربائى فى مكان معين وطلب منى ادور العربية وبعدها اخبرنى ان الكمبروسور بايظ والسربنتينة بتنفث وكشف على الثلاجة بعد ما فك اسفل التابلوه ووجدها بتجيب زيت يعنى كلة زفت وزفت واقترح الحل وقل دة طبيعى لان 99% من سيارات الاكسيل تكيفها بايظ و1% شغال والحل هو ان اغير لك السيستم كلة واركب لك تكييف اكسنت كامل مع بعض التعديلات هيكون تمام التمام وطلب منى 1500 جنية بالضمان ماذا افعل بالله عليكم لو كنتم مكانى

رد: رابطة مالكى الاكسل

اقتباس:

المشاركة الأصلية كتبت بواسطة toto_hoho82 (المشاركة 600755)

طيب ما دام الموضوع تغيير منظومة التكييف ككل ليه متسألش صنايعى تانى حتى لو اشار عليك بنفس الحل ممكن تعرف تكلفة الجديد هى نفس اللى اخبرك بها الصنايعى الاول ولا ممكن تكون اقل
ثم هو ليه يغير السيستم كامل طيب يصلح السربنتينة ويغير الكومبوروسر بنوع تانى ونقلل التكلفة شوية