مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

دكتور تامر السلام عليكم
اتمنى ان تكون فى احسن حال وارجو من سيادتكم المشورة فى الموضوع التالى
قدامى عربية سيات ابيزا موديل 94 راكبلها موتور جولف 98 /2000 سى سى فيها اربعه زجاج كهرباء جنوط سبور تكييف سنتر الفرش بتاعها متهالك شويه والموتور 70 % محتاجة بعض المصاريف البسيطة هل تنصحنى بالعربية ديه وهل هى تقيلة فى البيع وياترى موتور الجولف 2000 سى سى ده بيسحب بنزين كتير وعاوز اعرف ضريبتها كام وعاوز اعرف سعرها ضرورى علشان انا المفروض هاشتريها قريب وشكرا

رد: متوسط اسعار المستعمل هذا الاسبوع

السلام عليكم د/ تامر
نوبيرا 2 موديل 99 استيراد خليجى1600سى سى مانوال لونها اسود / فابريكة جوه ومتحزمة بس من برة/ جنوط اسبور +كاسيت الاصلى + بور +سنتر+تكيف تلاجة+4 زجاج كهربه +معدية ال120الف كليو+صالون جيد بفرش بلدها +ابانوس تعمل كام
لانسر كرستالة موديل 2000/1300سى سى كاملة اوتوماتك بفتحة سقف كهربة لون فضى رشة برة تعمل كام حالتها جيدة ومش محتاجة مصاريف تعمل كام
وهل فعلا الكرستالة سحبها ضعيف فى الاوتوماتيك 1300 سى سى
وتنصحنى اشترى انهى عربية فيهم مع العلم انى بقالى 3 شهور بدور على عربية

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة h0pa (المشاركة 260520)

فيات 127 بانواعها تعمل في حدود كام اليومين دول علشان لما الواحد يفكر ينزل يجيبها يبقي عارف هو بيتكلم في ايه
الموضوع هايكبر في دماغي بالاخص لما اطلع رخصة ان شاء الله
بس كنت حابب اخد فكرة

عموما ال127
فيه التوب ال2 باب موديل أواخر السبعينات فى حدود 9-13
وفيه التمنينات مو80-86 من 10-15 حسب الحالة

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة m.a.wahab (المشاركة 260535)

إستهلاك موتور 2000 سى سى قديم سيكون متوسط فى حدود 150-180ك/صفيحة
السعر 28-30
بيعها تقيل بعض الشىء
الضريبة ممكن تعرفها من موضوع بالمنتدى خاص بالضريبة بالمرور
أنصحك بالفيات بونتو قطع غيارها معقولة وصيانتها سهلة وغعادة بيعها أفضل

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة khaled202020 (المشاركة 260254)

السيد الدكتور الفاضل/ تامر
فى البداية يجب تقديم جزيل الشكر لسيادتكم على هذا المجهود الفائق والخدمة المتميزة التى تقدمونها لأعضاء الموقع، اسمح لى يا دكتور فى استفسار بسيط عن أسعار قطع غيار نيسان صنى واعلم ان سيادتكم تفضلونها لقد قرأت فى أحد المنتديات عن الارتفاع الشديد فى أسعار قطع غيار نيسان صنى والتى وصل سعر الفانوس الأمامى فيها إلى 1800 جنية ، أنا أسال لانى ناوى اشترى صنى بس لما عرفت تلك الاسعار لقطع الغيار اكيد غيرت رأيى، سؤالى لسيادتك هل هذه الأسعار فعلا حقيقية يعنى هل مرتفعه لهذا الحد وشكرا لكريم إسهامكم
ولكم جزيل الشكر والتقدير

بصفتى واحد من ملاك صنى هذا الكلام غير صحيح تماما
وتمتاز الصنى بأن سير كاتينتها جنزير
صنى لها قطع غيار متعددة
منها يابانى وماليزى وتايلاندى وتايوانى وصينى
مثلا تيل فرامل أمامى :
الأصلى =180
يابانى=80
ماليزى=45
صينى=60 وهو تيل ممتاز عن تجربة

فلتر زيت يابانى =25
فلتر هواء كورى=30

طقم جلب مقصات
يابانى=165
تايلاندى=85 ممتاز عن تجربة
فانوس أمامى تايوانى مثل الأصلى تماما= 450
خلفى تايوانى =180 على ما أذكر

وقطع غيار الصنى معمرة
لو قارنها مثلا باللانوس والفيرنا وغيرها مما يقال عنها قطع غيارها رخيصة لوجدت الفارق بسيط فى مقابل عمر أطول