مصر موتورز مجتمع السيارات - استفسارات عام 2012

مصر موتورز مجتمع السيارات (https://www.masrmotors.com/vb/index.php)

- تقسيط السيارات (https://www.masrmotors.com/vb/forumdisplay.php?f=62)

- - استفسارات عام 2012 (https://www.masrmotors.com/vb/showthread.php?t=77232)

رد: عايز عربية بالقسط ممكن مساعدة

بص الحسبة بتختلف من معرض للتاني علي حسب الفايدة
لو فرضنا انك اخترت عربية في حدود 70 الف ودفعت ال 10 تقديمة وهتقسط ال 60 علي 3 سنين بفايدة 10%
يبقي الفايدة 18000 في ال 3 سنين بالاضافة لل 60 الف اللي باقيين من تمن العربية
يعني هتدفع في الشهر حوالي 2167 لمدة 3 سنين
وطبعا دي كلها حسابات افتراضيه وبتختلف حسب الفايدة اد ايه وهتقسط علي كام سنة
دة غير لو كان فيه تأمين اجباري هتضيف علي القسط حوالي 300 جنيه
اما بالنسبة للعربيات اللي مش صيني ولا ماروتي
عندك لانوس وفيرنا ولوجان وساجا سعرهم في رينج ال 70 الف
واخيرا منصحكش تقسط بالمقدم الضعيف ده لانك هتتنهب فوايد وتأمين اجباري وحظر بيع

رد: شراء السيارة بنظام الوديعة

اقتباس:

المشاركة الأصلية كتبت بواسطة modyegypt (المشاركة 777477)

طيب فى حظر على الوديعة ؟؟؟؟؟

مفيش حاجة اسمها حظر على الوديعة لان الوديعة بتكون مقفولة طول فترة القسط وتفك جزء منها مع نهاية كل سنة من التقسيط
للاستفسار السريع
09009488

رد: عاوز لانسر شارك او سيراتو وادفع 45 الف مقدم

اقتباس:

المشاركة الأصلية كتبت بواسطة ano2030 (المشاركة 775998)

السلام عليكم ورحمه الله وبركاته

انا عاوز اجيب لانسر شارك او سيراتو 2009 وهدفع 45 الف مقدم
ياريت يكون التقسيط مباشر ومفيش فيه تعقيدات كتير
واقسط الباقي على 3 سنين

انا عندي سنتر بيع وتأجير فساتين عرائس واكسسوارات في المنصوره

تقسيط المستعمل لمقيم القاهرة
للاستفسار السريع
09009488

مطلوب تاكسى ابيض بدون مقدم

مطلوب تاكسى ابيض بدون مقدم نهائى

رد: مطلوب تاكسى ابيض بدون مقدم

اقتباس:

المشاركة الأصلية كتبت بواسطة elbataleman (المشاركة 778960)

مطلوب تاكسى ابيض بدون مقدم نهائى

عزيزى لا يوجد سيارات بدون مقدم كمان حضرتك ممعاكش نمر ودة مشكلة
للاستفسار السريع
09009488

رد: اريد تقسيط مباشر بدون تامين

اقتباس:

المشاركة الأصلية كتبت بواسطة mahmoud elmasry (المشاركة 757215)

هي شروطهم مش صعبه اوي بس طبعا مش هتتوافق مع كل الناس ارخم حاجه في شروطهم ان قسط السياره اللي هتشتريها لا يتعدي 30% من مرتبك او بمعني اخر 30% من مرتبك تغطي القسط.

مثال: انا مرتبي 4000 لوحسبت 30% منه هيبقو 1200 يبقي العربيه اللي هتشتريها لازم قسطها يبقي 1200 جنيه

-لو هتدفع 50% من ثمن السياره يبقي مش هتحتاج ضامن

-انا بالنسبالي كنت دافع 50% بس شرط ال30% مكنتش محققه فقلولي هندخل الزوجه ضامن يعني في استثناءات

-الاوراق المطلوبه هي صورة البطاقه-ايصال كهرباء او مياه-مفردات مرتب وصورة بطاقه للضامن اذا كان المقدم اقل من 50%

-نسبة الفائده لو هتامن 9.5%

-لو مش هتامن 11%

-طبعا في استعلام منزل واستعلام عمل بتدفع من 150 الي 200 جنيه مصاريف استعلام مره واحده فقط حسب المكان المقيم فيه

-لا يوجد غرامات علي التاخير

-بيبقي في حظر بيع فقط لصالح الشركه لكن السياره باسمك

-لا يوجد توكيل لصالحهم زي ما بتعمل بعض المعارض والشركات

-لا ياخذو نسخه من مفتاح السياره زي ما بتعمل بعض الشركات والمعارض

اولا الف مبروك على السيارة الجديدة وربنا يباركلك فيها ويرزقك خيرها ويكفيك شرها

ثانيا لي بعض الاسئلة :

1- هل مضيت على شيكات انت والزوجة ولا انت لوحدك وكام عدد الشيكات؟
2- عملت حساب للزوجة في بنك كريدي اجريكول ؟
3- الرسوم الادارية كام ؟
4- بتدفع القسط بنفسك ولا مرتبك اتحول لبنك ؟
5- برجاء كتابة ارقام الشركة وخاصة المسئولين عن التقسيط

اعتذر للاطالة وشكرا
محمد امبابي

عاوز اسبرنزا A113 تقسيط

انا من الاسكندرية عاوز اسبرنزا A113 تقسيط مقدم من 25000 الى 30000 جنية و قسط شهري 500 جنية بدون تأمين فارجو من الخبراء في المعارض و تقسيط البنوك مساعدتي لكي اعرف ايه البنوك او المعارض التي تتناسب مع امكانياتي
وشكرا