مصر موتورز مجتمع السيارات - جمعة الغضب - تغطية لاحداث الثورة من 24 يناير 2011

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - جمعة الغضب - تغطية لاحداث الثورة من 24 يناير 2011 (https://www.masrmotors.com/vb/showthread.php?t=46686)

رد: "يوم الغضب".

فين الفيديو يا عم احمد؟
هو المنتدى والفيس بوك بقوا بطاء واليو تيوب وجوجل وقعوا ولا انا بيتهيالى؟"

رد: "يوم الغضب".

انا تكلمت مع لواء واقف أمام نقابة الصحفيين
اللواء طالبنا بالرحيل عندما كننا قله قليله
وقال : لو واحد فيكو اتمسك هايقعد يعيط ويقوللنا انا مكنتش نعاهم وانا ماليش دعوه
انا : حضرتك لو اتحطيت مكاننا ولاقيت ناس بيضربوك بالعصى والصواعق هاتقول مكنتش معاهم
نظرلى نظره دامت ل 10 ثوان وقاللى انا مش عارف اعمل ايه
وأقسم بالله العظيم انو عندو ابن فى الصف الثانى الثانوي
وقال انا مكسوف ابص فى وش ابنى ( مش عارف اقوللو ايه )

رد: "يوم الغضب".

اقتباس:

المشاركة الأصلية كتبت بواسطة mido-spicy (المشاركة 347597)

حمد لله على السلامه يا عمر

ياريت تحكيلنا على اللى انت شفته بالظبط من اول ما وصلت لغايه ما مشيت
هتافات الناس / ردود فعل الشرطه / اساليب الشرطه فى ردود افعالهم / ردود افعال المتظاهرين على اللى بيعمله الشرطه / عدد المتظاهرين فى حدود اد ايه / انت حاسس من اللى انت شفته ان فيه تقدم ولا تقهقر وشويه والمولد ينفض ؟

ياريت تجاوبنا على الاسله دى وحمد لله على السلامه مره تانيه

فين الاخبار يا عم عمر ؟

رد: "يوم الغضب".

اقتباس:

المشاركة الأصلية كتبت بواسطة omarken (المشاركة 347618)

ومعنويات رجال الأمن فى الناااااااازل وخصوصا مع الهتافات اللذى تبناها الصحفيون الليوم أمامي " يال الذل ويال العار اخ بيضرب اخوه بالنار"
وبيتررد بين الأشخاص ( ذو الزي الملكى ) احنا زيكو واكتر والله بس مش كده
يعنى معنوياتهم بتنزل
وفى نفس الوقت القنابل لن تزيدنا الا اصرارا
وتذكرو قولى :ويل لنا ان أخفقنا فى ثورتنا"