رد: عربية على شاسيه ولا على علب؟؟؟ اتعرف على طرق بناء السيارات
 

موضوع اكثر من رائع
والاهم انى الان فقط فهمت لية العربيات الحديثة لما بتعمل حادث وتتعجن ( لاقدر لله ) الركاب بيطلعوا سلام والحمد لله . بعكس العربيات القديمة - والمفروض ان عطمها اجمد -
:01F6EB~150:

رد: عربية على شاسيه ولا على علب؟؟؟ اتعرف على طرق بناء السيارات
 

بارك الله بك اخى الكريم
انت فعلا استفزتنى بشده لان اضع رد
بالرغم من انى فعلا مستعجل لكنى قرات الموضوع الى اخره لتميزه الشديد
الف شكر:Bravo:

رد: عربية على شاسيه ولا على علب؟؟؟ اتعرف على طرق بناء السيارات
 

أشكركم على تعليقاتكم الرقيقة، وأنا باحمد ربنا إني قدرت أوصل المعلومة بشكل وافي

أرجو بس أنكم تكونو قريتو المشاركات 54 و 57 كمان لإن فيهم معلومات مش بطالة

...

رد: عربية على شاسيه ولا على علب؟؟؟ اتعرف على طرق بناء السيارات
 

رد: عربية على شاسيه ولا على علب؟؟؟ اتعرف على طرق بناء السيارات
 

ال لادا على علب -- دى معلومة جديده كنت اول مره اعرفها

ال لادا مقتبسة من الفيات 124 - فهل ال124 على علب برضه
وال 125 على علب
؟؟

رد: عربية على شاسيه ولا على علب؟؟؟ اتعرف على طرق بناء السيارات
 

واضح إني ما قدرتش أوضح الفرق بين أنواع الهياكل لحضرتك بشكل كافي، وللأسف بعض الصور التوضيحية اللي كانت في الموضوع ما بقتش تظهر، وفي ردي السابق على حضرتك كنت جايب صورة واضحة للادا على علب.


اسمحلي أوضح حاجة مهمة


مش معنى إن العربية صاجها ناشف إنها تبقى على شاسيه... العربية اللي على شاسيه هي اللي ممكن تفصل الهيكل اللي متركب عليه الموتور وأجزاء نقل الحركة عن جسم العربية بدون ما تحتاج إلى قص أو تفوير اللحامات... مجرد إنك تفك شوية مسامير حتلاقي الجسم ممكن ينفصل بشكل كامل، زي العربيات النص نقل مثلا.



هسأل حضرتك سؤال تعرف منه اللي قصدي عليه....

هل حصل وشفت عربية لادا عند سمكري وقدر يخلع الشاسيه بالموتور وعمود الكردان والعجل مع بعض حتة واحدة بعيد عن العربية؟؟؟

أكيد لأ


لو حضرتك رفعت العربية في البنزينة تقدر بسهولة تعرف إذا كانت العربية دي على علب ولا شاسيه، لإن الشاسيه المنفصل بيبان بسهولة جدا



بالنسبة للادا... كلها على علب بدون استثناء... كل الموضوع إن الكمر اللي بيقوي الجسم أقوى من المستخدم في الفيات 124

العلب أخدت سمعة سيئة بسبب الـ128، وده مش عيب في العلب، إنما هو عيب في الفيات و الـ128 بالذات.


الفيات 125 كمان على علب (والبولونيز طبعا لإنها مأخوذة منها) ، مش معنى إن العفشة الخلفية على سوست (مش ياي) إنها تبقى على شاسيه.

دي صورة الـ125.... لو تقدر تفصل الأجزاء اللي باينة في الصورة متجمعة مع بعض حتة واحدة على هيكل منفصل... تبقى العربية دي على شاسيه

http://t1.gstatic.com/images?q=tbn:A...gBqxa23laPOpOp



أرجو إني أكون قدرت ابقى واضح المرة دي


...

رد: عربية على شاسيه ولا على علب؟؟؟ اتعرف على طرق بناء السيارات
 

لا من الشرح الاولى عرفت الفرق بين الشاسيه والعلب
بس
انا لم اكن اعلم ان ال لادا على علب وطبعا انا لم انزل تحت العربيه و من البداية مفكرتش فى الموضوع ده
بس بسبب ان ال لادا عربيه قديمه وان المنتشر بين العربيات القديمه ان ال128 على علب
يبقي الباقى على شاسيه - ده طبعا اللى شائع واللى بيطبق على العربيات القديمه
وباقى الاستفسار عن 124و 125 للمعلوميه

وشكرا لحضرتك