رد: تجربتي مع الماتريكس(حازم خضر)
 

يا جماعة صلوا علي النبي موش كدة يمكن الراجل يكون ليه تجربة سيئة فعلا مع العربية دي بس ده بردو ميدهوش الحق في انه يتكلم بالطريقة دي لان حازم بصراحة دايما رأيه حيادي في العربيات اللي بيركبها. و الماتريكس لو كانت وحشة اوي كدة مكانتش انتشرت الانتشار الرهيب ده في مصر

رد: تجربتي مع الماتريكس(حازم خضر)
 

يا رامي انت شايفه بيتكلم ازاي
دا داخل يشتم في الاعضاء كلها
يقولك انا ركبت عربيات مافيش حد فيكم ركب ربعها!!!!!!!!
بذمتك دا كلام!!!!
بذمتك دا كلام

رد: تجربتي مع الماتريكس(حازم خضر)
 

لا طبعا ما انا قلت انه لو زعلان من عربيته ده ميديهوش الحق انه يتكلم بالطريقة دي
و بعدين انا عايز اقول حاجة المنتدي ده منتدي سيارات و كل اللي بيدخل عليه بيدخل علشان بيحب السيارات و معتقدش ان فيه حد بيحب حاجة و موش بيجربها يعني قصدي اكيد كل واحد هنا ركب اكتر من عربية فمتهيئلي يا استاذ كاكا كلام حضرتك فيه تجريح للاعضاء

رد: تجربتي مع الماتريكس(حازم خضر)
 

بصفتي أحد ملاك الماتركس 2006 اوتو ، أستطيع أن أقول أن تجربة أخونا حازم خضر فيها كانت موضوعية ومنطقية جداً لاني امتلكها من سنوات يعني مش لفة يا أخ كاكا زى مابتقول ومش شرط كمان اني أكون مهندس ولا غيره علشان أكون بفهم فى العربيات أحسن من غيرى تجارب الناس الكثيرة هى الفيصل وطبعا مع التخصص مهندس ولا غيره ، وأعتقد أن الاخ سامح وهو أيضاً من ملاك الماتركس مقتنع بيها جداً ايضاً وطبعاً اصدقائي كتير والجيران وغيرهم ممن يمتلكونها ومحدش باع عربيته الماتركس من يوم اشتراها ، بل بالعكس ملاك الماتركس فى تزايد مستمر لاسباب كثيرة شرحت قبل ذلك واذا كانت هناك تجربة غير سعيدة يا أخ كاكا لك مع الماتركس فهذا رأيك الشخصي ولابد أن يحترم بس فى ناس بتفهم كويس جداً فى العربيات وكمان ركبوا عربيات وماركات يمكن مش موجودة هنا فى مصر زى الاستاذ حازم خضروالفقير الى الله أخوك أبومازن، وبجدالاستاذ حازم شخص محترم جداً وغاية فى الذوق والادب يمكن هو مش مهندس زى حضرتك لكن بيفهم كويس جداً فى العربيات ويقدر يحكم على اى عربية ركبها بخبرة ومش بيكتب أى كلام وخلاص وطبعاً كلامي ده بنائاً على معرفتي به وأتشرفت بلقائه مع مجموعة من الاخوة والاعضاء هنا فى المنتدي
فى النهاية أختلاف وجهات النظر لا يفسد للود قضية وكل عام وانتم بخير

رد: تجربتي مع الماتريكس(حازم خضر)
 

لا حول و لا قوة الا بالله هو علشان انا بقول الحقيقة ابقى وحش !!!
و بعدين فى الشتيمة فى انى ركبت عربيات اكتر مش فاهم لية اعتبرت كلامى شتيمة ؟؟؟
على العموم متزعلش خلاص يا سيدى انت اللى ركبت عربيات مصر كلها و كلامك انزل من السماء و احنا صحاب الماتريكس مش فاهمين فيها حاجة ادك ... كدة كويس.. هو حضرتك اللى على الشمال و لا على اليمين فى الصورة؟؟؟؟

رد: تجربتي مع الماتريكس(حازم خضر)
 

هو دلوقتي لما تقول للاعضاء انا ركبت عربيات محدش فيكم ركب ربعها يبقي دا معناه ايه؟؟
هو حضرتك مش شايف انت بتقول ايه
وماحد شقال اني ركبت عربيات مصر كلها
انا كنت عايش في الامارات لفتره و ركبت عربيات ما نزلتش اساسا هنا
و اصحاب الماتريكس متهيالي ردوا عليك كويس و باقي الاعضاء
يا ريت تثبت عكس كلامي بالتجربه في الماتريكس او في اي عربيه تانيه

رد: تجربتي مع الماتريكس(حازم خضر)
 

السلام عليكم ورحمة الله وبركاته
ماتيجي نستهدى بالله كدة ياجماعة
آه بالمناسبة يا أ.حازم حضرتك كنت فين في الإمارات ياباشا؟
أ.حازم و م.كاكا مهما حصل فا دا موضوع عام على منتدى فبالتالي كلنا بنحاول ناخد بالنا من لهجتنا في الكلام والتخاطب وخاصتا لو كان كلامك موجه لشخص بعينه وأنا هنا بقصد م.كاكا بكلامي حاول تفيد وتستفيد ياعني لو شايف إني خبرتك كبيرة قوي في السيارات إعملنا موضوع وحاول تفيدنا وإيه رأيك لو نبدأ بالماتريكس ياعني مش عيب
كمان يا أ.حازم الموضوع مش محتاج كل المناقشة دي في التعليقات الموضوع جميل ولو حد من الأعضاء كان رأيه مخالف أو خرج عن المألوف إسلوب الحديث ممكن بمنتهى البساطة نعتبر رأيه لشخصه أو نعتبر الإختلاف في الرأي لا يسفسد للود قضية وصوابع إيدك مش زي بعضها ولا كل الناس أسلوب تخاطبها زي بعضه.
عموما وعن تجربة شخصية أنا كانت معايا ماتريكس أوتو مو 2004 وبقول كانت لأني ربنا رحمها مني من كام يوم وبعتها وبصراحة هيا حمالة قسية مقالتشي لأ على أي بهدلة ياعني (كانت بتاخد على دماغها وترجع تتصلح وتمشي وتخدم تاني)ROSE4U.
وعلى فكرة كون السيارة تقيلة على ماتورها أو لأ فا دا بيرجع لوضع خاص بالسوق المصري وكمان وجهة نظر كل واحد ياعني هنا الماتركس 1800 سي سي وبردو ماكانشي عاجبني سحبها وبقول عليها بطة بلدي وواحد تاني ممكن تكون عاجباه جدا 1600.
GIFT4U