|
رد: التريللا
متابع :01FDAB~189:
|
رد: التريللا
اقتباس:
سبب تفوق المرسيدس الاكتروس على باقي الماركات في السوق المصري هوا انتشار قطع الغيار بشكل كبير وارتفاع سعر اعادة البيع وقبل ده كله التكنولوجيا المستخدمه وجودة الخامات بتخلي اعطال العربيه قليله وبتخلي سمعتها كويسه ومسببه الانتشار الواسع ده بالنسبه للعربيات النقل الصيني انا اشتغلت ف ماركه واحده اسمها فوتون وهيا عربيات معقوله مقارنة بسعرها وسعرقطع غيارها لكن طبعا عربيات بتكنولوجيا قديمه او نقدر نقول عربيه عاده في كل شيء من الموتور للفتيس للكابينه العربيات الصيني اللي عليهاعلامه شبه المرسيدس دي ماركه اسمها North Benz ودي عاده برضه بس فيها تكنولوجيا منقوله من المرسيدس القديم 3331 حتى الكابينه نفس مقاس الكابينه المرسيدس القديمه ونفس التصميم وعموما العربيات الصيني النقل بتنتشر شويه بشويه في مصر علشان سعرها القليل لكن مشكلتها هيا في سعر اعادة البيع كمان العربيات النقل الصيني بيبان عليها الكبر او البهدله بسرعه يعني اللي يشوفها يديلها اكبر من سنها بكتيير ودي برضه بتفرق لما تيجي تبيع |
رد: التريللا
اقتباس:
الفرق بين العربيات النقل اللي بكبوت واللي من غير كبوت قلته في الكلام عن العربيات الفريتلاينر بس هقول من تاني علشان خاطرك ياصديق العربيات النقل كانت ف الاول كلها بكبوت او زي ما بنسميها بوز وبعدين علشان يقصروا طولها شويه وتقدر العربيه تاخد ملفات اضيق نسبيا راحوا قاطشين البوز او معدلين التصميم وبقت العربيات بكباين من غير بوز او قطش ........طيب والحاجات اللي كانت محطوطه في الكبوت القدماني راحت فين بعد ما قطشوه الحاجات دي كانت هيا الموتور ومشتملاته زي الرادياتير والانتركولر وكمان كان فيه علبة الدركسيون كل ده اتنقل بقى تحت الكابينه .... انما من حيث الحمولات مفيش فرق او بمعنى اصح شكل الكابينه مالهوش علاقه بالحموله ... اللي بيحدد الحموله قوة الموتور والعزم اللي طالع من الفتيس انما اللي بيحدد الحموله اللي بتبقى مسموح بيها في الرخصه بتاعت العربيه حاجه تانيه خالص بص يا سيدي بتعد عدد الاكسات الموجوده في العربيه والمقطوره وبتحط لكل اكس حمولته هديك مثال http://www.hankstruckpictures.com/pi...5/man-baja.jpg العربيه دي فيها اكسين في الراس وتلاته في المقطوره الاكس الاولاني اللي هوا الدركسيون مسموح عليه 7 طن والي وراه 10 طن وكل اكس من المقطوره 13 طن يبقى العربيه دي مسموح لها تشيل 56 طن اجمالي تقوم تطرح منهم وزن العربيه بالمقطوره فاضيه يطلع مثلا 16 طن يبقى العربيه دي بيترخص لها تشيل لحد 40 طن حموله صافيه واللي يزيد عن كده بيتدفع عليه غرامات ميزان زياده بقيت السؤال عن انواع العربيات النقل انا قدمت لمحه كده بسرعه عن 4 عربيات هما الاكتروس و المرسيدس العاده والفوتون الصيني والفريتلاينر وان شاء الله نكمل مع بعض لحد مانغطي غالبية الانواع اما العربيات بتاعت المطاحن الجديده ف هياعربيات امريكاني زي الفريتلاينر وانا اعرف واحد شغال فيهم ان شاء الله مش هسيبه الا لما اجيب لكم معلومات عنها |
رد: التريللا
اقتباس:
شكرا يا تاموووورة على رد الجميل كمل جميلك وتكلمنا على الاتوبيسات وكمان موضوع اشكال الاكس الورانى الى بيربط بين الدوبل اية الفرق بين الطخين والرفيع |
رد: التريللا
متااابع...:waving:
|
رد: التريللا
متشكرين على اهتمامك وردك عن الاستفسارات يامحترم
وياترى معدل العمرات بيكون كام الف كيلو تقريبا ولو على حسب طبيعه الشغل لو شغل قاسى كام ولو سفر طوالى كام ويعنى ايه الشوك(واحد قاللى حاجه زى الفرامل ) وممكن توضحلنا لو طالع مطلع من السكون وانت محمل بتعمل ايه لانى مره لاقيت عربيه بترجع لورا ومره تانيه دخنه طالعه جامد من الشكمان ويتهيالى دى من اصعب المواقف لكم |
رد: التريللا
اقتباس:
عمرة الموتور ف العربيه النقل تختلف من عربيه للتانيه ومن ظروف شغل للتانيه انما لو خدنا عربيه بتشتغل حمولات في اطار المسموح اللي قولت عليه قبل كده دي ممكن تقعد لحد مليون كم وكل ما يكون شغلها اكتر من كده في الحمولات تقل الكيلومترات دي لحد ماتوصل ل نص مليون كم وعلى فكره ده مش رقم معجزه في النقل لان العربيه بتعمل متوسط 10 الاف كم شهري يعني النص مليون تجيبهم بعد اربع سنين بس بالنسبه للتشوك هوا بلف على الموتور ليه زرار او دراع حسب نوع العربيه بيكون موجود قدام السواق ف الكابينه بيستخدمه السواق علشان يهدي الموتور يعني يقلل من عدد لفاته وهوا نازل منزل منحدر زي الكباري مثلا علشان يساعد مع الفرامل شويه لان الحموله بتكون بتدفع العربيه لقدام لانها بتكون اعلى في الارتفاع من العربيه وبالنسبه لطلوع مطلع من السكون بعمل ايه ؟ الصراحه انا مبعملش حاجه لاني مش سواق انما السواق بيدي للعربيه الغيار الاولاني بطئ ويطلع ولو الفتيس بتاعه فيه غيار اسمه غيار الصعود وبيبقى رمزه C بيستخدمه بدل الاولاني بطئ وبالنسبه لاصعب المواقف لنا انا شاكك انك شاكك اني سواااق ؟ مش عارف ده شكك لوحدك ولا بقيت المنتدى شاكك معاك ؟.... يمكن علشان الاسلوب بتاع الموضوع ده بساصل انا بحب اتكلم بلغه سهله وبسيطه علشان توصل للكل ونقدر نتواصل بيها انما لو عاوزين كلام كله انجليش واكسبريشنز موجود بس مبحبوش ياللا سلام مؤقتا |
| الساعة الآن 04:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017