|
رد: بصراحه هل تحب مبارك ؟؟؟؟؟
اقتباس:
ومين اللي قالك اننا موافقين علي ازاعة محاكمة المخلوع علينية علي الهواء انا عن نفسي مش موافق مش لموضوع ازلاله لا لموضوع ان الاساتذه المحامين عن المصابين والشهداء جايين يتشهرو في التلفزيون وحق الناس اللي ضحت بحياتها علشانك وعلشان يروح هدر انا مع سرية المحاكمه علشان ميحصلش هرج ومرج واسرار تطلع علي الهواء مينفعش تتقال وبعدين انا متفق معاك ان لا الرشوة ولا المحسوبية انتهت بس لو لقيت واحد بيجبرك انك تدفع رشوة وانتا اوراقك سليمة من حقك انك تموته مكانه وتحبسه بس مشكلتك انك مش بتعامل واحد ولا اتنين نتا بتعامل 90 مليون وعمر ال 90 مليون دول ما هيبقوا ملاك يا سيدي الفاضل الثورة الفرنسية خدت وقت اد ايه علشان فرنسا توصل للي وصلته دلوقتي عارف قد ايه 20 سنة وده شعب متحضر واي ثورة في الدنيا لازم تاخد وقت علي ما البلد تهدي وتتظبط |
رد: بصراحه هل تحب مبارك ؟؟؟؟؟
اقتباس:
يا بشمهندس الاعتصامات والاحتجاجات ديه نتيجة كبت 30 سنة والناس ما صدقت انفجرت احنا دلوقتي بنجني اللي حسني مبارك واعوانه زرعوه في الناس وخلو البلد متعرفش معني الحرية والديموقراطية وفعلا عمر سليمان صدق لما قال اننا مش مؤهلين للديموقراطية ازاي هنتأهل واحنا عايشين في ظلم واستبداد وديكتاتورية من 30 سنة وبالنسبة لموضوع البلطجه سيادتك مين اللي أسس البلطجية في البلد مش احمد عز بيه والحاشية بتاعت الانتخابات وبعدين البلطجة والسرقة كانت موجودة من قبل الثورة بس الاعلام مكنش بيحصرها كلها لكن دلوقتي لو واحد عطس هتلاقيها تاني يوم في اليوم السابع مفيش مصيبة او اي مشكله بتحصل الا لما تلاقيها علي صفحات الجرايد سيادتك التزوير والضرب والاهانه اللي كانت قبل الثورة ديه مكانتش بلطجة من وجهة نظرك ؟؟؟؟؟؟؟؟؟؟؟؟؟؟ |
رد: بصراحه هل تحب مبارك ؟؟؟؟؟
اقتباس:
صدق الله العظيم الله يعزك يا استاذ رضا ولازم الناس بقا تفهم ان البلد بتتغير الناس ادمنت حسني واللي بيعمله فيهم مش قادرين ينسوه والبلد مش هنصحي الصبح هنلاقي الدنيا وردي ده ربنا خلق الكون في 6 ايام واحنا بلد مكناش نعرف معني الديموقراطية ايه كنا عايشين في استعباد كنا عايشين خدمين في العزبة بتاعت مبارك واعوانه احنا كان بيحكمنا واحد بيكبر دماغه مننا http://www.youtube.com/watch?v=xyLa_3CNfZI تخيل ده منظر واحد يحكم 90 مليون مصري |
رد: بصراحه هل تحب مبارك ؟؟؟؟؟
دائما متميز بموضوعاتك يا كورسير ....فعلا موضوع شيق جدا وأنا مستمتع جدا بهذا الحوار .
عندي رجاء للأخوة المعلقون اعرض وجهة نظرك ودافع عنها ولكن بدون أن تجرح في الآخرين مهما اختلفوا معك ومهما كان رأيهم طالما لم يقتربوا من ديننا العظيم ورسولنا الكريم فكل شيء غير ذلك قابل للنقاش . |
رد: بصراحه هل تحب مبارك ؟؟؟؟؟
اقتباس:
اشكرك يا ابو حميد علي المجاملة الجميلة ديه وياريت فعلا نتعلم معني التحضر في النقاش |
رد: بصراحه هل تحب مبارك ؟؟؟؟؟
السلام عليكم جميعا
اللى لسة بيدافع عن مبارك عاوزة اقوله كلام بس بحاول اسيطر على اعصابى حرام عليك مصر خربت و عقولنا خربت و صحتنا خربت و نفوسنا خربت و بيوتنا خربت اقول ايه بتنكر دخول المسرطنات و الهببات و الامراض الغيبة الله تفشت و ذادت بين الاغنياء و الفقراء من فشل كلوى و كبدى وبائى و جميع انواع السراطانات و الفقراء اللى نسبتهم زادت التعليم اللى وصل فى النهاية ليد وزير رخم طبق الاهانات للمدرس و التريقة على الناظر و نقل ده هنا و خصم لده و اذلال الطلبة بابحاث روتينية و ملفات ذاتية بس علشان اعمال سنة يطبعها الطالب من النت بدون اى قراءة جهاز الشرطة وده قصة كبيرة كلكم عارفينها و و و و و ممكن اقعد اقول للصبح فى كل مجالات البلد ثم التوقيع بين مسلمين و مسيحين مع ان عمرنا ما عملنا احنا فرق وهما اخواننا و زمالينا و الدين لله و الوطن للجميع انا مسلمة متدينة و منتقبة و احب صديقاتى و زميلاتى المسيحيات بدون اى حزازية انا هتكلم عن ما يخصنى من فترة مبارك و ما عانيتة من هذه المرحلة و هو الكارثة الكبرى اللتى حدثت فى هذه الفترة و لم نكن نسمعها قبل ذلك و هى خطف اطفال مصر و تصديرهم لاسرائيل لتهويدهم و تجنيدهم فى جيش اسرائيل بعد ذلك و دى كارثة كبيرة و ادخلوا على جوجل و شوفوا البلاوى تتسرب لنا اسرائيل و تتجار فى اطفالنا و تحاربنا بايدى اولادنا يعنى منكم و اليكم و بعد كل ده حد يسالنى بتحبى مبارك ده انا اتمنى ان يحاكم عن كل دة ولادنا اللى ماتوا فى عبارات فى عرض البحر هربا للبحث عن الرزق شاب غلبان عاوز يتجوز و لا يساعد اهله يعن لو ربنا سترها و اتربى ابنى فى حضنى و لم يخطف منى هيموت فى عبارة غرقا او طائرة حرقا او قطارات مستواها سيئ للغاية و لو ربنا سترها من كل ده يبق اكل الخضار المسرطن و خلافة اقعد اللف بيه على مستشيفات تعبانة و اللى ممعاهوش ما يلزمهوش يعنى ضايع ضايع ابنى فى عصرك يا مبارك الكل بيلف حول لقمة العيش و اللى خطفك يا ابنى و باعك اى كانت الجهه اسرائيل - اسرة ليس لحسبى الله و نعم الوكيلديها اطفال - عصابات عاوزة متسولين كل هدفه هو لقمة العيش يعنى المممممممم و المصيبة الكبرى ممكن واحد مدمن وعاوز الحقنة بسرعة علشان محتاج الجرعة حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل حسبى الله و نعم الوكيل مش بقولكم مش فاضل غيرمستشفى الامراض النفسية و العصبية و اللى اكيد اصبحت مملوءة فى عصر مبارك و ليس فيها مكان فاضى |
رد: بصراحه هل تحب مبارك ؟؟؟؟؟
الله عليكي يا بشمهندسه حضرتك بس ذكرتي كام مصيبة من مصايبهم طيب يا جماعه تعالو نحسبها
مين اللي بيعين رئيس الوزراء مش حسني بردك طيب مين اللي بيعين الوزراء مش رئيس الوزراء اللي حسني بيه عينه طيب تعالو نمسكها وزاره وزاره ونشوف احنا جنينا ايه من الوزارات ديه انا بس هقول مقتطفات اللي ظاهره زي عين الشمس للجميع اولا : وزارة الاسكان : طبعا حدث ولا حرج قانون قديم ذهب مع الريح اقل شقه دلوقتي وصلت ل 200 الف مشروع ابني بيتك وقمة النصب اللي فيه وانا ليا واحد زميلي كان واخد حتة ارض في المشروع ده وما صدق خلص منها وباعها ولا موضوع تخصيص الاراضي لحيتان البلد وتسقيعها وبيعها بالملايين ده نسميه ايه ثانيا : وزارة الصحه : تقدر تقولي العلاج علي نفقة الدولة كان بيروح لمين بالظبط وموضوع العلاج علي نفقة الدولة ديه نقطة في بحر الفساد لما بطرس بيه يطلع مراته علي نفقة الدولة وهو كمان يطلع يتعالج وناس مش لاقيه تمن اللقمه بتموت في المستشفيات ولا الجبلي صاحب دار الفؤاد لما يطلع يتعالج علي نفقة الدولة ده يبقي اسمه ايه ثالثا : وزارة الداخلية : وما ادراك والداخليه واللي بيحصل فيها من مجاملات في القضايا والحملات ومجاملة اصحاب النفوذ ده البانجو ياللي بدافعلي عن حسني كان بيتباع من قسم الشرطة عايز ايه اكتر من كدا رابعا : وزارة السياحة: وطبعا والكل يشهد فرق المعاملة بين المصري والسايح في البلد لما الواحد مننا يحاول يدخل شرم كان يتفتش ولاكأنه داخل اسرائيل والمزارات السياحية وخد عندك الهدايا القيمة اللي كانت بتطلع من المقابر الفرعونية وتتقدم لمدام حسني علي طبق من ذهب ولا شركات الغوص اللي اتقفلت كلها واحتكرها اخو زهير بيه جرانه خامسا : وزارة البيئة : وديه لوحدها مصيبة كبري تعالو شوفو المصانع اللي بترمي بلاويها في مية النيل ولا الميكروباصات اللي بطلع علينا زفت واحنا ماشيين ولا حرق قش الرز ولا ولا هقول ايه ولاايه سادسا: وزارة الزراعه : وتعالو نشوف الاراضي الزراعيه اللي بتدخل كردون مباني ومساحة الرقعه الزراعية اللي كل سنة بتقل عن اللي قبلها سابعا : وزارة العدل : اللي مفيهاش ريحة العدل اللي في الدنيا والقضايا اللي بتطرمخ واللي بتقعد بال 20 سنة علي مايتحكم فيها والاحكام اللي مبيتنفذش منها اي حاجه علي اي حد واصل في البلد ثامنا : وزارة القوي العاملة : وتعالو نشوف معاناة الناس اللي بتكح تراب جوا البلد والناس اللي بيتمسح بكرمتها الارض بره البلد والمصانع اللي بتتخصص وتتقفل والعمال اللي بتتشرد وتترمي في الشوارع تاسعا : وزارة التربية والتعليم : ههههههههههههههه ونعم التعليم فعلا ده احنا وصلنا للعالمية بصحيح عاشرا : وزارة التعليم العالي : حتي جامعه القاهرة خرجت من تصنيف احسن 500 جامعه علي مستوي العالم ونعم الفضايح والمنهج اللي متغيرش من 50 سنة ولنا الله الحادي عشر : وزارة النقل و المواصلات : وتعالو نشوف جمال الشوارع والطرق والكباري والقطارات اللي بتتحرق باللي فيها والعبارات اللي بتغرق باللي فيها قمة الضمير في الوزارة ديه بصراحه الثاني عشر : وزارة المالية : يوسف بيه اللي خربها وقعد علي تلها اللي خلي الناس ماشيه في الشارع تكلم نفسها زي المجانين ومخلاش حد في مصر الا لما خلاه مديون وحسبي الله ونعم الوكيل فيه الثالثه عشر: وزارة الاعلام : طبعا اعلام الريس وحرمه واولاده فقط لاغير الرابعة عشر : وزارة التجارة والصناعة : ديه حط قدمها كلمة الراعي الرسمي للاحتكار في مصر الخامسة عشر : وزارة البترول : والصفقات المشبوهه وبيع الغاز بتراب الفلوس كفايا عليكم كدا لحسن تعبت هاتولي انتوا وزارة عملة حاجه للبلد ديه |
| الساعة الآن 06:03 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017