رد: ما موقفك من الجماعات الاسلامية الموجودة علي الساحة؟
 

مع اني حاسس من ردك ببعض السخرية بس عموما للناس اللي من اسكندرية عارفين كويس ان هدي الاسلام لا يبعد كثيرا عن عن ش خليل حماده الموجود فية كنيسة القديسين والجامع ولهذا فمن الناس دي من حمي هذا الشارع بحياتة ايام احداث الثوره دا غير انهم طبعوا ورق بيحثوا فية الشباب اللي واقف في اللجان الشعبية عن كيفية المعاملة الحسنة مع الماريين في الشوارع عشان الناس ما تضايقش مننا لكن دا مش موضوعنا انا شايف انهم كويسيين جدا في المعاملة مع الناس كلها سواء غير المنتمين ليهم وانا واحد من الناس دي او الغير لان الغير دول برضة اصحابي اللي كانوا واقفين معانا ايام الاحداث وهما عارفينهم كويس وبيتعاملوا معاهم عادي جدا ومن رايهم ان نشر الدعوة (وانا مش فاكر كلماتهم بالظبط) يبقي بطريقة النشر بحسن السلوك والمعاملة وهي دي اللي تقنع الناس بمحاسن الدين الاسلامي فينجزب ليك غير المسلم ايا كان دينة دا بالنسبة للمعاملة اما بالنسبة للفكر فانا ممكن ادعي اني اتفق مع بعضها ولا اتفق مع الاخر لكن في المجمل هما ملهمش ضرر - لكني غير متفق تماما مع جماعة الاخوان مثلا - ويجب التفرقة بين الاخوان - السلف - الجهاد - والصوفية - وانا عن نفسي اميل بشده ناحية السلف المعتدل بافكارهم

رد: ما موقفك من الجماعات الاسلامية الموجودة علي الساحة؟
 

ده انت كدة فتحت الباب لاكتر من سؤال :)
يالا عليه يا رجالة 444546
طبعا بنهزر معاك قبل ما ترد :)

رد: ما موقفك من الجماعات الاسلامية الموجودة علي الساحة؟
 

الله يسامحك يا اخي
سخرية ايه بس
ده انت خلتني اعجب بيهم من غير ما اشوفهم عشان كدة سألتك

ممكن نعرف تحفظاتك علي الاخوان و الصوفيين؟

رد: ما موقفك من الجماعات الاسلامية الموجودة علي الساحة؟
 

دي مش شتيمة يا عمنا ولا حاجة انا مقصدش انا بس تشفيت من الكلام اللي انت كاتبة - وبعدين انا مكنتش قاعد جنبك وانت بتكتبة المهم انا مقصدش ازعلك - متخدش علي كلامي الموضوع ابسط من كده بكتير المهم

انا متحفظ علي الاخوان استغلال الدين في اغراض سياسية للم الناس البسطاء حول فكرة ان احنا الصح وباقي الناس عايزين يدخلوك النار + ان حتي هما زات نفسيهم منقصمين داخليا ناس النهارده تطلع تقولك دولة اسلامية وتطبيق الشريعة وناس تاني يوم تقولك ان الناس الاولانيين مش فاهمين حاجة مفيش الكلام ده انا شايف ان ده كلة تمثيل سواء الناس اللي بتقولك لا مفيش دولة اسلامية ولا حاجة عايزه تبين ان هما مش متشددين ومتخافوش مننا والناس التانية بيفتوا وخلاص ومش فاهمين حاجة

اما بالنسبة للصوفية علي حد معلوماتي ملهمش صحيح اغراض سياسية بس ملهومش كمان دعوة بالسلام والله اعلم

وعموما انا ان كنت باتفق او باختلف مع حد فالاختلاف فكري مش عقائدي لاننا في الاخر كلنا مسلمين لكني اميل للفكر المعتدل اللي لا يكفر ولا يشوة صورتنا كمسلمين قدام الناس وزي ما قلت قبل كده اللي يكلمني في الدين ويقولي اية الصح واية الغلط انا معاه 100% لكن اللي يقولي ادي عقلك لفلان عشان تدخل الجنة دا بيستغلني وانا محبش اللي يستغلني

رد: ما موقفك من الجماعات الاسلامية الموجودة علي الساحة؟
 

و لا يهمك

كلامك فيه اكتر من نقطة و اتمني الي عنده خبرة بالاخوان المسلمين اكتر مني يرد انت هنا لمحت ان الاخوان:

1- بيستغلوا الدين عشان يجذبوا الناس البسطاء
2- بيستغلوا الدين عشان أغراض سياسية
3- الاخوان منقسمين بخصوص مشروع الدولة الاسلامية
4- في تلميح من كلامك ان من يريد اقامة دولة اسلامية فده نوع من التشدد
نقط جميلة يا اخي العزيز و اتمني حد يرد بسرعة :)

بمناسبة الحديث عن الدولة الاسلامية احب اقولك ان في ناس هدفها خلافة اسلامية مش مجرد دولة اسلامية واحدة :) و عارفين كمان هي هتبقي امتي و مقر الخلافة في اي بلد و اسم الخليفة كمان معروف

انت كدة خرجتهم من الدين عاوزين حد يرد
هم غير مسلمين؟ ام ان افعالهم و معتقداتهم قد تكون شركية؟

انا مشفتش و لا سمعت حد بيقول كدة غير مشايخ الطرق الصوفية
هل حد سمع شيخ سلفي بيقول امشوا ورايا تدخلوا الجنة؟

رد: ما موقفك من الجماعات الاسلامية الموجودة علي الساحة؟
 

النقاش مازال غير منظم

رد: ما موقفك من الجماعات الاسلامية الموجودة علي الساحة؟
 

معاك حق يا وائل
الموضوع اشبه بفضفضة كل واحد بيقول الي خايف منه او الي مقتنع بيه
بس ده طبيعي في موضوع متشعب جدا و فكرت اعمل اكتر من موضوع بس خايف الدنيا تتلخبط اكتر

عندك اقتراحات؟
انا بفكر نحدد نقطة معينة نناقشها و لما ننتهي منها ندخل في غيرها