رد: رابطة مالكي الكيا سيفيا فيد واستفد ( صداقة - نقل خبرات )
 

سوال تانى وياريت حد يفيدنى المرة دى لا نى محتار وسمعت كلام كتير ان سيفيا 99 افضل من سيفيا 2000 كسحب وكانها عربية كورى بالكامل بس قطع غيارها اغلى شوية من السيفيا 2000
فياريت حد يفدنا

رد: رابطة مالكي الكيا سيفيا فيد واستفد ( صداقة - نقل خبرات )
 

الاستاذ / mozerts
بعد التحيه....

هذا الكلام ليس له اى اساس من الصحه فاداء السيارة اى سيارة يعتمد على حالتها الميكانيكيه . كما انه ليس هناك اى فرق اطلاقا بين السيفيا 99 او 2000 سواء من ناحية الشكل الخارجى او الداخلى وكذلك قطع الغيار.
تحياتى......

رد: رابطة مالكي الكيا سيفيا فيد واستفد ( صداقة - نقل خبرات )
 

هذا الكلام ليس له اى اساس من الصحه فاداء السيارة اى سيارة يعتمد على حالتها الميكانيكيه . كما انه ليس هناك اى فرق اطلاقا بين السيفيا 99 او 2000 سواء من ناحية الشكل الخارجى او الداخلى وكذلك قطع الغيار.
تحياتى......[/QUOTE]

متشكر جدا انا سمعت الكلام دة وكنت بس عايز اتاكد لانى تعبان فى اللف على عربية سيفيا نظيفة
بس لو تسمح كان فى استفسار على ان الموديل الكورى هو اللى فية ساعة رقمية غير التقفيل المصرى مفهوش

رد: رابطة مالكي الكيا سيفيا فيد واستفد ( صداقة - نقل خبرات )
 

الاستاذ / mozerts
سيدى الفاضل العربيه السيفيا اجمالا من احسن موديلات الكيا على الاطلاق سيارة واسعه جدا اوبشن ممتاز ثبات رائع قطع غيار رخيصه جدا ميكانيكا وكهرباء من اسهل مايكون شكل جميل . وياسلام لو ربنا وقعك فى عربيه نظيفة صدقنى لن تندم ابدا . اما موضوع الساعه الرقميه ده يعنى مش بالاهميه الكبيرة .

تحياتى

رد: رابطة مالكي الكيا سيفيا فيد واستفد ( صداقة - نقل خبرات )
 

أشكرك أستاذ سامح على إهتمامك بموضوع الونه فى الموتور والحمد لله عرفت السبب وهو عيب فى طلمبة الباور ويحتاج الى التغيير أنا لسه مغيرتوش بس لما بزود زيت الباور الونه بتروح تماما

سيفيا ام اكسنت ؟
 

السلام عليكم و رحمة الله و بركاتة
تحياتي لكل الاخوة الاعزاء اعضاء و زوار المنتدى
طبعا من العنوان معروف انا هسأل على ايه.لكن انا عارف الاجابة نوعا ما.اكيد طبعا السيفيا احسن.اكبر.افضل.اشيك.اوسع. ......الخ
لكن في نقط كتير من الناس لا تنتبه اليها..لان بعض الناس تتشد ناحية عربية معينة و تعشش في دماغها و هي ممكن تستحق و بعد كده تندم على قرار الشراء. لتوضيح المثال...معظم شرائح مالكي السيارات من الطبقة المتوسطة..يعني دكاترة او زي حالاتي مهندسين..و ظروف الحياة بكل التزامتها لا تخفى على احد..و ده يمكن سبب انتشار انواع زي الفيرنا و اللانوس دون اي انواع تانية..و لو جيت سألت اي حد من ملاك النوعين دول مثلا هيجاوب يقوللك ..انا معايا سيولة اشتري BMW مستعمل مثلا..بس بعد كده هعمل ايه لما حاجة فيها تبوظ..هكع دم قلبي في تمن التصليح و مصنعية اللي هيصلح و حاجات من كده..وانا محتاج فلوس عشان اشتري شقة اكبر مثلا او ادخلهم في تجارة و كده يعني..وهو ده بالظبط محور سؤالي
*السيفيا ممتازة..لكن هل قطع غيارها متوفرة و رخيصة بسعر قريب من اسعار الاكسنت اللي الناس كلها عارفاها ولا ايه..
*هل الميكانيكا بتاعتها و الكهرباء و العفشة و الكلام ده سهل اني الاقي حد كويس يعملهم زى ما طوب الارض بيصلح الهيونداي عموما..مع العلم ان السيفيا فيها حساسات كتيرة و فيها شغل الكترونيات كتير يعني الموضوع معقد ولا الدنيا كويسة فيها و بسيطه زي بساطة الاكسنت..
*قطع الغيار الصلبة-زي مانا سميتها-اللي هى اجزاء الصاج و الفوانيس و الكلام ده..متوفرة و سعرها قريب من سعر الاكسنت ولا ايه النظام..
*اخر حاجة.سهولة اعادة البيع..هعرف ابيع بعد كم سنة ركوب ولا هحتاس بيها..والنقطة ده مهمة جدا لان بصراحة في جهل شديد لدى معظم شرائح مالكي و تجار السيارات..يعني ازاي ماركات زي الهوندا..الرينو..سيتروين. .سيات تبقى صعبة في اعادة البيع..في حين موديلات زي الفيرنا و اللانوس هوا في البيع..بجد بستغرب..
انا عارف اني طولت عليك..بس والله المبادئ اللي انا حددتها في الاسئلة اللي فوق مهمة لاي حد بيقارن بين انواع مختلفة حتي لو زيرو عشان يبقى بيختار صح...
مستنى مشاركاتكم و ردودكم
السلام عليكم
اخوكم احمد

رد: رابطة مالكي الكيا سيفيا فيد واستفد ( صداقة - نقل خبرات )
 

الاخ الفاضل / محمد
بعد التحيـــــه....
اولا : اسئلة حضرتك مشروعه تماما ومن حقك تعرف كل شىء عن سيارة سوف تقتنيها من حيث عمليات التشغيل كلها من صيانه واستهلاك بنزين وكذلك اسعار قطع الغيار وايضا اعادة سعر البيع ومدى الاقبال عليها فى السوق . ومن هنا سوف انقل لحضرتك تجربتى مع السيفيا بأعتبارى احد ملاك هذه السيارة التى سبقت عصرها بحق .
فانا امتلك السيفيا موديل 2000 المجمعه محليا حصلت عليها من احدى السيدات فى عام 2005 وكانت ماشيه فى ذلك الوقت حوالى 40000كم فقط ومن ذلك التاريخ حوالى 6 سنوات لم اذهب الى الميكانيكى سوى مرتان اولهم عام 2008 ليس بسبب عطل مفاجىء او خلافه بل لاجراء الصيانه الكامله العاديه من تغيير مجموعه السيور - دينامو وتكييف وكاتينه وكبالن واجراء صيانه للتكييف وكذلك اجراء بعض السمكرة الخفيفه الناتجه عن احتكاكات عاديه وبالتالى دهان خارجى بالكامل ولم اصادف مطلقا اى صعوبه فى الحصول على قطع الغيار وكذلك مستوى الاسعار الذى يعتبر عادى جدا ومقارب تماما ان لم يكن اقل فى بعض القطع عن اسعار الهيونداى او الدايو وحتى بعض انواع الفيات. المرة الاخرى منذ حوالى ثلاثة اشهر وتحديدا قبل شهر رمضان مباشرة لتبديل جوز المساعدين الخلفى وحينها اشار على الميكانيكى بشراء مساعدين استيراد الامر اللذى انا شخصيا ارفضه فى قطع غيار الميكانيكا والكهرباء فلابد من الجديد فى هذه الحاله واشتريتهم طبعا جديد كورى بمبلغ 340 جم للجوز وايضا تيل فرامل كورى بمبلغ 65 جم وفلتر بنزين بمبلغ 40جم او 45 جم مش فاكر. اما سؤال حضرتك عن مدى سهوله ميكانيكا وكهرباء السياره فانا اؤكد لحضرتك تماما على سهولة ميكانيكا وكهرباء السيفيا المهم انك تذهب لمركز صيانه فاهم ومتخصص وانا ممكن افيد حضرتك جدا عن مكان يعمل به احد اقربائى متخصص كيا وبالذات السيفيا ميكانيكا وكهرباء وتكييف على اعلى مستوى من الاتقان وباسعار مناسبه. اما نقطه اعادة البيع فالسيارة مطلوبه جدا وهامش تراجع اسعارها معقول جدا وجرب حضرتك واعمل حتى اعلان وهمى عن سيارة بمواصفات جيده وسوف ترى كم الاتصالات بحضرتك.
النقطه الرئيسيه والمهمه:
ان تحصل عل سيارة جيده وخاصه الصالون والاساسيات العامه والا تكون مهانه وتتم صيانتها بصفه دوريه . اخير ربنا يوفق حضرتك فى كل ما تتمناه
وتقبل تحياتى