رد: صيانةاكسيل اتوماتيك
 

لو فيه قدامك لينك لكتالوج سيارتك

كفتيس ومكنه

أكتبهولى وأنا أبقى أشوفلك نظام كهربة الفتيس ماشى أزاى

رد: صيانةاكسيل اتوماتيك
 

على الله التساهيل
انا عارف انى ارهقت حضرتك معايا
معلشGIFT4U
ربنا يعزك ويكرمك يارب

رد: صيانةاكسيل اتوماتيك
 

ولا يهمك

أنا لايهمنى إلا راحتك

ROSE4U

رد: صيانةاكسيل اتوماتيك
 

شوف ده كده يا بشمهندس
كتالوج الصيانه الخاص بفتيس الإكسيل الأوتوماتيك

http://www.mediafire.com/?zjneyljgcqm
ولكم عظيم الشكر

رد: صيانةاكسيل اتوماتيك
 

إن شاء الله

لو فيه نصيب

أنزل الكتالوج غدا

وأشوف نظامه

وتصبح على خير

رد: صيانةاكسيل اتوماتيك
 

بص يا باشا انا كان معايا اكسيل اوتوماتيك نفس الموديل انتا ممكن يكون عندك مشكلة فى ترس الفولام اللى بيدخل فيه ترس المارش علشان يدور و ده مش هتلاقيه غير استيراد وبيجى مع اربة زيت الفتيس وعامل حوالى 250الى 300 و ده اللى بيخلى صوت المارش عالى و مبيخليش العربية تدور بسرعة انا عارف ان الموضوع ده قرفك وكله بيفتى فيه يكولك ترس المارش عايز يتغير و المارش وحش و الكلام ده اكيد سمعته كتير تانى حاجة بالنسبة للسحب العربية ممكن الفتيس عندك محتاج عمرة تغيير كلاتشات و بلفات و غوايش للفتيس و احسن واحد يعملك العمرة دى واحد بس اسمه مجدى رجب فى اول شارع احمد سعيد من ناحية العباسية و هيكلفك حوالى 1500 بس هيرجعلك الفتيس جديد على الزيرو و هيديك ضمان سنة على الفتيس و بالمرة تاخدله اربة زيت الفتيس اللى فيها ترس الفولام يركبهالك علشان دى بتبقى جوه الفتيس لو ركبتها لوحديها هتكلفك مصنعية زيادة و خلى بالك اللى هيركبها لو مركبهاش صح هيحرق الفتيس فخليه هو يركبهالك احسن هو متخصص فتيسات اوتوماتك و اسال عليه معروف جدا
تالت حاجة بالنسبة للرعشة ده عيب فى قواعد الماتور وحتا لو اشتريت قواعد هتفضل فى رعشة ياما تجبها من التوكيل او استيراد علشان تكون اصلى و تظبط كهربة العربية هتظبط معاك
وراى انك تبيعها على كده احسنلك علشان كده انتا هتخش فى قصة كبيرة ياما تنزل الحرفيين و تاخد ميكانيكى بيفهم يجبلك موتور جديد بفتيسه بالضفيرة و الباور والكربرتير يعنى بمعنى اصح ترمى الهيصة اللى جوة الكابوت دى و تحط غيرها وده هيكلفك حوالى 4000الى 4500 وانا شايف ده احسن وبيع الماتور بتاعك هيجبلك بتاع 1000 ويلرب اكون قدرت اساعدك

رد: صيانةاكسيل اتوماتيك
 

شكرا لك اخ غير مسجل
مفتقدينك يا بشمهندس سمير ويارب تكون بخير
الحمد لله مشكلة السحب اتحلت وطلع الفتيس كهربته مفصوله والحمد لله عولجت
وغيرت الزيت وبقا بياخد نقلاته كلها مظبوطه
ولكم جزيل الشكر والامتنان