رد: هواء السلانسيه فى الحقن الألكترونى
 

لا ممكن يكون فيه علاقه فعلا

فسقوط الحمل مع ضعف الطلمبه بيولد مشاكل كتيره

شغل التشخيص مبنى على التجارب والأحتمالات

لأنك بتشخص فى حاجات مش شايف آدائها لوظيفتها

فلو الميكانيكى أختبر بلف الأيدل وتأكد من عدم آداؤه لدوره صح

فكلامه سليم

وأنا لم أنكر أحتماليته فى أى رد قولتهولك

بس طالما المكنه سلانسيها تمام وهى واقفه ومع حمل التكييف أو الباور تمام

يبقى بلف الأيدل سليم

فهل عندك مشكله فى الدواره أو وأنت واقف ويتسخن وبتجيب الدركسيون على نهايته

لو لا

وسرعة السلانسيه طبيعيه ومفيش رعشه ولا رجه

يبقى البلف سليم

والميكانيكى بيحط مجرد أفتراضات بدون علم

رد: هواء السلانسيه فى الحقن الألكترونى
 

لا الميكانيكي ماختبرش حاجة وهو كان فعلا بيفترض وانا مكنتش واثق في افتراضه

الدوارة عندي الصبح الحمد لله مفهاش حاجة وبتدور علي طول

والحمد لله سرعة السلانسيه طبيعية

المشكلة كلها زي ماقلت في اوقات معينة الماتور بيرج وعداد الار بي ام بينزل لتحت
لما اكسرالدركسيون علي الاخر او في الوقت اللي السرعة التانية بتاعة المروحة تشتغل (وبيرجع يتظبط تاني في ساعتها) وساعات بردو لما اضرب فرامل

اعتقد المشكلة دي مشابهه للما تكون مشغل حاجة في العربية بتاخد بطارية كتيروتقوم مأثرة علي حاجة تانية شغالة بالبطارية
زي اول ما تفتح الازاز الكهربا بتحس برعشة في النور

ربنا يسهل انا هروح للميكانيكي بكرا وهخليه يحل طلمبة البنزين ونشوف فيها ايه وهبقي اقول وصلت لأيه

متشكرين جدا يا بشمهندس سمير ربنا يجعله في ميزان حسناتك

رد: هواء السلانسيه فى الحقن الألكترونى
 

خيرا بأذن الله

وطمنا عليك

رد: هواء السلانسيه فى الحقن الألكترونى
 

رحت انهاردة الكهربائي واكد علي كلامك
العيب فعلا من طلمبة البنزين
وقالي بردو علي طريقة عشان اتأكد لما العربية تبطل تاني اني افك خرطوم البنزين اللي داخل للماتور وادور الكونتاكت لو مفيش بنزين بينزل منه يبقي العيب من الطلمبة

بالنسبة للمشكلة التانية وهي نزول عداد الار بي ام عند تشغيل السرعة التانية للمروحة قلي ان دا بلف الايدل وبيقول انه مكنش شغال عندي اصلا واستنتج كدا انه لما شاف تقريبا حاجة زي الخرم كانت مفتوحة علي الاخر

والايدل عندي كان راكب علي مسمار واحد بس

رد: هواء السلانسيه فى الحقن الألكترونى
 

بس أما تحل الخرطوم الداخل للفلتر

حطه فى أزازه لتجميع أى بنزين

لو كانت الطلمبه شغاله وسليمه

ياريت برضه يكون معاك حد يفتح الكونتاكت وأنت خليك ماسك الخرطوم فى الأزاز وهو بيفتح

الكونتاكت

لا متصدقوش

الأيدل شغال عندك تمام

بدليل دوارتك الصبح عادى

بس أنت شوف نظام المسمار التانى للأيدل وركبه

رد: هواء السلانسيه فى الحقن الألكترونى
 

امبارح رحت عند كهربائي نضفلي الايدل والبوابة والايدل كان بيطلع زفت ومطرحه كان متوسخ جدا

وبعد مارجعت عملت ايدل ليرن علي حسب الطريقة بتاعة عربيتي فصلت كابل البطارية لمدة ساعة وبعدين خليت العربية تدور لمدة 5 دقائق

ومشيت كويس معايا امبارح والنهاردة الصبح
وبعد مارجعت من الشغل لاحظت عداد الار بس ام علي السلانسيه أو وانا دايس دبرياج عمال بيعلي ويوطي يعني يوصل لحد 3 وبعدين ينزل علي 2 والعربية كانت سخنة..
اما والعربية باردة كان بيتصرف طبيعي

وبردو العربية بطلت مني تاني واكتر من مرة وانا في نفس المشوار
وطبعا قلت اجرب طلمبة البنزين وفكيت خرطوم البنزين وحطيته في ازازة مية وخليت حد يفتحلي الكونتاكت لقيته بيطلع بنزين كويس (طلع شوية وبعدين قطع بعدها) وجربت الحكاية دي مرتين وكان تمام في كل مرة
يبقي كدا العيب مش من طلمبة البنزين

وبالمناسبة حساس الكرنك بردو غيرته مرتين في كل مرة كانت بتبطل مني
يبقي بردو استبعدنا حساس الكرنك

وملحوطة العربية بتبطل وانا ماشي ومش دايس دبرياج ودايس بنزين عادي بس علي السرعات القليلة
يبقي كدا المفروض ان حساس الايدل يطلع بردو من الموضوع

ايه الحل يا بشمهندس سمير ومعذرة انا تعبتك معايا

رد: هواء السلانسيه فى الحقن الألكترونى
 

المسمار التاني مقطوم ومكانه مسدود