رد: نصف موتور سفلى
 

اسعار بعض قطع الغيار لسة شريها قريب
مكان الشراء على زيدان الدقى
1 كبالن 200
2 طقم شنبر 125
3 طقم صباب 450
4 طقم جوان 110
5 جوان وش سلندر 25
6 فلتر بنزيين 20
7 قواعد موتور 130
8 نصف موتور كامل ربنا يستر من سعرة

اسئلة بسيطة عن التريوس 99
 

ما هى القراءة الصحيحة لموئشر السرعة لو مؤشر ال rpm عند 3000 و الفتيس على الخامس ؟
ما هى قراءة مؤشر الحرارة عند فتح كونتاكت فقط والسيارة باردة فى فصل الشتاء؟
اين يوجد صمام البيئة "ُEGR" وما هو شكلة بالصور؟
وشكرا

معايا تيريوس 2008 ممكن اعرف ايه افضل زيت للموتور ؟ واغيره على كام الف؟
 

انا معايا تيريوس 2008
ممكن اعرف ايه افضل زيت للموتور ؟ واغيره على كام الف؟
وليه لما اجى اظبط المرايا الراديو يقف ؟
وكمان بيبقى فيه هزة جامدة فى الدريكسيون والسرعة فوق ال100
واااااااااااااسف على كترة الاسئله وارجو الافاده وشكرا

هام وعاجل برجاء الرد ديهاتسو تريوس 2010
 

الاخوة الكرام معروض عليه تريوس بلاتينوم اوتوماتيك 2*4 كاسيت سي دي ايرباج واحدة بس للسائق غالبا مفيس ايه بي اس خليجي بيضاء رخصة 3 سنين عاملة 3500 كيلو تقريبا كسر زيرو وتقريبا هي الموديل البيزك لسة ماشوفتهاش بحالة جيدة جدا برة وجوة. السعر مبدئيا 110000 ومااعتقدتش اني ممكن انزل فيه. برجاء الرد هل السعر كويس بالنسبة للخليجي والصيانة بتاعتها ممكن اعملها فين علشان اكيد حتبقي خارج التوكيل. يا ريت تفيدوني بسرعة جدا لاني رايح اشوفها ولازم اكون واخد قرار مبداي في الضوء المعلومات السابقة. ولكم جزيل الشكر.

استفسار عاجل لو سمحتم
 

لو سمحت عايز اعرف راى الاعضاء الكرام فى دايهتسو شاريد موديل 1990 الى 1993 وهل قطع غيارها متوفرة ولا اييييية؟؟؟ و اسعارها

علما انها هتبقى لوالدتى يعنى مش عايزين نروح للميكانيكى كتير

و يا ريت لو حد عندة خبرة فى العربية دى يفيدنى و لكم جزيل الشكر :lvly:

رد: استفسار عاجل لو سمحتم
 

السلام عليكم
سياره ممتازه اغلبها 3 سلندر وفي منها 4 سلندر بس قليل فيه منها مانيوال واتوماتك
من فضلك اكتب الموديل والكماليات والسعر وحاله الدهان(فبريقه دواخل وللا لا) عشان نقدر نقول راينا والسياره عموما كويسه لكن قطع غيارها غاليه نسبيا نظرا لانها تباع عند عدد محدود من محلات الياباني
ورايي الاخير.هاتلها برايد هاتش باك احسن كتير في الصيانه والبيع وقطع الغيار...ومتورها بيكون متور مازدا كمان

رد: استفسار عاجل لو سمحتم
 

شكرا جدا لرد حضرتك هى مش هتفرق مع والدتى اوى موضوع انها 3 سلندر دا

فى عربية لائيتها وانا بتصفح موديل 90 و طالب فيها 17 الف بس تكيفها عايز كمبورسر وسربنتينه (هى مش عايزة تكيف فى العربية اصلا)

و دى صورة العربية
http://www.contactcars.com/Images/Po...08_80f81cj.jpg

و البرايد غالية شوية هى محتاجة حاجة ااقل من 20 الف ياريت لو حضرتك ترشحلى عربية

و شكراااااا جدا احضرتك تانى:GROWIN~12: