المشاركة الأصلية كتبت بواسطة حسام البورسعيدى (المشاركة 441289)

انا عن نفسى بسوق لوحدى من وانا عندى 10 سنين .. وكنت بسوق كويس جدا وعمرى الحمد لله ما تسببت فى اى حادثة ..

فالموضوع مش بالسن ولكن بالعقل والمهارة والقدرة على السيطرة ..

وبالعكس انا شايف ان من ناحية المهارة .. السن الصغير بيكون اكتر مهارة ..

على سبيل المثال لو جبت واحد عنده 12 - 13 سنة بيحب السواقة وعلمته السواقة صح هيسوق كويس جدا .. المشكلة بتكون انك صعب تجازف وتخليه يسوق لوحده حرصا على ارواح الناس .. فهو ده مربط الفرس ..

ولكن انا شايف ان السن القانونى الحالى لاستخراج رخص القيادة وهو 18 سنة .. كتير .. انا شايف المفروض يبدأ من 16 ..

ولكن طبعا لازم يكون اختبار المرور ده اختبار صارم جدا .. مش تبقى الرخصة من 18 سنة ويبقى اختبار المرور "مايع وتافه" زى اختبار حرف s ده واختبار النظرى " السبهللة " ...

يعنى باختصار انا شايف ان السن يكون 16 سنة (مع البطاقة) .. ويكون الاختبار صارم وصعب (نظرى وعملى) بحيث ميعديش حلد منه الا لما يكون بيعرف يسوق كويس والاهم انه يكون ملم كويس اوى بقواعد واداب المرور ..
وفى نفس الوقت يكون المرور حازم جدا مع اى واحد سايق من غير رخصة لانه ساعتها هيكون ملوش حجة ..

لكن للاسف دلوقتى فى ناس كتير بتعرف تسوق كويس جدا ومشكلته الوحيدة فى السن ...

المشاركة الأصلية كتبت بواسطة د.هبه77 (المشاركة 441344)

انا كنت طبعا من اشد المعارضين للموضوع دة مع اخوية لكن هو ابتدي حقيقة من سادسة ابتدائي(وطبعا ما شاء الله عليه دلوقتي عارف كل الشوارع الجانبية التي لا تخطر علي بال حد عشان اللجان!!)
بس بصراحة بعد كدة بقي تعود لحد ما في الاخر قبل ما يطلع الرخصة بقي يسوق عادي يعني لاي فرد في البيت ومبقاش حد معترض!!
لازم فعلا السن ينزل شوية

المشاركة الأصلية كتبت بواسطة طارق ابوذيد (المشاركة 442081)

المشاركة الأصلية كتبت بواسطة مبارك القناوى (المشاركة 442085)

معاك فى الراى دة

المشاركة الأصلية كتبت بواسطة عبدالله حسن (المشاركة 462049)

لا ضد لان الطيش ده هتلاقيه عند واحد عنده 18 سنة و 25 سنة وممكن 40 سنة لو تحب
مش مسأله سن هى مسأله عقل شوية
ولا انت ايه رايك يا باشا؟