|
رد: حكايتى مع السيارات فى جنوب أفرقيا حكاية صور !
سومو عاوز يخطف دكتور عبد السلام منى و بصراحه انا بعد ماشوفت المزز مش قادر افرض فيه
و بخصوص المزز كنت فى شرم من شهر و على الشاطى كان فى مسابقه و طبعا كل الناس هناك اجانب الا العبد لله و العيله و جت الاجانب يعملوا و طبعا كلم مزز و انا عامل نفسى مؤدب معايا امى و اختى و زوجها و كانت المسابقه عباره عن التقاط البطاطس بالشوكه بتكون انت قاعد علىكرسى و هما يحدفولك البطاطس و اكبر عدد تلتقطه تبقى انت الكسبان و بعديها تروح ترقص شويه على واحده و نصف و انا بصراحه ما اتوصاش فى الحاجات دى المهم كسبت المسابقه لقيت واحده جنبى كده لا بيا و لا عليا جايه تحطنى قولت يالهوى و جريت منا امى قعدت تضحك عليا بطريقه هستيريه و قامت رايحه مسلمه عليها و التلها اصلى متوضى و بعد المسابقه ما خلصت انا طبعا كنت من الثلاثه الاوئل روحنا على المطعم علشان الجايزه كانت عباره عن مشروب غريب كده انا اول ماشوفت الواد الويتر عمال يرج فى حاجات كده و بيحطها فى تلج روحت سالته اسمك ايه يعم انت قالى انا خالد قولتله و انا احمد ابوس ايدك انا مش عاوز حاجه فيها منكر قدملهم هما لحد ما يتمرمغوا لكن انا لا قعد يضحك هو كمان قولتله هو انهارده يوم الضحك عليا ولا ايه المهم قالى ماتقلقش عندى بيبسى قولتله لا يعم انا قرفان منه هاتلى منكر احسن هههههههه قام عاملى مكس غريب كده بس كان جامد جدا جا بس مافيهوش منكر هههه يارب تعجبكوا الحكايه الصغنونه دى |
رد: حكايتى مع السيارات فى جنوب أفرقيا حكاية صور !
يعنى يا أحمد رقصت على واحده ونص ولا بندول الساعه ؟ ptmnlo123per154 وماتتوصاش كمان
اشهدوا يا أهل المنتدى ! أحمد كار سيقوم باحياء المقابله القادمه ! :HAPPY_~211: و ح نعمل له ميكس عباره عن مغات + حلبه حصا + سلمكه + كام حباية اسبراكس ! ptmnlo123per1106 علشان يعمل أحلى ليله ! و ما تخافش ح نقول للناس انك متوضىء ! ههههاهههههاهاى ! Dr. Bolbolan :waving: |
رد: حكايتى مع السيارات فى جنوب أفرقيا حكاية صور !
كان فى مسابقه تانيه بس مافيش داعى نقول عليها اخويا الكبير اشترك فيها
|
رد: حكايتى مع السيارات فى جنوب أفرقيا حكاية صور !
ده أنا كان ورايا شغل بالهبل النهارده ومعرفتش أفلفص منه (يومين قاعد منور فلورسنت) لاعارف أنا ورايا إيه ولا أنا مين ولا رايح فين ولا جاي منين
أنا راجع هلكان من الشغل من حوالي ساعه بحاول ألحق إللي فاتني (إن لم أدركه كله ...فلابأس بأن أدرك بعضه) ده الناس ردت والدكتور كتب والشباب إتهددوا وناس تانيه شايف إنهم بالتأكيد بما أنهم يعانون من البرد (إنفلوانزا) فهم تحت تأثير الفلورسنت وواضح إن الفلورسنت ده بيدي الواحد شجاعه نادره تسببت في إن سامح باشا يتحدى سومو (ده عامل زي إسم مسرحيه زمان إسمها عبده يتحدى رامبو) مع الإعتذار طبعا لسامح باشا وسومو حبيب الكل يادكتور لقد وجدت أن بذكرك لموضوع المزز ... قد أحييت في الموضوع بعضا من الطراوه في الجو الحر إللي إحنا عايشين فيه ده اليومين دول وبدأت مهارات أحمد كار تتفجر ويحكي عن شرم الشيخ .... ومغامراته بها وكيف إستطاع أن يشرب البيبسي ويعمل أحلى شغل بيه مع شوية تلج أنصحك يا أحمد بحبيتين فلورست وأأكد لحضرتك إن الدنيا حتبقى سمك لبن تمر هندي عايزينك يادكتور لا تتوقف عن كتابة الموضوع ولو كل يوم جزء وماتحنسناش كده كل يومين تلاته جزء صغير إحنا عايزين نتفرج على جنوب أفريقيا بحالها من خلال عينيك التي تسجل الصور بالمخ وتترجم بشكل كتابي وتعبيري مش محتاج أأكد عليه وعلى مدى إعجابي بالتعبير التصويري إللي حضرتك بتعمله ... آسف للإطاله ولعدم قدرتي على تنسيق الكتابه وإضافة إبتسامات عشان تخلق جو حلو للكلام بس والله ده من التعب إللي الواحد فيه إتمسوا بالخير ...موووواه |
رد: حكايتى مع السيارات فى جنوب أفرقيا حكاية صور !
اقتباس:
أيوة صحيح يا دكتور منتظرين باقى أحداث جنوب أفريقيا |
رد: حكايتى مع السيارات فى جنوب أفرقيا حكاية صور !
متباعينك يا باشا و سوال كده طبعا مفيش بيجو هناك هههههههههههههههههه
|
رد: حكايتى مع السيارات فى جنوب أفرقيا حكاية صور !
وصلنا الى مكان الدرس وبرده باب حديدى رهيب ولا أجدع سجن بس بيفتح بالكهرباء ! وهو عباره
عن حوش صغير للسيارات + مبنى على هيئة مربع ناقص ضلع ! و أخذنا أماكننا فى الدور الثانى فى قاعة محاضرات و كنت أمنى النفس ان اللى ح يدرسوا لنا مزز أو على الآقل نصفهم ! وجاء لنا مدير المكان ورحب بنا لمدة دقيقتين و تركنا مع شخص انجليزى صارم و حالق زلبطه ( زى واحد صاحبنا ) واسمه ديريك ! هوه قال اسمه من هنا ووزع علينا زى استمارات تعارف و حضور ! ثم وزع علينا ورقة امتحان من 30 سؤال المفروض نحلهم فى نصف ساعه ! طبعآ اتهبلنا وشغل المصريين طلع بأه ! نقول له يا سعادة الباشا احنا جايين ندرس و بعدين امتحنونا ! يقول لنا لآه ! امتحنوا الآول و اللى موش ح ينجح موش ح يدرس ! يعنى لازم مستواك بناء على الامتحان ده هوه اللى يقول تستاهل تدرس ولا لآ ! ptmnlo123per111 لا حول ولا قوة الا بالله ! الحمدلله جاوبت و نجحت و تكرر ذلك لمدة 4 أيام ! كل يوم امتحان على الريق ثم دراسه مكثفه صعبه لغاية الساعه 6 مساء يتخللها ساعه واحده غذاء محترم فى المطعم الملحق بالمبنى ! و يحضر فيتور بالسياره الساعه 7 و نصل عند ميا نست الساعه 8 و نصف ! نتعشى بدون نفس وياتنام على طول يا تذاكر لغاية امتحان اليوم الثانى وتصحى الفجرآ ! والله شهر كامل لم أنم يوميا أكثر من 4 ساعات يوميآ ! http://i943.photobucket.com/albums/a...s/DSC00401.jpg أثناء الامتحان اليومى ! http://i943.photobucket.com/albums/a...s/DSC00405.jpg صوره للمجموعه مع مدرس جنوب أفريقى ظريف ! و فى أول يوم مشينا من الدرس بدرى شويه ( الساعه 5 عصرآ 9 و قلنا لفيتور فسحنا شويه فى جوهانسبرج لآنه لسه بدرى على العشاء فرفض لآن جوهانسبرج زحمه ولكنه قال ان فيه مولات كثير متفرعه من طريق العوده ولا مانع من الذهاب اليها ! قلنا و ماله ! و ذهبنا لمول أسعاره رخيصه اسمه MR. PRICE لكن لقيت معظم الموجود أدوات منزليه و ملابس رخيصه فى الثمن و الجوده لكنه كان ضمن مجموعة محلات بجانبه على هيئة دائره و منتصف الدائره باركينج للسيارات ! لذلك لفيت على المحلات أستطله ما بها من بضائع ووجدت ان كل شىء موجوج هناك و بنفس أسعار مصر تمامآ ! لكن الوضع اختلف فيما بعد وسأشرح كيف فى وقته ! http://i943.photobucket.com/albums/a...s/Image240.jpg الباركينج أمام مستر برايس ! http://i943.photobucket.com/albums/a...s/Image242.jpg مزز افريقيه ( واحده لآحمدكار والتانيه لصلاح عبدالنبى ) ! نتكلم بأه شويه عن حاجه لها علاقه بالسيارات ! محطات البنزين هناك فيه تدفع كاش و فيه تدفع بالكريديت كارت ! يعنى تمون السياره و تضع الكارت بتاعك فى فتحه فى طلمبة البنزين و يتم الحساب و بدون بقشيش ! كمان تحت المولات الكبيره والعمارات الحكوميه أو أى جراج يوجد نظام جميل جدآ ! يعن وانت داخل تجد بوابه الكترونيه ! تعطى الموظفه الكارت بتاعك زى كارت المبايل! بالضبط و تدخل الجاراج ! أول ساعه مجانآ وبعد كده كل ساعه بنصف جنيه تقريبآ و السعر موحد ! شفتم الدول المتأخره ! ده علشان لو معاك مثلا حد نازل جوه أو بعيد تدخل توصله أو تنتظره أقل من ساعه و تخرج بدون أى مليم ! ولو أكثر من ساعه! وانت خارج تعطيهم الكارت و يتخصم منه أوتوماتيك حقهم ! ولو عاوز تروح مول تشترى خضار أو علبة سجائر موش مستاهله تدفع ! http://i943.photobucket.com/albums/a...s/Image249.jpg صوره من أمام باب الدرس ! http://i943.photobucket.com/albums/a...s/Image723.jpg محطة بنزين بالكارت ! http://i943.photobucket.com/albums/a...s/Image748.jpg لقطه سريعه متحركه ! وهناك ملحوظه ان الستات هناك بيشتغلوا زى الرجاله فى أعمال لا يمكن تنفع عندنا ! مثل رصف الطرق و سياس سيارات و فى كل الآعمال تقريبآ بس ده بالنسبه للسود فقط ! كمان هناك نظام و أدب فى كل شىء ! يعن فى موقف الميكروباسات ! الناس يقفون بكل أدب و هدوء فى طابور ولو طوله كبلومتر حتى يحضر الميكروباس و يركب ال10 أو ال14 الآول ثم ينتظر الباقى الميكروباس اللى بعده ! والله المنظر ده أثر فى أوى ! http://i943.photobucket.com/albums/a...s/Image564.jpg مزز افريقيه برده ( أحسن من مافيش يا أحمد ) ! يعملون سياس سيارات فى المواقف ! وكفايه كده النهارده و نكمل غدآ ان شاء الله ! |
| الساعة الآن 07:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017