رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع
 

اسمحلى اشترك فى الرد بمعلوماتى المتواضعه يا كبير
انا عندى شاشه ال جى اخر استقبالها اتش دى 720 بى يعنى لا تستطيع البث اتش دى 1080 بى بس على العموم ال 720 بى بالنسبه لى حلو جدا و زى الفل عنننننننبببببب
و اشتريت رسيفر ترومان 9090 بى اوبشن 1080بى
و اشتريت سويتش 40 جنيه عشان سلك النت اللى عندى اخرج منه سلكين واحد للكمبيوتر و التانى للرسيفر
الرسيفر معاه سيرفر مجانى لمدة سنه و بيقولك السنه هتخلص امتى
حضرتك انت بتسأل على الاتش دى لو هتركب النايل سات فقط يبقى فكك من موضوع الاتش دى خااالص لان مفيش ولا قناه على النايل سات بتبث 720 بى حتى الا قنوات قليله جدا و اللى هيفتحهملك الرسيفر اتنين فقط تابعين للجزيره الرياضيه لكن كل القنوات الاخرى اخر بثها 480 بى جوده هاى كواليتى لكنها مش اتش دى خالص يعنى مثلا فيه قناه اسمها اعتقد صدى البلد دايما حاطه لوجو اتش دى على القناه من فوق و ده تخلف لان القناه بثها اخره 480 مش عارف يعنى بيضحكو على نفسهم مثلا لكن ثق تماما ان جميع القنوات على النايل سات الا فيما ندر بثها لا يعلو عن 480 بى يبقى لو حضرتك عندك افضل شاشه و افضل رسيفر فى العالم كله برده مش هتقدر تشوف القناه اكتر من 480 بى مش اتش دى خالص
بالنسبه للاوروبى فطبعا الرسيفر فاتحلى معظم قنوات الاوروبى و اتفرج بقى على الاتش دى اللى بجد على سكاى سبورت او كانال سبورت او حتى قنوات الافلام
انا اصلا مبتفرجش على التلفزيون لكنى مجنون دورى انجليزى و بشجع ليفربول و لك ان تتخيل لو كان له ماتش و مش متذاع على السكاى سبورت او كانال سبورت او نوفا و هما ال 3 باقات اللى بيذيعو دورى انجليزى على الهوت بيرد فقط على حد علمى و عشان كده انا بفكر اركب راس تركى لان القمر التركى بثه للدورى الانجليزى اغزر من الباقات دى
بالنسبه بقى حضرتك بعد السنه ما تخلص بيكون عندك حل من اتنين يا اما تشترك فى سيرفر مدفوع يا اما بتشترى رسيفر تانى ب 500 جنيه و الصراحه الحلين بالنسبه لى مش بطالين لو قارنا اسعار الاشتراكات و لما نعرف ان قناه متخلفه زى ابو ظبى الرياضيه بتقولك عشان تتفرج على الدورى الانجليزى لازم شاشه اتش دى فيها مخرج اتش دى ام آى و رسيفر مخصوص تبع الباقه احتكار قذر من الاخر بس معلش فلوس الخسيس بتروح لابليس و احنا بنتفرج على اللى احنا عايزينه برده غصبن عن عين اهاليهم معلش مهم مش تعبانين فى الفلوس هيحسو بالغلابه ازاى
تحياتى يا كبير

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع
 

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع
 

مجربتش غيره انا مبتفرجش على التلفزيون و لولا الدورى الانجليزى مكنتش عملت الحوار ده
على العموم هو بيسجل على الفلاشه و بيتحدث عن طريق الانترنت و تشغل يوتيوب من عليه و فيه واير ليس
و كمان لو عندك افلام على الكمبيوتر بتاخدها على الفلاشه و الرسيفر بيشغلها على الشاشه
و دى فايده كبيره خصوصا فى الافلام الاجنبى لانى بلزق الترجمه على الفيلم ببرنامج
winavi او برنامج avi recomp
و الرسيفر بيشغلها بامتداد avi او mp4
و طبعا بتكون جودتها عاليه و ده بيكون اختيار ليك و انت بتحمل الفيلم من التورنت
و كمان هو بيقرا الترجمه لو فى ملف منفصل بس بتكون حروف مش مفهومه يعنى مش عربى و كنت سمعت ان هينزله تحديث سوفت عشان يقرا ملفات الترجمه بصوره صحيحه
ده اخر علمى بالرسيفر تحياتى يا كبير

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع
 

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع
 

عن تجربة الدريك 7500 و معاه سنه شيرنج
والفرق بين ال HD redy
و Full HD بسيط جدا

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع
 

السلام عليكم
أنا كمان بدور علي أفضل ريسيفر HD علشان أجيبة وإن كنت ميّال للترومان لإن حاليا عندي ريسيفر عادي Truman TM100 PLUS شغال معايا زي الفل

سمعت وقريت عن ريسيفر Truman Premier 1 HD إمكانيات حلوة جداً قريت عنه في مشاركات قديمة شوية من حوالي سنتين ! ، وأكيد دلوقتي فيه الأفضل منه ولكني مش عارف الموديلات الاحدث منه إيه ؟ وإمكانياتها إيه ؟

فياريت إللي عنده معلومة عن الإصدارات الأحدث بتاعة الترومان يقولنا علشان كلنا نستفيد ..

ومعلومة صغيرة :
مافيش تليفيزيون مقاس 32 بوصة بيبقي Full HD !! كل التليفزيونات بالمقاس ده من جميع الماركات بتبقى HD READY فقط ، يعني بتعرض صورة بجودة 720p فقط وليس 1080p .. ، وأي حد يفولك كلام غير كده يبقي بيستهبل
والسبب بسيط .. إن مقاسات الـ 32 بوصة لا تتسع لعرض كثافة نقطية أكتر من 720P !
لكن التلفزيونات الأكبر من 32 بوصة هاتلاقي فيها الـ Full HD عادي ..
وبالنسبة لتلفزيون حضرتك الـ32 بوصة مش هاتلاقي فرق في الصورة نهائياً عند عرض فيلم بجودة 1080p أو 720p .. ، الفروقات هاتبان بس في المقاسات الأكبر من 32 بوصة.

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع