رد: كم أكثر سرعة مشيت عليها؟؟؟
 

أقصى سرعه مشيت عليها 190 على طريق برج العرب
والعربيه كانت هيونداى ماتركس
وكانت العربيه هى اللى بتتحكم فيا مش انا اللى بتحكم فيها
منصحش حد بالسرعات دى وخصوصا ان العربيه بتكون مش مساعده على كده

رد: كم أكثر سرعة مشيت عليها؟؟؟
 

كام اكثر سرعة مشيت عليها ؟
عملت الكارثة دى فين بالظبط و امتى ؟
كان ايه السبب فى التهور؟
نوع العربية و الموديل ؟
ايه اخبار ثبات العربية ؟ (stability ) ؟؟؟
كان احساسك ايه اثناء و بعد التجربة الحياتية المريرة دى ؟

اقصى سرعه 160 كم / ساعه
كان داخل طنطا فى شارع البحر الساعه 4 الفجر
وكان سباق بالوقت مع واحد صاحبى
كانت عربيه لانسر مو 1999
وكان ثبات العربيه جميل جدا جدا
كانت تجربه لذيذه جدا ونفسى تتكرر

رد: كم أكثر سرعة مشيت عليها؟؟؟
 

هههههههههههههههههههههههه
موضوع روعة
انا قرات كله ال 7 صفحات

اعلي سرعة
1-نيسان باثفيندر = 220 و كان لسه فيها نفس ب غباء :) كان ممكن 260
السعودية الخط السريع جده-المدينة

2-ستروين c4 =ك 200
طريق السويس

3- هوندا سيفك= 200
الدائري بين السويس و السلام

4- هوندا س ر ف = 200
6اكتوبر بعد المحور

5-رينو لوجان=210
الدائري

6-فيات سينا 1.4 = 165
الدائري الوصلة الجديده

الثبات
كلة قشطة لكن السينا و لوجن نووو عشان علين اوي

احساسي
نفسو يختمها ب درفتايه علي 60

موضوع تحفة بجد هايل

SPEED LOVER :)

رد: كم أكثر سرعة مشيت عليها؟؟؟
 

انا اعلي سرعة جبتها كانت 150 بأوبل كورسا 2007 1600 cc وكان علي الطريق الدائري الساعة 10 باليل واستمريت عليا 1 دقيقة بس وكان الثبات كويس مع ان كان في ملفات بس عادي بس كنت ماسك الدركسيون باييدي الاتنين بطريقة فظيعة ومضحكش عليكم كنت خايف بعض الشي غير ان الطريق بعد كدة وقف والناس تعدي من جنبي ويقولي ليا انت مجنون اية السرعة دي محسسوني اني الوحيد الي كنت بجري بس ربع البنزين طاااااااااااااار لان ال RPM كان علي 6

رد: كم أكثر سرعة مشيت عليها؟؟؟
 

اليوم حققنا رقم جديد
راجعين من القصر العيني انا وزميلي
وعايز اروح بسرعه علشان الحق اجيب اخويا الصغير
المهم
جبت 150 علي المحور
مكنشي صراحه هاممني الردار لاني كنت مستعجل قوي
المهم جبت لاول مره 150 كيلو في الساعه بالنيسان الثبات ما شاء الله
بس مش عارف حاسس انها مش ممكن تقفل عداد في يوم ليه
:)

رد: كم أكثر سرعة مشيت عليها؟؟؟
 

كام اكثر سرعة مشيت عليها ؟
اقصى سرعة160وبعدها130وبعدها110
عملت الكارثة دى فين بالظبط و امتى ؟
فى المنصورة ال160فى طريق سندوب اللى يوديك على طريق القاهرة وال130و110فى شارع سعد الشربينى شارع مينفعش فية السرعة دى الناس بتمشى فية بالكتير 60
كان ايه السبب فى التهور؟
حبة حماس بيجوكل فترة بس ال160 كنت بجرب عربية واحد صحبى
نوع العربية و الموديل ؟
ال160اوبل فكترامنيول موديل95ال130اوكتفياتبترون كa5موديل2008ل110نيو ماتريكس2009اتوماتيك
ايه اخبار ثبات العربية ؟ (stability ) ؟؟؟
ال اوبل كويس جداا والاوكتفيا رهيييييب كانى مش ماشى وال ماتريكس كويس
كان احساسك ايه اثناء و بعد التجربة الحياتية المريرة دى ؟
ال160 احساس رهيب وممتع بس كانت النهاية خبط العربية جاى بعدى واحد لقيت قودامى مرة وحدةعربية كروة ضربت فرامل مرة وحدة لقيت العربية بتزحف جامد ودخلت فى العربيةالكروة بس الحمد لله محصلش حاجة و130احساس رهييييييييييييييييييييييي يييييييييب وجميل جداجداجدا لان سواقةالاوكتفيا ممتعة جداجداجدا وال110عادى
تعليقك على الموضوع
موضوع ممتاز ويفكر اجيب200بلاوكتفيا بس المشكلة مش عارف فين علشان انا17سنة ومعييش رخصةبسلما اطلع رخصة هجيب ال200انشاء اللهptmnlo123per154

رد: كم أكثر سرعة مشيت عليها؟؟؟
 

أقصى سرعة حققتها أعتقد لم يبلغها أحد وهى 250كم/ساعة ولمدة 10 دقائق فقط بسيارة صديقى السعودى عبدالله الداهومى وهى Infenity موديل 2008 ولم يكن هناك من سبب سوى أننا كنا على الطريق من المنطقة الشرقية ( مدينة سلوى ) الى الرياض وهو طريق خالى تماماً من السيارات أو رجال المرور وكان احساس رائع وأنا أقود هذه السيارة الجبارة وحرمت أعمل كده تانى