|
رد: حكايه صديقى والسياره الملعونه-2 روايه رعب واثاره وتشويق
ايوه انا عاوز الكلام الجامده ده انت \كده اديتنى امل كبير قوى الله يكرمك كمل يادكتور
|
رد: حكايه صديقى والسياره الملعونه-2 روايه رعب واثاره وتشويق
-24-
ومر يوم آخر ولم يظهر رشدىوقبل ان تغرب شمس هذا اليوم كنا فى الصحراء خلف التبه التى ظهرت فيها السيده الملعونه ومعنا المقدم سعيد وبعض رجال البحث00 كانت الرمال ممتدة الى ما لا نهايه وحرارة الجو معتدله فى هذا التوقيت00 اخذ المقدم سعيد يتفقد المكان و يفحصه00 ثم قال: -احنا كده بندور على قشه فى كوم رمال00 والقشه مجرد احتمال قلت: -انا آسف لتعب حضرتك قال: -ياريت يكون فيه حاجه هنا اخذ يدور وهو يدقق فى الرمال00ثم وقف فى مكان خلف التبه مباشرة وقال: -واحد معاه جثه00عاوز يدفنها 00يدفنها فين ؟ اكيد خلف هذه التبه00والعمف اكيد مش بعيد قال هشام: -جثه؟! قال سعيد بك: -احتمال قلت : -قصد حضرتك جثه مين؟ -بكرة نعرف لا تتعجل الامور موضوع عادل ده ومراته شاغلنى وانا جمعت شويه معلومات ولسه حاجه صغيرة تتم الليله ان شاء الله ولم نسأل لانه منطقى لن يجاوب فضولنا لكنى كنت سعيد بانه مقتنع ويسير كما نتمنى وتذكرت رشدى وفضوله الشديد للمجىء لهذا المكان وبالتحديد هذه النقطه! تركنا الموقع وذهبنا للجسر00جلستانا وهشام وتأملنا المياه الراكده والسكون القاتل أين انت يارشدى؟ قال هشام: -لم يبلغ احد عن ظهور000000 ولم يستطع ان يكمل عبارته فالكلمه ثقيله على لساننا ولا نستطيع التفوه بها00 وانصرفنا عند انتصاف الليل ولم ينقطع حديثنا عن ذكرياتنا مع رشدىوالالم يعتصرنا وعند عودتى للبيت لم استطع النوم00كانت صورة رشدى تطاردنى فى يقظتى فما بالكم باحلامى! وعندما اصبح الصباح ذهبت لعملى الذى انقطعت عنه بضعه ايام00أخذتىاجازه اسبوع فانا لم اعد احتمل متاعب العمل حتى اخرج من هذا الكابوس البشع! عند الخامسه اتصل بى المقدم سعيد وطلبنى لمقابلته عند التبه! بعد نصف ساعه كنت هناك انا وهشام00 كان سعيد بك ورجاله قبيل التبه وكلب ضخم يتقدم قال سعيدبك: -استطعت الحصول على قطعة ملابس تخص زوجه عادل قلت مندهشا: ازاى سعادتك قال: -ايه يا أحمد؟! -آسف سعادتك ووقف الكلب خلف التبه بحوالى ثلاثه امتار ينبح بشدة واصرار قال سعيد بك: -ابداوا الحفرهنا00كده لا قينا دليل ابشروا يا رجاله مرت الدقائق رتيبه لكنها مثيره00قبل ان تتكشف الرمال عن000000000000000 لم استطع النظر00 ورجل البحث يقول: -فيه جثه يافندم00لابسه فستان قال آمرا: -وقف عندك نظر لى وقال : -كده جثه وبتاعت ست00انتهى الغير قانونى00نمشى بقى رسمى00وشكلها كده ح تجر وراها كتير0 (تتبع باذن الله) |
رد: حكايه صديقى والسياره الملعونه-2 روايه رعب واثاره وتشويق
انا كده ابتديت اتبسط بعد حاله الغم اللى جاتلنا الفتره اللى فاتت
|
رد: حكايه صديقى والسياره الملعونه-2 روايه رعب واثاره وتشويق
ايوه ايوه كده متبعينك بشوق لهفه و ان شاء الله مش هنام غير لما اقرا المشهد الجي
و هلي راي احمد ده بقي ادمان |
رد: حكايه صديقى والسياره الملعونه-2 روايه رعب واثاره وتشويق
-25-
سوف يتم القبض على عادل فقد كانت الجثه00جثه زوجه عادل00 لكن بقى الاثبات! استدعانى المقدم سعيد00 أخبرنى بهذا 00وسألنى: -انت رأيك ايه؟ قلت: -انا متأكد انها زوجه عادل قال: -انا متأكد ميه فى الميه00 الدبله اللى لاقيناها مع الجثه تخص عادل 00مكتوب عليها اسمه 00كل واحد لازم يسيب اثر وراه وتقرير الطبيب الشرعى ح يأكد كل حاجه قلت: -ياريت ينال جزاؤه00 انا عايز أعرف عمل ايه فى رشدى؟ قال: -الموضوع صعب شويه لانتزاع اعتراف منه بالقتل 00لكن انا انشاء الله محضر له شوية مفاجآت ميتوقعهاش! بس انا مستغرب من موضوع جثه ترشد عن مكانها 00الدكتور بتاعكوا ده ملوش حل اجنا لازم نشغله معانا -احنا فى عالم غريب وغامض بيحسسنا دايما ان احنا علمنا بسيط -سبحان الله -ونفرض عادل انكر ولم يعترف00 نعرف عمل ايه فى رشدى منين -صدقنى يوم ولا اتنين وح يعترف بكل حاجه مش ح أسيبه الا لما يعترف نوعيه عادل دى ليها طريقتها انصرفت من عنده وانا فى قمه الحزن وغايه الاسف لان من قتل زوجته بلا رحمه قتل رشدى بلا رحمه! وعندما ذهبت لهشام انطلقنا بسيارته وذهبنا الى الجسر بعد ان تلاشى الامل تماما فى ظهور رشدى بعد هذه الايام التى مضت00ولكنها اصبحت رحله يوميه نستنشق فيها ريح رشدى ولا نستطيع ان نتخلص منها! جلسنا على الجسر ونحن ننظر الى الماء الذى ابتلع صديقنا00قلت لهشام: -اتذكر يوم اصابه رشدى ؟ قال هشام: -رحمة الله عليك يا رشدى00لم انسى هذا اليوم ابدا! كان رشدى قد مرّ علىّ فى البيت فى أول الليل 00ليله باردة من شهر يناير والامطار تتهيأ للسقوط قال: -بينا نروح لهشام من زمان مشفتوش قلت: -النهارده هو فى الكنيسه00نروح له بكرة قال: -لا00نستناه وناخده من الكنيسه نتمشى شويه وذهبنا00قابلنا صديقنا وبعدها انطلقنا فى جوله ليليه فى جو بارد وأمطار نعشق السير تحتها منذ كنا صغار00 فنحن من عشاق ليل بارد ممطر00ومتعتنا الاولى هى السير تحت المطر! قضينا ساعتين قبل ان نودع صديقنا قبيل بيته وننطلق فى طريق عودتنا للبيت 00 وقبل ان نمضى بعيدا سمع رشدى صوت هشام من بعيد فالتفتنا واذ بمجموعه تحاوطه لمحاوله سرقته00وأحدهم يشهر نصلا فى وجهه لسرقته 00انطلقنا نحوه 00تقدم منهم رشدى ودفع احدهم فى قوه وهو يصرخ فيه : -امشى انت وهو احسن تبقى ليلتكو سوده 00 ايه هى فوضى !وناوله الشاب على الفور بالنصل فى بطنه 00 سقط رشدى والدماء تتساقط منه ونحن فى ذهول بينما انطلقو كالفئران يجرون بكل قوه نقلنا رشدى للمستشفى وهو يقول : -الغبى غز حته صغيره 00 ماتخافوش 00 جت سليمه بكى هشام وهو يقول: -سلامتك يا رشدى انا السبب قال رشدى : -يا جدع 00شوية دم وراحو 00بس اعمل حسابك ليه عندك لترين دم على شوية لحمه وكبده وفاكهه عشان نعوض وعندما رأه الطبيب قال: - الحمد لله جت سليمه ودخل العمليات وبقى فى المستشفى ليله وعندما اخذ هشام روستة الطبيب لصرفها همس لى رشدى : -اوعى هشام يدفع مليم 00 حاسب يا أحمد لما ابقى احاسبك هذا هو صديقنا رشدى الذى فقدناه |
| الساعة الآن 01:06 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017