مصر موتورز مجتمع السيارات - هو لية سيارة الاتوماتيك بتكون اسرع من سيارة المانيوال

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: هو لية سيارة الاتوماتيك بتكون اسرع من سيارة المانيوال

اقتباس:

المشاركة الأصلية كتبت بواسطة hyundai2005 (المشاركة 412160)

بلاش تهكم لو سمحت عندك شك ادعوك لتجربه سيارتي دون تريقه لان اقصي عزم عندي علي 6000 لفه مش زي الكوري 2000 و3000 اوعربيتك المحترمه وارجو من الساده الافاضل عدم الحكم علي شئ دون تجربته لانه بيجرح صاحب الحاجه دى حضرتك من الواضح كده ان حضرتك معندكش خبره كافيه ولا معلومات كافيه للحكم علي هذه السياره

يا عم احمد الراجل بيهرج معاك متزعلش اوى كده يعنى 444546

ممكن بس بعد اذنك اوضحلك حاجة يا كبير ...

فى فرق كبير ما بين العزم والقوة الحصانية ...

بمعنى ..

العزم : هو بالبلدى كده القوة الخام اللى بيطلعها الموتور من خلال لفة عمود الكرنك .. تمام ؟؟

طيب العزم لزمته ايه ؟؟؟

العزم مهم جدا فى تسارع العربية من الثبات .. وكمان كل ما يزيد عزم الموتور كل ما تقدر العربية على تحميل او سحب اوزان اكتر ...

اقصى عزم لمعظم العربيات العادية غالبا بيخرج ما بين 2500 RPM و 3500 RPM تقريبا .. وعمره ما يطلع عند 6000 RPM ابدا يا كبير ...

العزم غالبا بيتقاس بوحده نيوتن / متر ..

اما القوة الحصانية بقى يا عم احمد باشا .. هى علاقة بين عزم الموتور وعدد لفاته ..

و بنستفيد من القوة الحصانية فى السرعات العالية .. يعنى اللى بيحدد اقصى سرعة للعربية هى القوة الحصانية ...

وعلشان نبقى بنتكلم على اساس علمى .. نقدر نحسب القوة الحصانية من الحسبة دى ..

قدرة الموتور (الحصانية) تساوى اقصى عزم للموتور X عدد اللفات اللى بيخرج عندها اقصى عزم .. والناتج يتقسم على 5252 ...تمام ..

واقصى قدرة حصانية للعربيات العادية بتاعتنا غالبا ما بتخرج ما بين 5500 RPM و 6000 RPM ....

وطبعا زى ما انت عارف ان قدرة الموتور غالبا بتتقاس بوحدة الحصان ..

بس يا كبير .. حبيت بس اوضحلك النقطة دى لان كتير مننا بيتلخبط ما بين العزم و القوة الحصانية ..

اقتباس:

انا عن نفسي التالت بنقله علي 110 والار بي ام علي 4.5

اكيد يا كبير انتا قصدك بتنقل من التالت للرابع عند 110 زى ما بتقول ..

بس على 110 على الغيار التالت هيكون الـ RPM معاك فى حدود 5500 مش 4500 مش كده يا عمنا ...

بس سيبك انتا .. بصراحة انتا شوقتنى انى اركب الانجلون بتاعتك دى من كلامك عنها 444546 .. ربنا يباركلك فيها ويكفيك شرها وشر الطريق دايما يا رب ...

حبيب هارتى GIFT4U ...

رد: هو لية سيارة الاتوماتيك بتكون اسرع من سيارة المانيوال

اقتباس:

المشاركة الأصلية كتبت بواسطة hyundai2005 (المشاركة 412160)

انت فهمتني غلط خالص انا بتكلم جد مش هزار انا اقصد من كلامي ان عربيتك علي قدها مش اكتر انت فهمت حاجة تانية خالص واللي بقولهولك عن عربيتي ده بجد برضو

رد: هو لية سيارة الاتوماتيك بتكون اسرع من سيارة المانيوال

اقتباس:

المشاركة الأصلية كتبت بواسطة mesho70 (المشاركة 410663)

- الاهم يكون الاختلاف فى الرأى لايفسد للود قضية وبعدها نختلف براحتنا
- انا لست متخصص حتى احكم بدقة وما ذكرتة سابقا ً ناقشتة مع مهندس الصيانة بتوكيل لانسر
- ونعلم ان تسارع اى سيارة يقاس من صفر حتى 100 كم
- واظن ان تحديد 100 كم تكون السيارة اخذت جميع الغيارات بها
- واؤكد انى شخصيا ً اشعر بضيق شديد من سيارتى الاتوماتيك خاصة بعد المطبات مباشرة
- لان التسارع بطىء خاصة لو بجوارك سيارة وتريد تفاديها
- حتى انى فى هذة الظروف انقل على المانيوال ( بفتيس ستريبترونك ) بيكون اداؤة افضل
- وهنا تأتى فائدة المانيوال لان تسارعة افضل نتيجة انى استطيع ان احرق على غيار ثقيل ويكون التسارع افضل لكن على حساب استهلاك البنزين وعمر الموتور

سيدى العزيز ,
أختلافى معك لا يؤثر على المودة و الإعزاز لشخصكم الموقر
إلا أن أحيانا ضيق الوقت يجعل كلامى مقتضب بعض الشىء
مما يؤدى لتفسيره من قبل الأخرين بأنه نوع من العصبية
أو عدم تقبل الرأى الاَخر.
نرجع لموضوعنا .... فى أى بيانات عن سيارة نجد أن تسارع المانيوال ( من 0 - 100) أفضل .
وزن المانيوال أقل
أستهلاك الوقود أوفر .... بالمقارنة مع نفس الموديل الأوتوماتيك .
و أنا مش هشارك تانى فى الموضوع ده ..... :crazyW14:
و تحياتى

رد: هو لية سيارة الاتوماتيك بتكون اسرع من سيارة المانيوال

شكلك كده يا احمد يا حمدي هتاجر الانجلون بالنفر في رحلة الفيون انا كمان حاجز تست درايف
اوك

رد: هو لية سيارة الاتوماتيك بتكون اسرع من سيارة المانيوال

اقتباس:

المشاركة الأصلية كتبت بواسطة حسام البورسعيدى (المشاركة 412238)

لأ انا عربيتى كورى (استيراد يعنى) ...

وعلى فكره عربيتى هى هى الالنترا 97 بس الفرق فى الاسم بس علشان هى كورى ..

بس الاوضاع دى موجوده فى عربيات اتوماتيك كتير جدا ..

عندك مثلا النوبيرا الاتوماتيك فيها الباور والهولد برضو واظن دى يا مكترها ...

اما الاسبورت مود ده يا كبير اغلب وجوده فى العربيات الحديثة اللى فيها فتيس اتوماتيك كهربا (اللى اغلبه بيكون 6 سرعات زى الاوكتافيا و الجيتا والباسات وغيرها او 7 زى فتيس DSG بتاع الباسات الـ TSI) ..

ولو لاحظت اى من الفتايس دى هتلاقى غياراته P و R و N و D و S ..

والـ S ده هو الاسبورت مود يا كبير ...

ربنا بقى يوعدنا بالعربيات دى يا عمنا .. قول امين :fun_36_3_3[1]:

والله انا عارف الكلام ده انا كنت بتكلم فنقطه الاسبورت مود بس وتسلم ياغالي ربنا يوعدنا بالعربيات بتاعت الاسبورت مود