المشاركة الأصلية كتبت بواسطة silentman84 (المشاركة 373534)

ياجماعه فيه ايه بس ...العربيه كويسه و زى الفل ....بس الوكيل هو اللى مش كويس طمااااااااااااااع
قولت الكلام ده قبل كده ...قبل الثوره.....وماحدش سمع كلامى ....قولت يلا نقاطع .....خليها تصدى وموديلها يعدى ....ولا حد عبرنى..فعلا كنت عايز اعمل الحمله دى....بس لاقيت كلوا مكبر دماغوا وبيروح يشترى عادى ....والكلام ده على العربيات كلها مش الصينى بس ....بصراحه الاستاذ سيف اكتر واحد عارف كويس اوى اللى انا كنت عايز اشترى الجاك وكنت دايخ على معرض تقسيط داخلى ...لحد مادورت وطلع عينى .....وفوجئت بعدها انى تمنها غلى بقت 81000:crazyW14: قولت لازم نعمل حمله وماحدش سمعنى ....لحد الحمد لله الثوره وقعت النظام وكلوا كان مشغول فى المظاهرات...والنهارده سعر العربيه وصل 84000 ومش فول ابشن حرام ولا حلال ها حد يفهمنى ....طب انا بقى الجاك هيا اللى داخله دماغى ومش عايز اركب غيرها اعمل ايه.. ومع احترامى للناس اللى بتقول اللى مش عاجبه سعر الجاك يروح يدور على عربيه تانيه ....المفروض اننا نناقش حل المشكله لازم نكون ايجابين نواجه المشكله ونقدر نحلها مش نقول للناس لو معكمش تمنها او شايفنها غاليه عليكم روحوا اركبوا عربيه تانيه....فين التغير من بعد الثوره ...التغير فى ادينا احنا الشعب لازم نكسر النظام اللى كنا متبرمجين عليه من النظام الفاسد ونكسر السلبيه ونبقى ايجابين ...مافيش حد يقول انا مالى ماليش دعوه .....او يقول ياعم مانا اشتريت خلاص بالسعر القديم وكامله كمان....لازم نحط ايدنا فى ايد بعض ....ونبص للجاى مش للى فات نغير بجد .....ننظم حمله مقاطعه شراء العربيات وده يبقى على الكل مش الصينى او الجاك بس .....يكون لينا كلمه ورأى نأثر بيه على التجار مش هما اللى يمشونا على مزاجهم...نأثر زى ماأثرنا على النظام....بالنسبه لتوكيل جاك يجب على الساده الاعضاء ملاك الجاك والناس اللى بتحب الجاك ونفسها تشتريها زى انا ...ننسق مع بعض ونعمل اجتماع لمناقشه صاحب التوكيل بالذوق .....انه يرجع سعرها زى ماكان الاول خالص 69900 وبنفس مواصفاتها اول مانزلت والا سوف يتم مراسله الشركه فى الصين وده يكون من خلالنا احنا كلنا.. اننا نطالب الشركه فى الصين بسحب التوكيل من صاحبها الحالى واختيار وكيل جديد ذو سياسه محترمه ......وكمان فى حاجه ازاى ياصين كنتى زعلانه لما سمعتك فى مصر بقت فى الارض وده كان بسبب المستورد اللى كان مخليكى فى داهيه... ورجعتى قولتى خلاص مافيش حاجه من دى حتحصل تانى وكل حاجه حتدخل مصر بعد كده حتبقى مطابقه للمواصفات الاوروبيه....رجعتى ليه فى سياستك ياصين وسمعتى كلام مستورد الجاك وقللتى من مواصفات العربيه وسايباه بيبيع بالغالى وكل شويه يغلى علينا......مافيش رقابه منكم يامصنع ...قد كده مش خايفيين على سمعتكم ....قد كده بتستهونوا بينا وبعقلنا ......ماعندكمش فكره انى الشعب المصرى اللى عمل الثوره وقدر يغير ....ممكن يكشر عن انيابه و يقاطع كل منتج صينى من لبس وعربيات وكل حاجه ...وخلوا بقى كل مستورد يروح يبيع سبح....(زى كده ماحنلغى اتفاقيه الغاز وتصديره لاسرائيل انشاء الله)....لازم تعرفوا مافيش حد يتحكم فينا ....ولا انتم يا صين ولا المستورد ....لازم تعرفوا انى الشعب المصرى صاحى وواعى مش اهبل ويضحك عليه......نسيت كمان اقول انى اتفاقيه الجات مفروض تتطبق كامله بالاعفاء الجمركى الكامل زينا زى الخليج وليبيا مافيش جمارك خالص ..واحنا بنطالب بيها الحكومه الجديده ودى من احدى حقوقنا ومطالبنا اللى المفروض تتحقق من زمان من سنه 1991...بجد لازم نقاطع...لحد الان انا لسه ماشترتش ولا حشترى لحد مايتنفذ اللى احنا عايزينه...وانا اول واحد يحط ايده فى ايد الاستاذ سيف وباقى الاخوه وننظم الحمله على كل العربيات وجميع التجار اللى فى مصر (شويه عصابه)