allam87 |
20-10-2010 02:49 AM |
رد: عضو جديد محتاج نصيحة
اقتباس:
المشاركة الأصلية كتبت بواسطة سيف الدين سعيد
(المشاركة 265044)
لأ . رأيى الخاص انك تبعد عن المستعمل الا اذا كنت حاتجيب حاجه بايظه تتعلم عليها وتدقدق بيها شويه لمده سنه واللا حاجه وبعدين تبعها ودى حاتكون فيات او اى حاجه لا تتعدى 10 آلاف . وبعدين تجيب الزيرو لما تحس انك اتقنت شويه العمليه . انما لو انت عايز رأيى : ( لو فيه الخير . ما كان رماه الطير )
|
والله ده كان رايي يا سيف لما كان حد يكلمني عن المستعمل لكن غيرتها لما سمعت رد الناس اللي نصحوني بالمستعمل لما سمعوا الميزانية قالتلهم زيك كده لو كويسه كان باعها ليه الا اذا كان فيها حاجه فالرد كان انه ممكن يكون عربية كويسة فعلا لكن صاحبها عاوز يبيعها عشان في عربية احسن منها عاوز يشتريها وعاوز يبيع ديت ويكمل علي تمنها او راجل عربيته كويسه وتعرض لضائقة ماليه ومحتاج فلوس فقرر يبيع عربيته او حد هيبيع عربيته لدواعي السفروغيره وغيره ومش شرط هايبيعها عشان فيها حاجه وممكن هو يكون كلام اقنعني نظريا لو اني مقتنع اني صعب وجوده في البيئة المصرية او نادر وان اغلب المستعمل بيتباع عشان فيه حاجه ونسبة قليله جدا من المستعمل بتباع عشان الظروف اللي سبق ذكرها لكن الواحد بيقول ان يمكن الحاجه اللي موجوده في العربية المستعمله ديت ومش عاجبها صاحبها عشان كده عاوز يبيعها تكون مقبوله بالنسبة لك لكن ده برده صعب لكن مين عالم يمكن نلاقي مستعمل كويس والعروض اللي هاتتعرض عليا هاعرضها عليكم ان شاء الله ونسمع نصائحكم
|