|
رد: تقرير عن النيوسيراتو أثناء و بعد صيانة الآلف !
8. السيارة تساوى كل قرش مدفوع فيها ! ولا أعتبرها غالية وبصراحة سقتها أسبوع ! عجبتنى ! وسافرت قلقت تانى من كلام المنتديات ! بس لما رجعت وإستعملتها فى الزحمة الشديدة وفى الطوالى ! غيرت رأى نهائياً إلى الإعجاب ! سيادة الدكتور ما كمان السيارة السيات و 128 ... كل هذه السيارات تساوى كل قرش مدفوع فيها - نحن ننتظر من سيادتكم التقييم النهائى للسيارة الناتج عن تجربه فعلية دون اللعب بالألفاظ التى تحمل أكثر من معنى - أنا أسف بس تقييم حضرتك قائم على أن السيارة حلوة لمن يريدها ووحشة لمن لا يريدها. نحن أو أنا كعضو فى المنتدى منتظر تقييم حضرتك منذ فترة وحاجز سيارة نيوسيراتو هاى لاين ولم استلم بعد انتظر تقييم حضرتك للسيارة كسيارة سوف نقودها ومعنا أولادنا. هى عندى أحلى من الإلنترا ولكن إلى شايفة متردد أو يميل للإلنترا بأنصحة يشترى الإلنترا ويريح نفسه من الشك ! وعموماَ أنا مركبتش الإلنترا لمدة تكفى أحكم عيها ! طيب يادكتور معلش انا متأسف يعنى حضرتك لم تقود السيارة إلنترا لمدة كافية يعنى لا تعرف عيوبها أو مميزاتها ومع ذلك بتنصح بعض الأعضاء بشرائها عند المفاضله مع السيراتو هل هذا يعقل. |
رد: تقرير عن النيوسيراتو أثناء و بعد صيانة الآلف !
والله يا دكتور انت حيرتنى اكتر مع انك نصحتنى قبل كده لما سألتك انهى الأفضل الالنترا ولا السيراتو فقولتلى خليك فى الالنترا علشان ابقى برئ من ذنبك .فأنا اكرر سوالى بعد تجربتك مع السيراتو أنهى الأفضل؟
|
رد: تقرير عن النيوسيراتو أثناء و بعد صيانة الآلف !
اقتباس:
بيسألنى ايه الآفضل بينهم ! بمعنى ان كلمتى هيه اللى ح تخليه ياخد قراره ! أنا لا أحتمل ذلك ! يعنى لو أخويا ابن أمى و أبويا سألنى السؤال ده ! ح أقول له اللى شفته من مساوىء و حسنات النيوسيراتو ! وهوه يقرر ! بالنسبه للى قلت لهم اشتروا النترا ! فده بسبب ان كل اللى سألنى بيضع فى سؤاله محاذير أقوى من المطارق فوق رأسى ! يعنى اللى بيقول لى خللى بالك دى كل الفلوس اللى معايا ! و مش عاوز أخسر ! واللى يقول أنا عايز عربيه تقعد معايا 10 سنين بدون مشاكل ؟؟ و هكذا ؟؟ طبعآ دى مسئوليه كبيره ! فى نفس الوقت اللى الالنترا ما حدش قال عنها حاجه غير انها خفيفه ! و أنا ركبتها كام مره كده لا تكفى للحكم عليها ! والسيراتو لسه جديده ما أعرفش بعد 10 سنين ح يكون شكلها ايه ؟ لذلك قلت اللى كل اللى معاه تحويشة عمره و بس أو اللى مايقدرش على مصاريف السيراتو لو جرى لها حاجه أو اللى متردد و خايف و مش قادر يقرر واللى ما بيحبش المغامره ! يخليه فى الالنترا أحسن ! وياريت تقرأ مشاركة أبو نورا فى موضوعى ( صيانة الآلف ) و تقرأ ردودى كلها ! وبالمره تقرأ مشاركة الآخ ( للآسف لا يحضرنى اسمه دلوقت ) اللى اشترى النترا و قال شعر فيها و ده من أسبوعين تقريبآ ! ح تعرف ليه أنا بأقول ايه ؟؟ وتقرر بنفسك ! أنا شرحت تفصيليآ كل شىء على الطبيعه ! حلو و وحش ! علشان يبقى عندى أسباب فى نهاية المقال لما أقول حلو أو وحش يبقى على أساس ! أنا كان أسهل لى بدل كل ده أطلع مقال من كلمه واحده ! النيوسيراتو حلوه أو وحشه ! بس كان ألف واحد ح يسأل حلوه ليه و وحشه ليه ! طب ما نمشى تدريجيآ زى ما أنا عملت أحسن ! والناس اللى سألتنى و رديت عليها همه كانوا مستعجلين ما أعرفش ليه و عايزين اجابه سريعه وأنا شغال فى الموضوع و بعضهم يمكن احتد أو احتج انه مستعجل و هات من الآخر ! وان شاء الله ده ح يكون آخر رد على سؤال من النوع ده ! السيراتو حلوه و عاجبانى بس ممكن ما تعجبش حد تانى ! Dr. Bolbolan :waving: |
رد: تقرير عن النيوسيراتو أثناء و بعد صيانة الآلف !
معلش يا دكتور فيه ناس بتبقي محتاره اوي و محتاجه حد يقولها تروح فين او حتي رأي نهائي وانا كنت من الناس لحد وقت قريب ...
يا جماعه الدكتور قال رأيه الشخصي ... والتقييم النهائي ده بختلف من واحد للتاني يعني انا مثلا راكب سكودا A5 2007 ولما ركبت الالنترا قولت عليها زباله(لكن هيا عربيه معقوله و كويسه) لكن لو واحد تاني كان راكب مثلا شاهين حيقول عليها ممتازه .. انا شايف انها بتختلف من واحد للتاني وده رأيي ... يعني منفعش أقول دي عربيه ممتازه اوي او وحشه اوي لان فيه حد ممكن يقرأ كلامي و يتخذ قراره عليه ودي مسئوليه . الافضل اني اقول العيوب و المميزات اللي انا شوفتها و كل واحد يقرر ان كانت دي مناسبه ليه او لأ ... زي الدكتور ماعمل كده انا اسف علي الاطاله و اسف لو كلامي ازعج اي عضو ده رأيي فقط .. بس حسيت ان الموضوع ده عامل ازمه و خصوصا مع الدكتور |
رد: تقرير عن النيوسيراتو أثناء و بعد صيانة الآلف !
اقتباس:
عايز أدى مثل مشابه لهذا الموضوع وانت أو الآطباء بالذات ح تفهمه ! أنت تعلم ان فيه مدرستين فى الطب ! مدرسه وهى الآمريكيه والانجليزيه واللى فيها بتشرح للمريض حالته وايه المضاعفات وطرق العلاج سواء بالادويه أو الآشعه أو عمليه ! و بتترك المريض يقرر هوه عاوز ايه لآن دى حياته ! و المدرسه المصريه المهلبيه الفهلويه ان العيان جاى لك بمغص بسيط وانت تقول له انت عايز عمليه فورآ والا ح تموت و ان ماكنتش تعملها عندى ح تروح فى داهيه لآن الدكاترة التانيه حمير ! ولو حاول المريض يسألك أو طلب منك تشرح له ! طبعآ انت مش فاضى للكلام ده ! وللآسف الناس اتعودت على كده و استسهلت انها تسلم رقبتها لشخص آخر بدون سؤال ولا كلام ! و هوه ده اللى ماشى فى البلد ! الناس لاغيه تفكيرها وسايبه غيرها يفكر لها ! عمومآ أنا من المدرسه الآولى ! و طول عمرى أقول للمريض الحقيقه كاملة ولا أتلاعب فى الآلفاظ كما يدعى البعض ! بس الكتابه لها طرق بلاغيه قد لا يدركها البعض ! أخيرآ شكرآ جزيلا على توضيحك و محاولة رفع العبأ النفسى عنى ! Dr. Bolbolan |
| الساعة الآن 10:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017