رد: الفضل ليكو جميعا - باركولى اشتريت لانوس 2010
 

الاخ العزيز الف الف مبروك على السياره الجديده
الله يباركلك فيها
انا كنت ناوى اشترى اللانوس 2010
بس فى ناس كتير قالت لى ان استلام السياره بيتاخر
هل لو جبتها بالتقسيط استلممها علاتور ولا هتتاخر
ارجو الرد سريعا
k_1777@hotmail.com

رد: الفضل ليكو جميعا - باركولى اشتريت لانوس 2010
 

تأخير التسليم بسبب ارتباط شركة المنصور بمشروع التاكسى الجديد
لذلك فان تسليم السيارات الملاكى يأخد بعض الوقت حسب الالوان المطلوبة فى الحجوزات
مثلا : الاسود موجود على طول - لكن بعض الالوان قد تتأخر حسب خطوط الانتاج

حاول تسأل فى المعارض وعند الموزعين وشوف الالوان المتاحة
وغالبا اجراءات التقسيط هيه هيه عند كل الموزعين مثل المصرية - سمير ريان ، لكن تأكد من سعر الفايده وكافة المصاريف المطلوبه للتعاقد .

ونصيحة : احتفظ ببعض السيوله الماليه فى يدك (حوالى 5 الاف ج ) مش تدفع كل اللى معاك مقدم
هذا المبلغ ضرورى لسداد الاتى : بوليصة التأمين حوالى 2500ج + م الترخيص + شراء غطا للسيارة وطقم فرش ودواسات وبعض النثريات الاخرى .

رد: الفضل ليكو جميعا - باركولى اشتريت لانوس 2010
 

الف الف الف مبروك ياباشا
وياريت تقولى عن استلام السياره هل يكون علاتور ولا بتاخد ايام على استلامها
لانى ناوى اشترى لانوس 2010 وفى ناس قالت لى ان السياره بالحجز لان الطلبات عليها زياده
نظرا لوجودها فى مشروع التاكسى الجديد
وبرجاء صور داخليه للسياره

رد: الفضل ليكو جميعا - باركولى اشتريت لانوس 2010
 

الف مبروك وربنا يباركلك فيها ويعطيك خيرها ويكفيك شرها.

رد: الفضل ليكو جميعا - باركولى اشتريت لانوس 2010
 

بالظبط كده مشروع التاكسى هو السبب فى طول فترة التسليم حيث ان اولويات طاقه خطوط الانتاج للتاكسى
لذلك تجد ان اللون الابيض هو اكثر الالوان المتاحة ( طبعا ماحدش هيشترى الابيض بعد مابقى تاكسى مع انه من اقيم وارقى الالوان فى العربيات - منهم لله )
لكن بعض المعارض عنها مخزون من بعض الالوان - ولو لون مش موجود هتستنى شويه وانت حظك
فترة التسليم حوالى شهر عند منصور

اعتذر عن عدم وجود صور للسيارة ( ماصورتهاش والله) - لان كلنا عارفين شكل اللانوس كويس
لكن لو حضرتك مصمم - اوعدك هاصورها فى اقرب فرصه ( يمكن استغل اجازة نص السنه وافسح اسرتى شويه - هاشوف اى مكان كويس يبقى باكجراوند للعربيه واصورها صورتين كويسين )