رد: مجرد فضفضة فى زمن الإخوان
 

رد: مجرد فضفضة فى زمن الإخوان
 

جزاك الله كل خير

والله أنا قرأت مشاركته اللى قولنى فيها كلام ماقلتوش أصلا وسلسلة الأعمال اللى بيقول عملها وهى لم تتعدى الورقة والقلم كلها ، ومشاركة الأخ اللى بيطلع إشاعات على توظيف الإخوان(بالرغم إن أخى وأصدقاءه إخوان وفى جيوبهم كارنيهات الحزب وجامعيين ومش لاقيين شغل أصلا) ، ومشاركة الأخ التالت اللى إيده تعبته من الكتابة وكل الكتابة محض إفتراء.

بس للأسف لقيت مشاركاتهم إما شتيمة وسخرية أو كدب وإفتراء ..........وفى كل الأحوال (لا تعليق) لأن واضح كرههم الشديد للإخوان وكأنهم ماصدقو لقو حد اتفشو فيه وأنا مش متعودة أنزل للمستوى ده من الحوار.


أحب أضيف توضيح للساخرين........... لجنة البر (اللى بتفرق زيت وسكر وملابس مستعملة وأرز ومكرونة و شهريات للأرامل والمطلقات والأيتام............... وغيرها من الأعمال الخيرية) عملها مستمر طول العام ومن سنة 1928 كمان
مش حيجو أيام الإنتخابات ويقطعوها عن الغلابة ويجوعو الناس اللى متعودين على المساعدات دى عشان المتربصين للإخوان وبيعدو عليهم أنفاسهم.

وفلوس لجنة البر من جيب الإخوان نسبة ثابتة من مرتب كل أخ شهريا وما افتكرش كتير من الناس يقدر يطلع من قوته وقوت عياله فى ظروف البلد الصعبة دى إلا لو كان مستشعر الأجر وعظم الثواب ويكون فعلا حاسس بالفقراء مش بيتاجر بحوائجهم زى اللى عمالين يقولو الفقراء كتير ولو سألته الصدقة يبخل بالجنيه حتى.

إن للإخوان صرح كل مافيه حسن
لا تسلنى من بناه إنه البنا حسن

يلا اللى عايز يقطع من كلامى ويعمل اقتباس عشان يستهزأ بالكلام ويشتم يتفضل
"حسبى الله ونعم الوكيل"

رد: مجرد فضفضة فى زمن الإخوان
 

انا اعرف ذكام المال او الدخول و المزروعات و الدهب لو كميه بتبقي سنويه او في موسم الشيء .,,,. هنقول لو الجزء بتاع المرتب صدقه و اعتقد ان الازهر و الجمعيات الشرعيه المترخصه ( عشان قلب الواحد يبقي مطمأن انها هتصرف علي ايتام ) اولي و اضمن و مش هتكون شهريه اجباريه ( اتاوه و لا هو عمل الخير بالعافيه ) .!!!!!!!!!!!!!!!.
SLAM

رد: مجرد فضفضة فى زمن الإخوان
 

Om Omar .,,,.
ezzat2002mo .,,,.
:CHUBBY~36:

رد: مجرد فضفضة فى زمن الإخوان
 

مع احترامى للناس المؤيدين للرئيس مرسى
المعارض مقلش انه يخلى البلد امريكا بس الجواب بيبان من عنوانه بيبقى فى خطوات ايجابيه بتحصل عشان بعد كده نقول ان الراجل ده كويس
وزكمان البيقول ايام حسنى مكنش حد بيكلم لاء كان فى ناس بتكلمو كون حضرتك مكنتش بتشوف صحف الاحزاب ديه مش مسئوليه حد او على الاقل مكنتش بتتفرج على برنامج واحد من الناس الكان بيطلع يشتم فى المسئولين
امن الدوله كان بيمسك الاخوان ويسجنهم او يعذبهم زى مبتقولو لكن دلوقتى التصفيات الجسديه شغاله خصوصا لى ادمن اى بيدج ضدد الاخوان ده غير السحل البقى عينى عينك
وطبعا الشركات العماله تقفل والمصانع البتمشى العمال
لو الثورة ديه ناجحه على الاقل كنا فضلنا على نفس المستوى مش الحال باظ وادهور
امال فين فلوس القناه ومناجم الدهب والصناديق الخاصه
ده غير المرتبات البيقولو انهم ذودوها بس فى الاخر صافى المرتب قل عشان ذودو الخصومات ده مع ارتفاع الاسعار
من الاخر الايام الجايه ربنا يستر وميحصلش ثورة جياع