مصر موتورز مجتمع السيارات - @ لا تقولى فيرنا و لانوس ولا افيو و اكسنت .. اللوجان فوق الجميع @

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: @ لا تقولى فيرنا و لانوس ولا افيو و اكسنت .. اللوجان فوق الجميع @

ههههههههههههههههه كورسير براحة على الراجل بس هو ميقصدش هو بس فرحان بعربيته ومش واخد باله بيتكلم على ايه اما بالنسبة للاخ رينجو فانا بس كنت عايزو اقوله حاجة رفيعه هو كمان ((انا نازل من اوكتافيا فوركاملة + مثبت سرعه2008 )) وبعتها لظروف اقتصاديه دغير انها قرفتنى بالاير ماااس والبتاع المربع دة اللى اسمه مش فاكره هو فان كنترول يعنى بتاع المراوح كان تمنه استعمال 700 جنيه غير تركيبه وكمان التكييف مش على اد كدة بس طبعا عربيا استيبول رهيييييييييييب وانا اكتر واحد فيكم ااكد الموضوع دة لانى بسافر من اليكس لشارم في الشهر اكتر من تالات مرات ذهاب واياب والطريق على فكرة استعراضي لمكانيات العربيا وقوتها بسراحة انا كنت مسميها الجاموسة دة غير انى لو سندت بيها على ميكرو باص او نص نقل هما اللى هيزعلوا انا حزنت عاليها لما نزلت منها بس الحمد لله انا معيا دلوقتى فيرنا وبقالها معايا سنة ونص وعمرها مدخلتنى لميكانيكى ولا عطلت بيا ولا كسرت بخاطرى وانا بشد مع الفيل ابو زلومة نفسه ((محدش يزعل جماعةانا بهزر)) بجد عربيا محترمة
[/quote]

لو الفيرنا زى ما بتقول كويسة معاك لمدة سنة ونص فده مش وحش
لكن صدقنى قليل جدا اللى الفيرنا معاهم ماشية تمام
اقولك انا مثال صغير
انا بشتغل فى شركة ادوية وعندنا عربيات بماركات مختلفة
من 3 سنوات اشترينا 4 فيرنا وواحدة ماتريكس و 2 اوبترا
الفيرنا عاملين من 0 الى 80 الف كيلو لكل واحدة على حدا
اما الماتريكس فعملت 135 الف لوحدها .. والاثنين الاوبترا مكملوش 20 الف كيلوا لان اصحابهم فى مجلس الادارة واستعمال خفيف ومحترم وابن ناس
العربيات الفيرنا الاربعة اتغير فيهم حاجات كثير .. لكن بالامانة الموتور لسه معقول .. ما عدا واحدة شكلها داخلة على عمرة
اما الماتركيس فاللهم صلى على النبى .. ميتحكيش عليها .. ماشية زى الساعة
واعرف ناس كثير بيشتكو من الفيرنا
وقليل جدا جدا لما الاقى حد بيشكل فى الفيرنا
اللى بيشترى دلوقتى بيروح لللانوس قبل الفيرنا
لكن اللى بيحسبها بعقل ويجمد قلبه بيروح على اللوجان
وخلال سنة بس كل الناس هتروح على اللوجان عندما تتاكد من قوتها بعد الت 60 الف كيلو
ولك خالص تحياتى

رد: @ لا تقولى فيرنا و لانوس ولا افيو و اكسنت .. اللوجان فوق الجميع @

اقتباس:

المشاركة الأصلية كتبت بواسطة moslem2 (المشاركة 156993)

فى ايه ياجماعه انتوا بتتخانقوا ومقطعين بعض ليه ؟؟الموضوع ابسط من كده

اى سيارة فى الدنيا ليها مميزات وعيوب والمميزات والعيوب دى نسبيه بتختلف من واحد

للتانى حسب استخدامه ايه للعربيه وهو بيتطلع لايه فى العربيه يعنى انا واحد من الناس كل الى يهمنى فى العربيه هو سهولة الصيانه وقلة الاعطال وتوافر قطع الغيار وارتفاع سعر اعادة البيع وانا كنت مأجر فيرنا سافرت بيها من المنصوره لاسكندريه وكانت كويسه يعنى حلوه على فلوسها بس طبعا مش هقارنها بعربيتى القديمه فورد فوكس مع انهم نفس الفئه 1600 سى سى صالون والنيو اكسينت عربيه ممتازه ومتقدمه مقارنة بالفيرنا هى اكسينت قديمه اصلا وبا لانوس الى هى اوبل قديمه بس الاتنين دول ثبتوا نجاحهم فى مصر كسيارات ناجحه واقتصاديه واللوجان صعب نحكم عليها دلوقتى بس وربنا يبارك فى عربية كل واحد وتبقى عنده احسن عربيه فى الدنيا

الترتيب

نيو اكسينت

فيرنا

لانوس

والافيو فاشله

اللوجان كويسه بس لسه بدرى للحكم عليها

كلام جميل ومحترم .. وشكرا لمرورك

رد: @ لا تقولى فيرنا و لانوس ولا افيو و اكسنت .. اللوجان فوق الجميع @

اقتباس:

المشاركة الأصلية كتبت بواسطة Ahmed_lol2007 (المشاركة 157006)

اولا الف مبروك ياباشا على العربية الجديدة وربنا يديك خيرها ويكفيك شرها
ثانيا اسم الموضوع مفيهوش أى مشكلة (وجهة نظر)
ثالثا أنا شايف إن كل الناس عمالة تنفخ فى الفيرنا (مش عارف ليه) مع العلم انها متور بس
ودى أنا متأكد منها رغم أنى مشتريتش ولا عربية فيرنا بس كنت تدريب فى الشركة بتاعت غبور
والف مبروك لصاحب العربية تانى ومتنساش تدبح حاجة عليها او تطلع حاجة لله عشان العين
وربنا يبارك لك فيها

الله يبارك فيك يا ريس .. وربنا يخليك
هذبح باذن الله بس ربنا يعديها على خير لحدما نذبح يارب
والحمد لله فى ناس زينا شايفة الفيرنا صح

رد: @ لا تقولى فيرنا و لانوس ولا افيو و اكسنت .. اللوجان فوق الجميع @

اقتباس:

المشاركة الأصلية كتبت بواسطة hazem_khidr (المشاركة 157000)

الف الف مبروك و ربنا يديك خيره او يحميك من شرها
اظرف حاجه في الموضوع ان الناس بدأت تتخانق مع بعض و صاحب الموضوع الاساسي
مش بيرد علي حد:)
انا مش شايف في عنوانه حاجه بصراحه لان الراجل شاري حاجه و معجب بيها
و رغم انه معجب بيها و مفضلها عن دا كله
كاتب مميزات و عيوب بمنتهي الحياديه
ارجو من الجميع ضبط النفس و عدم الدخول في مهاترات ليس لها اي داعي

اهلا يا غالى .. الله يبارك فيك
موجود يا ريس حاليا .. ومعلش بقى كانت ظروف حالة وفاة طولت معايا قوى
ولك خالص الشكر

رد: @ لا تقولى فيرنا و لانوس ولا افيو و اكسنت .. اللوجان فوق الجميع @

اقتباس:

المشاركة الأصلية كتبت بواسطة bmkbmk (المشاركة 157011)

ربنا يبارك فيها يا باشا و يديك خيرها و يكفيك شرها

الله يبارك فيك .. شكرا لك