|
رد: B M W قبل و بعد ....!!!!
مع احترامي للجيمع
معظم الناس مكونه فكرتها عن العربيات من النت وهي ممكن ما تكونش ركبتها قبل كده لما بتيجي مقارنه في مصر بين الياباني والالماني تذكر علي طول نيسان ومتسبيشي وتويوتا مع ان العربيات ده موجوده بقله في الخليج ما عدا التويوتا طبعا لكن في الخليج اذا ذكر الياباني فهم يفضلوا الليكزس والانفينتي والمازدات والهوندا برده بعد التويوتا طبعا واللي ماشي حاليا الكامري والاكورد وما ادراك بهذا الوحش المسمي اكورد كما اني ملاحظ ان محدش اتكلم عن الامريكي خاااااااااالص في الموضوع مع ان نصف الخلايجه يتشاطرون الفورد كراون فكتوريا والشيفروليه بانواعها ونسينا عمالقة الفورد والجنرال موتورز كمان حاجه اخيره معظم السيارات الوارده للخليج الماني او ياباني او امريكي تختلف اختلاف كلي عن مصر لان الوكيل في مصر بيسترخص من الاخر يعني لو قلت الماني وامان وغيره الوكيل اخره بيجيب abs ووسادتين امان يعني من الاخر منظره عالفاضي وصيانه بربع تمن السياره مع ان اساسا الالنترا الكوري الورق نازله ب6 ايرباج لكن في الخليج الوضع غير والليي بيتكلم علي الراحه والوسع والثبات والرفاهيه جرب اركب كراون فكوريا بس وتعالي كلمني اتمني واحد يكون جرب السفر من مكه للمدينه في العربيات الصغيره اللي بتحمل بالنفر عيل صغير بيكون سايقها علي متين وسايب ايديه كمان هما استعمالهم اشق مننا في العربيات.تفحيط وامركه يعني علي قولتهم بيكرفوها كرف ورغم كده العربيات معاهم بالعشرين سنه علي فكره في الخليج اخر حاجه حيبص عليها الكماليات لانه اساسا مش حيفهم في الكترونيات السياره ولو اهتم الكماليات عندهم يعني جي بي اس وشاشة كمبيوتر متعددة الاستخدامات وبارك سينسور وسقف بانوراما علي العكس احنا في مصر قبل ما بتشتري السياره بنسال هو الكاسيت اوديو ولا ام بي ثري والكماليات عندنا يعني ازاز بالكهربا وسنتر لوك كمان اخرنا في مصر بنسمع عن البي ام والمرسيدس لكن في الخليج فيراري وبورش وجي تي وبوجاتي وطبعا اختنا لامبرجيني ده غير السبور بانواعه والفور باي فور يعني دماغهم غيرنا وثقافتهم مش غلط ولا حاجه احنا بس اللي بنكابر يعني من الاخر احنا في مصر مضحوك علينا تعليق ملهوش علاقه بالموضوع ووالله ما قصدي سلبيه ولا حاجه ولا اقلل من المصريين بالعكس انا مصري وافتخر لكن سافرت بره مصر اكتر من مره واحتكيت بجنسيات كتير من مختلف العالم التعليق هو احنا ليه في مصر فاكرين نفسنا احنا اللي علي الحجر واننا اذكي شعوب العالم وان دماغنا بس اللي صح وبما اننا في منتدي سيارات ححكي عن السيارات كمثال احنا في مصر .... 1_العالم الوحيده ان من اول يوم بيشتري عربيه زيرو بيفكر حيبيعها بكم لأ ده كمان من قبل ما يجيبها بيفكر حيبعها بكم طب يا سيدي هاتها الاول واستمتع بيها وعيش حياتك بيها يا عالم ايه اللي يحصل ما ممكن لا قدر الله حادث وراحت خالص او صيانات متكرره بنص ثمن السياره كمان انا لما 2_احنا في مصر البلد الوحيد ان اللي المستعمل بيكون اغلي من الساره الزيرو في بعض الاحيان من تمن الزيرو الاصلي مع ان في الخليج السياره المستعمله بتتباع ببلاش ده لو حد فيهم اشتري مستعمل اصلا 3_ احنا شايفين ان اننا اكتر ناس بنفهم في االعربيات وسواقتها لمجرد ان اخدتلك نص دايره امركه مع انهم في الخليج اللي بنقول عليهم بدو وبهايم بيمشوا بالعربيه علي عجله واحده وبيغيروا الاستبن كمان وهما ماشين علي عجلتين بس وحبقي اجيب الفيديو http://www.youtube.com/watch?v=4rvAC...eature=related كمان النفر فيهم بيفحط ويمشي بالعربيه بالعرض لمسافه نص كيلو علي الاقل 4_احنا دايما نقول انت فاكرني هندي مع ان الهند بتصنع البي ام والمرسيدس حاليا ده غير اقتصادها وجيشها اللي بقي عنده نووي وبقت من القوي العظمي في العالم حتي الافلام اللي احنا بنعيب عليها سواء اختلفنا علي مضمونها لكن هي الاكثر انتشارا في العالم وصناعتها الثانيه علي العالم بعد هولييوود 5_احنا في مصر اكتر ناس بنقول نكت وبنعيب علي شعوب العالم مع اننا معملناش حاجه في اي حاجه تخيلوا في مشاركه في الموضوع ده بيقول ان اليابانيين اغبيهddd: وانهم مش مبتكرين وانهم بيقلدوا وخلاص تخيلوا اليابان اللي عامله ريبوتات ما تفرقهاش عن البني ادم الحقيقي تخيلوا دول ما بيفهموش حاجه امال احنا نبقي ايه وفي امثله كتير لكن انا قلت كده لييه لان في مثل بيقول ان الشخص الغبي هو اللي بيشوف نفسه اذكي من كل الناس امنيتي اشوف بلدي واهل بلدي الاول علي العالم لكن الكلام ده عمره ما حيتم بمجرد المقارنات فقط والكلام والجدال اتمني الفساد يخرج من مصر ويحل محله العداله والمساواه والاهم الاخلاق تحياتي |
رد: B M W قبل و بعد ....!!!!
اقتباس:
يعنى التويوتا الكامرى 4 سلندر موديل السنة فى الكويت حوالى 5 الف وشوية الى بى ام دبيلو 530 موديل 2007 ب 5200 الف دينار الكامرى وغيرة من نفس الفئة الى حضرتك بتقول عليها اركبها وشوف اذا كنت هتمتع بيها و لا لاء عربية فعلا زبالة فى الكويت انا مسميها عربية البدو مع احترامى للجميع لو انت بتحب السرعة العربية دى فوق 180 رقاصة على الطريق بالنسبة للامركيى هنتكلم على اللومينا s & ls & ltz & ss طبعا اعلا حاجة فيهم الى اس اس العربية دى اسمها مقبرة الشباب موتور قوى بيجرى بجنون بس تعالى بقى وقف العربية غير دايما مشاكل كتييييييير فى الجير بوكس وسيستم البريك بتعها وحرارة ومشاكل كتير جداجدا انا كان معاياة كمارو اس اس والله العظيم كنت اة بستمتع بالجرى و الاستعراض بيها بس بعد ما بخلص لازم تتشال وعلى الميكانيكى عاطول والكابريس نفس النظام اشتريت نسيان ماكسيما بامانة ربنا من احسن العربيات الى ركبيتها فى حياتى بعد ال بى ام دبليو دلوقتى وكرايزلر اس ار تى كانت معاياة فيها مشاكل دلوقتى دودج تشارجر الكل شايفها انها عربية تقيلة على الطريق والله العظيم شكل بس انا نزلت بيها مصر كنت ماشى 220 بيها الهوا كان بيحدفها يمين وشمال الماكسيما كنت بقفل بيها 260 عمرها ما كانت كدة البى ام دبليو ام 5 موديل 2000 قفلت بيها 280 العربية ماشاء الله عليها تحفةةةةة من غير كلام ال 530 موديل 2007 جميلة جداجدا فى الثبات والسرعة سيبك من الخليج وهما بيبفكرو فى اليابانى والكلام دة مصر لبنان سوريا معروفين انهم بيعشقوا الالمانى ودة الصح فعلا يعنى انا لو فى مصر ومعاية 80 الف جنية انا مستحيل اروح ادفعهم فى عربية موديل السنة من العربيات الورق الى فى السوق انا ممكن اجيب بى ام دبيلو قيدم واظبطها انا على مزاجى وهتتطلع احسن من اى عربية جديدة من حيث السرعة والقوة الثبات |
| الساعة الآن 05:39 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017