مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

اقتباس:

المشاركة الأصلية كتبت بواسطة miam0502788391 (المشاركة 583953)

انا جربت الاسا التركى والسبكترا الاندونيسى
الاسبكترا عحبنى اكتر حنين فى المطبات وبعدين ارخص من اللاسا رغم انه سرعة اعلى
الباقى بصراحة معنديش خبرة فيهم

يارب تكون بخير يا دكتر محمد

سرعة اعلى ازاى ؟
وهل الاسكبترا فى الفرامل حلو معاك يا دكتر واخبار ثباته ايه
انا سمعت ان قوة تحمل اللاسا عالى
و اي فيهم عمره الافتراضي اكتر ؟ والمفروض اصلا يتغيير كل كام كم ؟
ما رايكم ؟ لانى محتار جدا
متابع معاك يا دكتر
للافاده العاجله وشكرا جزيلا

رد: رابطة مالكى الاكسل

اقتباس:

المشاركة الأصلية كتبت بواسطة toto_hoho82 (المشاركة 582988)

عندى استفسار اخر واتمنى الا اكون اثقلت عليك وهو :-
وجدت خلف خزان زيت الباور علية فيوزان ومرسوم عليها بعض الرسومات مثل المروحة وخلافة وداخل الصالون اسفل باب السائق غطاء به فيوزات ايضا ما وظيفة كل منهما وما الغرض من فصلهما كلا فى مكان

اخويا ابو قاسم من منتدى نايل موتورز تفضل مشكورا بالرد على ولان مافيش حد رد على فى هذا الموضوع فانا توقعت عدم دراية اى عضو للاجابة لذلك نقلت لكم اجاباتة وهى كاتى :-
انا كاتبلك على الفيوزات ارقامهم على الطبيعه علشان تربط مبين الرسمه والواقع
1- مروحه السخان/التكييف الداخلية (اللي في التابلوه)
2- فتح الشنطه من الداخل
3- الانتظار
4- لمبات الفرامل / و برضه تشغيل العربيات الأوتوماتيك
5- لمبة الصالون/ مفتاح التكييف/ الساعه / الراديو
6- سخان الزجاج الخلفى / وحده Time and alarm control unit
دي بتكون موجوده في العربيات المستورده من الخارج
7- التكييف
8- الزجاج الكهربائي(لو الكهربائي هو اللي مركبهولك ممكن ميكونش شغال(ده بتاع الفابريكه*))
9- فتحه السقف(مشوفتهاش ابدا ) /كاتاوت الأضواء الأمامية
10- المساحات الأماميه/ رشاش المياه الأمامي/ ومفتاح الأوفر درايف (اوتوماتيك)
11- المساحه الخلفيه / الرشاش الخلفى
12- هو فاضي في ستيكر العربيه بس في كتيب الصيانه (workshop manual) مكتوب انه بتع الزجاج الكهرباء برضه وقيمته 20 امبير
13- نور التابلوه للفانوس الخلفى شمال
14- نور التابلوه للفانوس الخلفي يمين /فانوس الشبوره الخلفى (عمري ما شفته برضه)
15- الراديو / و وحده التحكم في الجيربوكس الأوتو
16- ولاعه السجائر
17- لمبات الرجوع للخلف/ لمبات الأشاره/ نور التابلوه/ ووحده قفل المفتاح في الكونتاكت(للاوتوماتيك)

رد: رابطة مالكى الاكسل

اقتباس:

المشاركة الأصلية كتبت بواسطة waelsalah (المشاركة 584069)

الاسبكترا 82H يعنى بيتحمل سرعة حتى 210 كيلو اما اللاسا فكان 82T يعنى بيتحمل سرعة حتى 190 كيلو
العمر الافتراضى دى مسألة حظ ونصيب يعنى لا تضعها فى الحسبان لأن انت ممكن تشترى كاوتش ويدخل فيه مسمار وتمشى على العجلة وهيه مهوية وانت مش واخد بالك فينكسر السلك الراديال وتبوظ وهى لسه جديدة وممكن عجلة تانية تفضل معاك الى ما شاء الله من غير ما يدخل فيها مسمار

تغيير الكاوتش تقريبا على حد علمى كل 50 الف كيلو

رد: رابطة مالكى الاكسل

السلام عليكم
كان عندى شوية استفسارات كده وكويس ان الرابطه من المنصوره علشان الفايده تكون اكبر
1- بالنسبه لصوت تدوير العربيه احيانا بتزعق كده ومش بترضى تدور ولما بهز الدبرياش بتدور الناس هنا قالولى تعايشى معاه بس كنت عايزه اعمله يتعمل فين عند كهربائى مثلا ولو حد كويس ويتكلف كام تقريبا
2- بالنسبه للاشارات اللى هى موجوده فى التابلوه تحت العدادات مش بيشتغل فيها الا بتاعت النور العالى و البطاريه و الاتنين اللى على شمالها لما باجى ادورها فده طبيعى ولا المفروض الاشارات التانيه تشتغل فى ظروف معينه ياريت برضه لو محتاجه حاجه تقوليلى فين و بكام
3- صوت الكاسيت عباره عن وش عالى جدا مغطى على صوت الحاجه اللى شغاله وتقريبا السماعه اللى قدامى شمال بس هى اللى شغاله رغم ان فى واحد يمين وتلاته ورا ياريت برضه لو محتاجه حاجه تقوليلى فين و بكام
طبعا العربيه اكسيل 97 وفى المنصوره
اسفه انى طولت عليكم بس معلش علشان لسه جديده واى حاجه بخاف تكون مشكله كبيره

رد: رابطة مالكى الاكسل

اقتباس:

المشاركة الأصلية كتبت بواسطة toto_hoho82 (المشاركة 586480)

ربنا يبارك فيك وشكرا لذوقك وأي خدمة يارايس معاك اخوك ابوعامر اللي
هو برده ابو عاصم هههههه:w6w200504112206346 3 مش ابو قاسم ههه

رد: رابطة مالكى الاكسل

اقتباس:

المشاركة الأصلية كتبت بواسطة نودلز (المشاركة 587166)

العداد ممكن يتصلح او الاحسن تجيبه استعمال ثمنة في الحرفيين في القاهرة 150 عند واحد اسمة ابو رامي