رد: متوسط اسعار المستعمل هذا الاسبوع
 

يا د / تامر أنا متحير ودماغى مش مريحنى. أنا هشترى عربية هيونداى لافيتا اللى شبة هيونداى متركس من المنطقة الحرة بكرة. أنا شوفت عربيتين اليوم ومتحير بينهم وعاوز رأيك وخبرتك

العربية الأولى 200 ألف كيلو كلها فبريكة وفيها نظام ABS المانع للأنزلاق وكمان نظام TCS لتوزيع الضعط على الفرامل - وكرسى السائق فية بكرتين للتحكم فى ارتفاع الكرسى- وكمان فى لمبة للسائق واخرى للصالون - وجسم العربية فيه شوية خدوش وأحتكاكات ولكن مفيش تطبيق فى الصاج ولا الطلاء متقشر- الكاوتش عادى - وفيها تكيف وبور ستيرنج وزجاج كهربائى للاربع أبواب - سمنتر لوك.. بإختصار العربية فيها كمليات كتيرة بس أستعمال شديد وإهمال مأثر على البوية والظاهر السواق كان مبهدلها شغل شوية ( العربية دى ثمنها 39 الف جنية من بوق التاجر)

العربية الثانية عادة يعنى مفيش فرامل ABC ولا نظام TCS والكرسى ثابت مش متحرك ومفيش نور للسائق ولكن العربية عاملة 73 الف كيلو بس والبوية بتاعتها تمام وفيها جنوط سبورت حلوة رفعة العربية شوية وشداها يعنى المنظر حلو بس الكمليات مفيش. ( العربية دى ثمنها من بوق الراجل 40 الف)

لو أنت مكانى تعمل اية . انا هاخد ميكانيكى بكرة للكشف عليهم علشان البارومة وكدة لان عينى مش لقت بارومة فى الأثين. الأثنين هيونداى لافيتا مستوردين صناعة كورى وسنة الصنع 2001 . اختار ايهما اللى شكلها حلو ومستعملة اقل ومفيهاش اوبشنز كتير ولا أختار اللى فيها الكمليات ولكنها اقل فى المنظر ومتجرحة شوية وبدون جنوط سبور.


ساعدونا أنا فى حيرة وامامى حتى الغد
<!-- / message -->

رد: متوسط اسعار المستعمل هذا الاسبوع
 

رينوميجان 2007
1600 سى سى
64000 كم
كاملة ستبترونيك جميع الكماليات ماعــدا فتحة السقف
جنوط سبور
أوكر نيكل
مرايات ضم حساسات مطر و اضائة
الشكل الجديد
السيارة فابريكة بالكامل بره وجوه

رد: متوسط اسعار المستعمل هذا الاسبوع
 

اخونا د/ تامر رجاء الرد لانى بفكر أعرض العربية للبيع وعايز أعرف تمنها بالتقريب من حد ثقة زى حضرتك

رد: متوسط اسعار المستعمل هذا الاسبوع
 

السلام عليكم وكل سنة وانتم طيبين
والله انا متحير جدا كنت عايز اعرف مصاريف نقل الملكية لعربية اسبيرانزا 516 موديل 2007
وكنت عايز اعرف مصاريف ترخصها 3 سنين كام لانى كل اما اسأل حد يقولى انه مرخصها بفلوس مختلفه عن التانى وهل انا ممكن ارخص العربية بأسمى من غير عقد مسجل لان بيقولولى ان هيكلف 800 جنيه وهل المبلغ دا مظبوط
اسف ولكن ارجو الرد
وجزاكم الله خيرا
<!-- / message -->

رد: متوسط اسعار المستعمل هذا الاسبوع
 

يا جماعة اولا سلام عليكم و رحمة الله و بركاته ،،،

انا كنت عايز اشتري فيرنا موديل 2004\2005\2006 اتوماتيك - كاملة حالتها جيدة جدا او لانوس نفس الموديلات و كنت عايز اعرف في حدود كام يا دكتور تامر ؟؟؟ و لو ادامك حاجة كويسة يا ريت تقولي عشان باذن الله عايز اشتري واحدة