مصر موتورز مجتمع السيارات

اقتباس:

المشاركة الأصلية كتبت بواسطة خالدخليفة (المشاركة 231730)

معلش انا مش فاهم الحكاية دى تقصد القصب مسكر والا ناشف
ثم ان القصب اللى بيتعمل منه السكر عبارة عن قصب احمر وتخين وطويل وناشف وده من الارض الى المصنع مباشرة ولايجوز بيعه يبقى ازاى شفته فى محل العصير
ومعرفتوش تشربوه ليه كان مسكر جدا والا عليه ليمون كعادة اهل الصعيد والا الكوبايه كانت طويلة جداااااااااا
اى حد يقول لك ان القصب النضيف بيتباع غلطان ولو انت نزلت غيط القصب زى مقلت كان لازم تلاحظ خط سكة حديد صغير بيمشى عليه قطار صغير من الغيط الى المصنع مباشرة ولا يجوز بيعه والقصب مبيكسبش ولكن الفلاح فى الصعيد مجبر على زراعته قهرا وظلما وعدوانا لانه بيتعمل منه افخر انواع السكر وبرضه انت مبتشوفش هذا السكر لانه بيتصدر بره بسعر وبنستورد سكر معفن بسعر تانى من الفليبين وفرق السعر بيعمل شوية دولارات لصالح البلد (قصدى حرامية البلد)
وانا بعينى شفت هذا الكلام فى مصنع جرجا وشفت اللوارى جاية من المينا ومحملة سكر فى اشولة بنى ده بتاع الفلبين ولوارى تانية محملة سكر فى اشولة بيضا وده بتاعنا المفتخر واللى بنصدره لاوروبا

لكن هذا الكلام ليس من سياق القصة ويعتبر حشو عليها فلم أذكره

ياعم خالد فيه قصب ناشف واحمر شوية ده بتاع مصنع السكر ملناش دعوة بيه
فيه قصب تاني اللي ناكله او نمصه او نعصره ده اللي بتكلم عليه
وكلامي كان على الرغم من اننا على طرف الغيط الا ان الراجل مرضيش يدينا منه ودخل جاب من مكان مخصوص هو عارفه قصبه معسل
اما عن القصب في المحل فالناس معرفتش تشربه علشان كان مسكر جداااااااااااااااااااا ومقروش يكملوا كوبايتهم مش علاشن اللمون
لكن اللمون ده عادة بيتحط على القصب لو هتاخده في زجاجة ( رايح للبيت مثلا او واخده في العربية) فبتعصر عليه لمونة علشان لونه ميغيرش ويبقى اسود

اما بقى ازمة السكر اللي احنا فيها فده معروف انه ناتج عن تصدير السكر الابيض للخارج ومبقاش ينزل منه حجاة هنا خااااااااالص لدرجة عندي ابن خالتي هيموت ويدوق شوية سكر منها خصوصا انهم زمان كانو بيجيبوا السكر سايب او سكر قوالب ده على طووووووووووول ويقعد هو يفتري فيه لغايه لما جاله السكر ( هزار طبعا هوه عنده السكر وراثي )

اما السكر اللي احنا بنستعمله الايام دي فهو زي ما حضرتك تفضلت وذكرت اما من الفلبين او من سكر البنجر بتاع شمال الدلتا

لكن انت برضه هربت من الموضوع
فين القصب بتاعنا
ههههههههههههه

يا اما تاخدنا هناك نقعد شهر في جرجا

مش عارف انت هتعمل فينا ايه زي ما تكون اتبنيتنا
من مطروح لجرجا للفطار

اقتباس:

المشاركة الأصلية كتبت بواسطة خالدخليفة (المشاركة 231748)

مقدمة لابد منها

شكلك قريت شخصية مصر اللي بقالي 3 سنين مش عارفه اقراه
هههههههههههههه
اهوا انا كنت عامل زيك ولازلت برضة كل فترة تلاقيني عملت زيك لكن الواحد اتلعست كام مرة بقيت بسمع وافكر وبس

اقتباس:

المشاركة الأصلية كتبت بواسطة خالدخليفة (المشاركة 231781)

المؤتمر الأول ( من أعجب ماسمعت )

بالشفا للهارد اي خدمة
لازم يعني تعمل فيها بارم ديله ومفيش حد يقدر عليك اديك شربت 700 جنية ع الفاضي
بس فعلا رقم فكرة ارقام الاي بي صحيح لكن مش بالصورة اللي هو قال عليها
كل كمبيوترعلى الشبكة له رقمين
الأول هو رقم الاي بي وده موجود في المازر بورد وفيه اكواد معينه كل مصنع ملتزم بيها علشان ميحصلش تكرار
التاني رقم الشبكة او الشركة اللي انت داخل منها وده بيضيق نطاق البحث في حاله حدوث مشكلات او طلب متابعه حد
لكن المراقبة مش بتتم بالصورة اللي وصفها وال بقى يبقى كل العالم بيراقب كل العالم ( على رأي عادل امام لو كل واحد ساكنه معاه واحده بترقص البلد كلها هتنام في الشارع )
نظام المراقبة بيكون ازاي
فيه برامج خاصة بالمراقبة والبرامج دي على درجة عالية من التقنيه والسرية بيتخزن فيها كلمات دلاليه ، طبعا للأسف نص الكلام دي متعلقة بالاسلام لان صورة الاسلام في الغرب مشوهة جدااااااااااااا
الكلام الدلالية زي ايه
( القاعدة ، طالبان، العراق ، التفجير ، قنبلة ، سلاح ، دبابة، ........ إلي اخر قائمة طويلة من الكلام وكل كلمة بتسجل في البرنامج المستكشف ده باكتر من لغه وبالصوت بحيث ان لو حصل حاجة وكلمت اتقالت او تاكتبت بيدي انذار للمراقب علشان يتتبع الخط ده او الموقع ده او الايميل ده
لكن امتى وفين بقى
كل دولة مستقلة بذاتها
لوحدها
بتراقب اللي داخلها والخارج منها بالاضفاه لبعض الاحتيطات الاخري زي ارقام حيابات البنوك لو فيها تعاملات اكتر من 10 الاف دولار يدي انذار بتتبع الشخص صابح الحساب
وغير وغيره وغيره كتير
انا بتكلم في حدود اللي قرته وعرفته
طبعا احمد ممود ممكن يفيدنا في الموضوع ده اكتر من كده بكتير باعتباره متخصص اي تي

اقتباس:

المشاركة الأصلية كتبت بواسطة خالدخليفة (المشاركة 231798)

المؤتمر الثانى (قيمة مصر

يادي الكووووووووووووووووووووور ة
على فكرة انا بكرة الكورة جدااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااا

برافو عليك يا خلود طلعت بتحب التاريخ زي حالاتي بس انا على قدي ياعم
انا متخصص في محمد علي بس
اصله يبقى جدي
ههههههههههههههههه
على فكرة انت لو كنت فتحت معاه في موضوع محمد علي كانت اتخرس ومفتحش بقه بكلمه وهما عارفين ليه

اقتباس:

المشاركة الأصلية كتبت بواسطة خالدخليفة (المشاركة 231803)

بمناسبة تاريخ مصر من اعجب النكت التى سمعتها وضحكت عليها حتى دمعت عيناى (سخسخت من الضحك
كنا نتكلم فى القطار عن الامام الشافعى ومؤلفه (كتابه الذى ألفه ) العظيم فى الفقه الشافعى وهو من اعظم كتب الفقه على الاطلاق وهو كتاب الأم
وبينما نتحدث عنه وجدت رجلا كبيرا
وسأ لته بهزار / انت تعرف الأما م الشافعى ياعم الحاج
فقال بجدية / طبعا انا اتطاهرت فيه زمان
وانفجر كل من سمعوه فى الضحك
(فهو يقصد مسجد الامام الشافعى بالبساتين وكانو يجرون عملية الختان (الطهارة بداخله من اكثر من 50 سنة)

ههههههههههههههههه
بدون تعليق

اقتباس:

المشاركة الأصلية كتبت بواسطة Injection (المشاركة 231841)

أنا بحب المؤتمرات و "المناظرات" والحاجات ديه جدا, علشان بتدى للواحد فرصة أنه يعرف وجهات نظر غيره ويتناقش معاهم ويصحح غلطاتهم.

بس حضرتك فى ردك على المسافر الخليجى, بصراحة أنا شكيت فى نفسى, الرد المكتوب فوق بيمر بأكثر من حقبة زمنية, وفيه معلومات وتواريخ عديدة متهيألى صعب تتحفظ الا من شخص عاشق للتاريخ أو حضرتك أضفتها للموضوع دلوقتى, وأنا أستفدت من المعلومات دى اوى, شكلى هاضطر أراجع على معلوماتى التاريخية تانى.

وحكاية الأمام الشافعى بصراحة تضحك وتزعل, هو فيه حد كده دلوقتى؟

و أبوس أيدك يا خالد باشا بلاش شرح معانى الكلمات ده, مش للدرجة دى يعنى هننسى اللغة, وشكلى ها أضطر أرد على حضرتك بالفصحى بعد كده.

رافقتك( فعل بمعنى صحبتك) السلامة فى موضوعك المبجل(صفة بمعنى العظيم المميز:))

يا انجكشن احنا مبقاش حد فينا عنده استعداد يقرا حاجة
يا اما بنشتغل
يا اما بنخرج يا اما على الكمبيوتر ومفيش حد عنده وقت للقراءة الا ما رحم ربي
والمؤتمرات والمناظرات حلوة علشان كل واحد بيجيبلك خلاصة اللي عنده
زي انت في الامتحان لما بتروح تجيب ملخص او ملزمة فيها الموجز انا لسه هقرا الكتاب كله انا عاوز النقاط الاساسية وخلاص مش عاوز وجع دماغ
هو ده اللي بيحصل في المناظرات ولو فيه معلومة معينة عجبتك وعاوز تتحقق منها او حاسس ان فيها شك بتدور على المعلومة دي نفسها مش بتدور على باقي الحاجة
وبعدين في المناظرات انت بتلاقي موضوع اتفتح وانت مش في دماغه او عمرك ما كنت تفكر انه تعرف عنه حاجة