مصر موتورز مجتمع السيارات - المختصر المفيد في الإلانترا الجديد

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - المختصر المفيد في الإلانترا الجديد (https://www.masrmotors.com/vb/showthread.php?t=71148)

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة HAMADAQ2 (المشاركة 546471)

السلام عليكم جميعا و كل سنة و أنتم طيبين

أتفق كثيرا كثيرا مع أ/abdulkhaleq

من ناحية اننا المفروض نعرف حقوقنا كويس جدا

و من ناحية تانية شايف أن الالنترا كويسة جدا بس مش بالسعر ده

نهاااااااائي دي سرقة و الاكسنت الاربي كمان

ازاي اشتري فئة أقل بسعر أعلي و كمان في عيب خطيييير و أهم من الفرامل سواء في الاكسنت أو الالنترا و هو التعليق الخلفي التوشين بم ده أنتهي تقريبا أحنا بنرجع للخلف يعني الفيرنا و الالنترا القديمة يبقوا دبل لنك و ملتي لنك و بعدين توشين بم طب ازاااااااااي ؟؟؟؟؟؟

و شايف أن فيه حل بسيط أننا نعمل مقارنة عملية و منطقية مع فئة أقل و في رأيي أنها أحسن بكتيييييييييير و هي الفلوانس و تقريبا لو حتي في نفس السعر او الفلوانس أغلي ب 10 آلاف يبقي المقارنة ظالمة فما بالك أنها الأرخص ؟؟؟؟؟ اديني عقلك

و في النهاية تحياتي للجميع مع أحترامي لآرائكوا و نقدكوا :CHUBBY~36:

ألف شكر لمشاركة حضرتك
وموضوع التعليق ده كمان هضيفه للقايمه هههه يالا ماهي كملت يعني جات على دي :)
على فكرة دلوقتي أعلى فئه في الفلوانس ب 150 يعني أرخص ب 10 من الإلانترا !!!
انا مش فاهم ازاي الناس مش مقدره يعني ايه 160 ألف في عربيه فاضيه !!!!!

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة khaabas (المشاركة 546499)

شوفوا يا رجالة انا جربت اليابانى والاوربى والكورى وحتى والله الصينى nononono يعنى من فوق وانتااااااا نازل على راى اعلان الشيفرولية الدبابة ههه الصراحة ومن وجهة نظرى ماحترمتش الا اليابانى والكورى بجميع فئاتهاللى ابتدا يتفوق على اليابانى ويتخطاه بمراااااااااحل :Bravo: وحتى لو كان سعرهم مبالغ فيه لان العربيات ده زى حتة الدهب حافظه قيمتها :1336: ومعمولة لمصر وطبيعتها ودى وجهه نظرى وتقبلوا عظيم تحياتى وكل سنة وانتم طيبين

وانا والله ركبت كل ده بره مصر قبل ما اركبه في مصر:THUMBS~220:
جزئية انها ماسكه سعر سوق فده مش لانها وهميه دي نظرية عرض وطلب لا اكتر ولا اقل
احنا بس منتظرين من حضرتك تشرحلنا من وجهة نظرك وبكلام علمي ازاي الكوري تفوق عالياباني
وكمان ازاي الكوري معمول لمصر وطبيعتها (برضه بشرح علمي مبسط للناس اللي زينا)
وكل سنه وانت طيب وعيد سعيد عليك

رد: المختصر المفيد في الإلانترا الجديد

غبور كان ماشي كويس وبعدين لما نزلت موديلات هيونداي الجديدة استعبط جامد في الفئات وخلى اقل عربية ب 100 الف وحط الاكسنت في فئة الالنترا وطلع الالنترا في فئة تانية خالص .. الالنترا بجد عربية من الاخر بس لو نزلت ب ال GDI وجميع الكماليات ( مش عربي فول لودد ومش كاملة ) مش خسارة فيها 160 الف اطلاقا

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة star over (المشاركة 546695)

والله نشوفها كامله زي الكوري كده وبعدين نتكلم, انما الهبل اللي بيحصل ده .... هقوللك ايه بس ماهو في ناس بتشتري وهيا مبسوطه !!

رد: المختصر المفيد في الإلانترا الجديد

مهو لازم يكونوا مبسوطين يا باشا .. اصل العربيات اذواق برضه .. كل واحد ليه رايه فـ متحتقرش اراء الناس في عربياتهم اللي دافعين فيها دم قلبهم .. مفيش عربية كاملة .. يعني انا ممكن اشتري عربية فيات برافو مثلا بس قابل بقى توكيل زبالة الزبالة وقطع غيار عمرك ما تلاقيها وشوف سعرها في اعادة البيع كام .. السوق هو اللي بيحكمك في حكاية قطع الغيار واعادة البيع .. مثلا انزل سوق العربيات بعربيتين فلوينس والنترا .. شوف دي هيجيلها كام زبون ودي كام .. ودي تمنها هينزل لكام ودي تمنها هينزل لكام .. غصب عنك لازم تمشي ورا السوق

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة star over (المشاركة 546706)

أخي العزيز
مش العربيات بس الدنيا كللها اذواق, وانا ما احتقرتش رأي اي حد بالعكس لو تقرا كلامي من الاول بطلب من الاخوه الافاضل يكلموني بدلائل من العربيه محل النقاش مش ننقسم فريقين والا مايكونش نقاش موضوعي ومحدش هيستفيد
طبعا في توكيلات ممكن تكون أي كلام ومنهم غبور برضه اللي الناس انقسمت عليه ناس شايفاه فل و 100% وناس مش طايقه تسمع اسمه
فانا في بعض الاحيان مضطر امشي ورا السوق ايوه
ومعترف بموضوع اعادة البيع
بس ليه محدش فكر اني ممكن ما الحقش ابيعها اصلا ؟ واني ممكن اعمل بيها حادثه لا قدر الله وساعتها هقول ياريتني كنت جايب عربيه فيها وسائل امان زي البني آدمين (وبنفس السعر) فاهم قصدي ؟ ده دورنا في المنتديات اللي زي دي نوعي الناس ونتناقش واللي يشوف غلط يقوله للناس عشان نغير فكر الناس حبتين ومن ناحيه مانسيبش أي وكيل سواء غبور أو غيره يلعب بينا فاهم قصدي ؟
يعني بصراحه مبدأ اني ادفع دم قلبي في عربيه لا فيها أوبشنز ولا وسائل أمان ولا أي حاجه تحت مسمى انها FULLY LOADED والعربيه فعلا مجرد هيكل عظمي خاوي وأستحمل انا كل ده على أمل إني ياعالم لما اجي ابيعها تكون الى حد ما ماسكه سعر ده بصراحه مبدأ غير منطقي خالص

يعني انا فكرت اعمل الموضوع من بعد ما لفيت على العربيه دي بصراحه وكيل وخليجي ولقيتها فعلا الشبه الوحيد بينها وبين الكوري هو الجسم الخارجي (فقط) غير كده دي عربيه تانيه خااااااااااااالص, فالكلام كان على price over value

وكل عام وانت بخير عيد سعيد :)

رد: المختصر المفيد في الإلانترا الجديد

اقتباس:

هذا الموضوع بناء على خبره شخصيه من اليومين اللي فاتو دول
وده بسبب ان احد اصدقائي (اتهف) في عقله وقرر انه يشتري العربيه الفاشله دي
وبعد محاولات مستميته لاثنائه عن القرار الفاشل ده
فضلت اني ابحث في السوق اكتر عنها يمكن نقدر نجيبله الفئه ال FULLY LOADED
بدل ما ينضحك عليه اكتر ما هيتضحك عليه إن شاء الله

الالنترا الجديده مش فاشله وانا عامل بيها 8000 كيلو لغايه دلوقتي ..صحيح الفولي لودد غاليه اوفر فعلا ... بس بقيت الفئات بتاعتها سعرها ماشي مع السوق

اقتباس:

وجدنا الاتي
طبعا زي ماهو معروف العربيه وكيل و خليجي
سوق الهيونداي بيعمل ايه في مصر (غير انه مقرطس الناس بعربيه فيها حوالي 60 الف جنيه زياده على اللي تستحقه) ؟؟

انا هتكلم علي الفئه بتاعتي سعرها ساعه ما جبتها 128.5 نشيل منهم ال 60 بتوع القرطسه الي حضرتك بتتكلم عليها بقت ب 68.5 نشيل النص جمرك يبقا سعرها تقريبا بقا 34.250
مع ان سعرها في السعوديه نقول 55 الف ريال ونضرب في فرق العمله يبقا تمنها حوالي 82 الف جنيه
مش عارف بصراحه حضرتك جبت ال 60 الف بتوع القرطسه دول منين

اقتباس:

والله خامات رديئه جدا جدا ومفيش أي اوبشن يذكر ولا حتى سيفتي بس كتر خيرهم فيها اير باج واحد يعني الناس هتقطع نفسها ؟؟
واللعبه دي بكام بقى ؟؟ بحوالي 160 تنقص الف في بعض الاحيان لو هتدفع كاش

اللعبه الي ب 160 الف فيها 2 ايرباج مش واحدة... ياريت تشوف مين الي قرطس حضرتك وقالك الكلام ده

اقتباس:

اه حاجه أخيره
العربيه موديل 2011
أرجوكم بطلوا تسموها 2012

العربيه موديل 2012 ورقها بتاع الجمارك 2012 و ترخيص المرور 2012 نسميها احنا 2011 ليه يعني ؟؟؟