|
رد: التريللا
الله ينور عليك يا استاذ /ديزل فعلا موضوع جميل واستمتعت بيه وبشرح حضرتك البسيط جدا
:01FDAB~189: |
رد: التريللا
اقتباس:
العمود الى رابط بين دوبل (الدفرنس) الى ورانى اشكال مختلفة فية من الرفيع وفى الرفيع بقمع فى اخره زى السكانيا وفى الضخم زى بتاع المرسيدس والرينو بتاع زمان اية الفرق ولية العربيات الجديدة كلها اتجهت للرفيع مممكن افهم |
رد: التريللا
و انا كمان الصور مش بتظهر عندى لكن متابع
|
رد: التريللا
والله حتة سكره يا تامر يا عسول شرح جميل ومبسط الظاهر عليك هتخلينى احب سواقين النقل ولا ايه****بصراحه شكرا ليك
|
رد: التريللا
سلامو عليكم
كنت كلمتكم عن عربيات نقل ليها اتنين دركسيون مش طارتين دركسيون لأ دونجلين دركسيون .. فيه واحد هيقولي دا انت كده عقدتها بزياده .... هوا احنا عارفين دونجل يعني ايه لما تقولنا اتنين دركسيون يعني دونجلين ؟ طيب شوفوا الصوره دي هتوضح لكم شويه [IMG]http://www10.0zz0.com/2011/10/16/17/813782743.jpg[/IMG] خد بالك : العجله او فردة الكاوتش اللي قدام دي راكبه على عمود مصمت مافيش جواه تروس يعني او بمعنى تاني حتة حديد عليها تجهيزه من الناحيتين علشان يتركب فيهم الكاوتش اللي قدام وعلشان هوا حته حديده مافيهاش تروس من جوه زي الكرونه الورانيه فسميناها دونجل خليكوا فاكرين الاسم ده علشان هنحتاجه واحنا بنتكلم عن المقاطير بعد كده ماعلينا بص بقى على العجله رقم اتنين من قدام برضه راكبه على دونجل ده غير العجله رقم تلاته واربعه راكبين على دفرنسات او كوارين جمع كرونه زي اللي ف العربيات الدفع الرباعي بص بقى على الصوره دي هتلاحظ الفرق http://www3.0zz0.com/2011/10/12/16/415205924.jpg العربيه دي بدونجل دركسيون واحد قدام والاتنين اللي ورا دفرنسات ف حالة العربيه ام دونجلين بيكون تحكم التوجيه عادي جدا من طارة الدركسيون بتتنقل الحركه للدونجل القدماني العجله الشمال واللي مربوطه بوصله مع العجله اليمين قدام ووصله تانيه للعجله التانيه شمال واللي بتدي الحركه للعجله اليمين ف الدونجل التاني ..... ماعلينا المهم انك تعرف ان الاتنين اللي قدام توجيه بس والاتنين اللي ورا دفع السؤال بقى ليه ؟ ليه العربيات دي معموله كده اقولك بص على مكان الحموله كده ؟ ملاحظ ايه ؟ خد بالك ان الصندوق او الخلاطه اعلى من الكابينه والحموله بتبقى متركزه ورا وفوق ولو حطينا دونجل واحد قدام هتبقى العربيه مش موزونه وممكن تتقلب فقاموا عملوا الدونجل التاني علشان يوزن العربيه الصوره دي لعربيه تانيه قلاب كانت بتجري جنبي رحت مصورهالكم علشان توضح اكتر [IMG]http://www11.0zz0.com/2011/10/16/18/965392485.jpg[/IMG] بكده اكون خلصت الاسئله بتاعت الكومندا والمره الجايه هشوف طلبات الزبون اللي بعده سلامو عليكم |
رد: التريللا
مش عارف اقولك ايه انت حببتنى فى العربيات النقل ده انت هتخلينى ابيع العربيه واجيب واحده العب بيها عندنا فى المنطقه واعمل بيها حظر تجول. |
رد: التريللا
:fun_36_3_16[1]::waving::fun_36_3_16[1]:
|
| الساعة الآن 01:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017