رد: انا من الاغلبية الصامته وعايز اتكلم
 

رد: انا من الاغلبية الصامته وعايز اتكلم
 

يكاد المريب يقول خذوني
ودي معناها انه لما يكون فيه جماعه مشتبه فيهم في جنايه مثلا فالشخص المريب او المتهم الفعلي بيقعد يعمل حركات ويقول كلام يفضح بيه نفسه من غير ماحد يوجه له اتهام صريح
وده نموذج:
أكد محمد عادل المتحدث الرسمي باسم حركة 6 إبريل أن مليونية الامس كانت ناجحة وفي منتهي الانضباط والتحضر وأن ماحدث خارج ميدان التحرير من حرق لإدارة الادلة الجنائية بوزارة الداخلية واقتحام للسفارة الاسرائيلية ومديرية أمن الجيزة هو من ترتيب فلول الحزب الوطني ومبارك
الحركة ستقوم بالإعلان عن المعلومات التي توافرت لديها عن تورط السفارة السعودية في أحداث الأمس خلال يومين بمجرد تأكدها من دقتها مشيرا الي أن السعودية طالما وقفت ضد الثورة وحاولت طرد العمالة المصرية بعد الثورة بالاضافة الي ما فعلته مع المعتمرين المصريين .
يعني الفلول كتير اوي كده ولا الشعب هوا اللي بيكره اسرائيل ولا السعوديه كانت ف العمليه ولا مين اللي عمل ايه ولا مين اللي رايح والناس بتقول عليه جاي ؟
معلش بدون هزار والله نفسي حد يفهمني اجابة السؤال ده ؟
يعني السعوديه هاجمت السفارة الاسرائيلية ولا السفارة السعودية ؟

رد: انا من الاغلبية الصامته وعايز اتكلم
 

رد: انا من الاغلبية الصامته وعايز اتكلم
 

ملخص الموقف بعد 9سبتمبر واعتذار المشير وتأجيل شهادته الى جلسة 25 سبتمبر وتفعيل قانون الطوارئ
كتير من الناس العادية من الشعب اللي باهتم بهم شايفين انه خلاص المجلس بقى امر واقع ولازم نمشي وراه ونسيبه يختار رئيس ومجلس شعب لان احنا غير مؤهلين للديمقراطيه
بعض الناس العاديه غير رايه تماما من التاييد للمجلس العسكري والصبر لحين انتهاء المرحلة الانتقالية وبدأ يهتم بأراء المعارضين للمجلس العسكري وهاياخد الجمب بتاعهم
انا شخصيا بعترف اني مرتبك
و شايف اننا (الشعب)لازم نراجع نفسنا كويس قبل ما ناخد اي قرار في المرحلة دي
دي مرحلة الفتنه اللي بتخلي الحليم حيران

رد: انا من الاغلبية الصامته وعايز اتكلم
 

اقتحام السفارة الاسرائيلية عمل تبرات منه كل القوى السياسية وخصوصا من دعا الى مليونية تصحيح المسار وقالوا من بعد الساعه 6 احنا فصلنا شحن ومالناش دعوه باللي حصل بعد كده
يعني دا عمل وحش مثلا ؟ كله دلوقتي بيتبرا منه؟
طيب ماهوا المجلس العسكري برضه بيقول كده ........ فين الخلاف ؟
طيب اسرائيل عدو ولا صديق ؟ سؤال مكرر وبايخ مش كده ؟
طيب والقوانين والاعراف الدوليه والمكانه بين الدول ؟
اسرائيل لا تعرف الاعراف ولا القوانين ولا المكانه بين الدول
نرجع تاني : يبقى الهجوم على السفارة عمل كويس؟
طيب بنتبرا منه ليه ؟ لما اسرائيل تتبرأ من قتل المسلمين يوميا نبقى نتبرا من تكسير الطوب والزلط اللي هما اساسا بتوعنا واحنا اللي دافعين تمنهم
حاجه معموله بفلوس الشعب والشعب طلع وكسرها ايه المشكله ؟

رد: انا من الاغلبية الصامته وعايز اتكلم
 

مليونية تاني
33 حركة وحزبا يشاركون في جمعة "لا للطوارئ".. ويطالبون بعودة الأمن للشارع
المليونية دي بكرا 16 سبتمبر وفيه ناس مسمينها جمعة اللاءات الثلاث لا للطوارئ ولا للمحاكمات العسكريه ولا لعسكرة الدولة
انا كنت داخل اتكلم في المليونيه وبعدين لقيت كلمه فطت ف نافوخي اسمها اقتصاد المليونيات يعني المصالح الاقتصاديه والتجاريه والمكاسب التي تنتج عن اقامة المليونيات الكرنفالية وربنا ما يجعلنا من قطاعين الارزاق ويرزق الباعه الجائلين بمحافظ جديد يعمل لهم اكشاك ثابته ف اي حته بعيد عن الميدان ساعتها هاتبقى عشرونيه مئويه الفينيه بالكتيييير
وبعدين اهي كلها مصالح يعني مثلا لما يتباع عشرين الف علم مصر شوف كام ترزي وكام محل قماش وكام سريح هايرزقوا وعندك بياعين السندوتشات الكبده وبتوع العصيروقزايز الحاجه الساقعه و بتوع اللب وعندك بتوع القزاز لما يغيروا ازاز العربيات اللي المندسين هايكسروه وكله يرزق
انا مع الاهداف النبيله وراجعوا مشاركاتي تلاقوني قايل من زمان وبقول المجلس مش ناوي يسيب السلطه دلوقتي وهايجيب رئيس دلدول ومجلس شعب متظبط ولكن ....
الهيجان والتهريج والخراب اللي بيحصل ف الشوارع زاد عن حده اوي اوي اوي
اخر ملحوظه حاجه مدايقاني وفارساني فيه نشطاء بيطلعوا ف التلفزيون بيتكلموا عن الثوره كانها بتاعتهم لواحدهم ويقعد يقولك الثوره ويطلع لسانه ف الثاء الثوره ويطلع لسانه والناس واقفه فالميدان علشان المليونيه وهوا ف الاستوديو او على الهوا عمال يدش طيب انزل اعمل طقوس المليونيه وبعدين تعالا اتكلم الدنيا مش هاتطير ولا انت عمال تسخن ف الناس ينزلوا الشارع وانت قاعد ف اللوبيا بتطلع لهم لسانك وعاملها حجه حكاية ال ث(طلع لسانك) وره

رد: انا من الاغلبية الصامته وعايز اتكلم
 

يا شماتته ابله ظاظا فينا...............