رد: اول خطاب لمبارك بعد التنحى ( على قناة العربيه)
 

http://www.facebook.com/RNN.NEWS#!/p...714881&theater


صورة صفوت الشريف بالكلبشات

رد: اول خطاب لمبارك بعد التنحى ( على قناة العربيه)
 

يا باااااااااااااااااااااااا ااااشمهندس سمييييييييييييييييييييييي ييييييييير ارحم مرارتي
فادي بيتكلم عن حاجة و العالم كله بيتكلم عن حاجة تانية خالص!!!!!!!!!!
يا يكون لينا دعوة بغيرنا!!!

يا ريت!!!!!!!!!!!!

عمرك شفت في امريكا دكتور بياخد 2 دولار في اليوم!!! 60 دولار في الشهر!!!!!
و اوعى حسك عينك تقول مستوى المعيشة هناك مختلف - لان مع تعويم الجنيه و سياسة الاقتصاد الحر باقت الاسعار هنا زي امريكا و اغلى!!!
يعني لو كيلو اللحمة في امريكا ب 8 دولار هنا في مصر ب 80 جنية مش 60
لو كيلو السكر في امريكا بدولار و نص هنا في مصر ب 6 جنيه!!!
لو العربية في امريكا ب 10 الاف دولارهنا ب 120 الف جنيه
الاسعار عندنا تعادل الاسعار في امريكا و العالم و تزيد عنها في بعض الاحيان ضعف و ضعفين
لكن المرتبات لا ترقى انها تكون 1/10 من المرتبات هناك!!!!! مين السبب في تدمير الاقتصاد و افقار الشعب؟
انا اقولك مين
اللي يدي لرجال الاعمال 10 ملايين متر مربع ببلاش و يدي للشباب اللي عايز يتجوز 120 متر مربع بتمنهم و زيادة عليهم ( قرعة - وسايط و محسوبية - الف جنيه حجز - انتظار سنة و سنتين قبل الاستلام - بلطجة و عرب و اتاوات في غياب للشرطة و القانون للي بيتغنوا بالامن - اشتراطات قاسية تخلي الشاب بيلف حوالين نفسه من لحظة استلامه للارض - اسمنت ب 550 جنيه للطن في حين ان تكلفته 120 جنيه - حديد ب 8 الاف للطن في حين انه مستورد من تركيا ب 2600 جنيه شامل شحن - ...... )
هوا اللي عمل كده هوا اللي خرب البلد و لعن سلسفين ابوها و خلاها اوسخ من اي بلد تانية في العالم
اقولك مين اللي خرب البلد؟
اللي بيدي للدكتور 140 جنيه مرتب +1 جنيه اعانة اسرة لو متزوج ( اه و الله لو الدكتور اتجوز بيصرفوله 1 جنيه بعد عمل لجنه كمان!!! بموجب قانون من سنة 1919 و لم يتم تعديله حتى الان)
و في نفس الوقت عيل تافه فرفور ابوه من الحبايب يقوم يزنقه في البورصه ياخد 100 الف جنيه في الشهر من مال الغلابة
في امريكا و اللا السعودية زي ما قلت اللي انت ذكرتها الفقير عمرك ما حتلاقيه موظف حكومي او محاسب في شركة او محامي او مدرس كحيان او دكتور او او
حتلاقيه عاطل او متشرد او جاهل و امي او سكير او مدمن او مختل عقليا!!! و اتحداك!!!!
في السعودية اول ما السعودي بيدخل الجامعة بيدوله بدل دراسة حوالي 2000 ريال سعودي
لما بيتخرج و حب يعمل دراسات السفر برة بيبقى على حساب الدولة + بوكيت موني
لو محبش يكمل دراسة و حب يعمل بيشتغل تاني يوم بمرتب 10 الاف ريال للسعودي ( العربي نفس الوظيفة لا يزيد عن 3 - 4 الاف)
لو معجبهوش الشغل او ملقاش شغل فورا بيقعد في البيت و بيصرف له اعانة بطالة!!!
اقول كمان؟
قبل ما تتكلم يا فادي يا ريت يكون عندك خلفية من اللي بتقوله
ولا شيوعية ولا اشتراكية
في حرامية لازم يتحاسبوا
لو عملوا الفلوس دي بالحلال بدون وسايط او استغلال منصب او سلطة او بدون رشاوي يبقى حلال عليهم
لكن لو في فساد لازم يوجد عقاب
و الايام بيننا

رد: اول خطاب لمبارك بعد التنحى ( على قناة العربيه)
 

[لا بد من يوم يظهر فيه الحق

رد: اول خطاب لمبارك بعد التنحى ( على قناة العربيه)
 

يا سيدى انا لا ادافع عن الفساد,
ما حدث فى مصر هو ما يسمى ب"حرق المراحل",
و حرق المراحل يؤدى اما الى سيطرة قوى فاشيستية على الحكم مثل ايران,
أو العودة الى حكم شبيه بالحكم القديم مثل رومانيا,
أو الى فوضى لا تنتهى قبل سنوات طويلة مثل العراق أو روسيا.
و السلام ختام.

رد: اول خطاب لمبارك بعد التنحى ( على قناة العربيه)
 

مفيش شك

فأنا متأكد من هذا

إيه بأه حكاية حرق المراحل دى

والقوى الفاشيستيه

والكلام الكبير أوى ده

بس حاول تبسطلى الكلام وخليه بصوره عاميه

وبلاش صوره فلسفيه لأننى فى أمور السياسه

تقدر تقول

( النبى عربى ...........والبساط أحمدى )

يعنى أنا بأحكم على الأمور من منظور شعبى مبسط

أنا حاسس إن ده إللى ملغبطلك الأمور شويه .............؟

وعاوز أو كنت بتتمنى يعود أو يستمر

عهد حسنى مبارك وأعوانه .......؟

رد: اول خطاب لمبارك بعد التنحى ( على قناة العربيه)
 

الجميع معتقد ان ماحدث في مصر ومن قبلها في تونس والان في ليبيا واليمن وسوريا والبحرين هو من قبيل المصادفه او بانفجار الكبت الشعبي في هذه البلاد او تطلع الناس للديمقراطيه

قد يكون اياً من هذه الاسباب موجوده في اشتعال هذه الانتفاضات

لكن التكتيكات وطريقه المواجهات التي تمت مع الشرطه من يوم 25 الي يوم 28
تُثبت لنا نحن العسكريين علي الاقل ان هذه الاحداث لم تكن ابدا وليدة اللحظه

بل تم لها التخطيط جيدا وجيدا جدا
بل اني لااستبعد ان مايجري الان في الشرق الاوسط هو من قبيل نظرية الفوضي الخلاقه الشهيره

الموضوع كبير وسيتطلب منا وقتا حتي نستطيع فهم وتحليل الموقف الحالي

رد: اول خطاب لمبارك بعد التنحى ( على قناة العربيه)
 

ببساطة,
ما الهدف من الثورة؟!
الديموقراطية؟
هل هناك دولة ديموقراطية فى العالم؟ انها اكذوبة الغرب.
فى كل بلاد الدنيا هناك اشكال من الديكتاتورية المقنعة,
هناك أشكال متعددة من الديكتاتورية, نحن كنا شكلا منها, يعتمد على المال و التربيطات القبلية, و بعض التزوير ربما للوصول الى صيغة الحكم,
و صيغة الحكم فى مصر كانت رئيس عسكرى يدير هو و مجموعة من العسكريين سياسات البلد الخارجية و العليا, فيما يقوم رئيس الوزراء (غالبا من التكنوقراط) بادارة الملف الاقتصادى,
و ما يثبت ان مبارك لم يكن له علاقة بالملف الاقتصادى أن حكوماته انتقلت من اليسار مع الجنزورى الى أقصى اليمين مع احمد نظيف.
مبارك أدار البلاد بحرفية و كسياسى مخضرم,
قارن مع عبد الناصر الذى تحبه,
عبد الناصر استلم بلدا منتعش اقتصاديا, فيه حرية و تعددية و فصل حقيقى بين السلطات,
عبد الناصر و لا تنسوا هذه استلم مصر و السودان معا,
فماذا فعل؟
عندما توفى عبد الناصر كان البلد فى حالة يرثى اليها اقتصاديا,
بلدا محتلا بعد هزيمة عسكرية مهينة!
و الأدهى انه فقد السودان بعد ان تلاعب به الانجليز و اقنعوه بترك السودان لشعبه! ففقد السيطرة على ملف مياه النيل و هو ما نعانى منه الأن.
فى المقابل السادات حرر سيناء, و استعاد هيبة الألة العسكرية المصرية, و أرسى بذرة التعددية و حرية التعبير مرة أخرى, و بدأ فى تحرير الاقتصاد, و لكن بعض الاخطاء السياسية بالاضافة الى طريقته الصدامية شقت الصف المصرى.
مبارك استلم من السادات بلدا يتعرض لفتنة كبرى بعد اغتيال رئيسه على يد جماعات متطرفة, و اقتصاد ملىء بالفساد.
تخبط القرار الاقتصادى قليلا فى البداية, و لكن فى الناحية الأمنية و السياسية أصبحت مصر دولة مستقلة,
كسر مبارك العزلة العربية لمصر و اعادها الى الجامعة العربية, و تحالف مع دول الخليج العربى, و ساهمت علاقاته الجيدة و الوطيدة و فهمه للاحتياجات السياسية بهذه البلاد الى استقدامها ملايين المصريين و تشغيلهم, مما أعاد المليارات على الاقتصاد المصرى.
اهتم مبارك كذلك بالبنية التحتية, و طورها و لأول مرة فى مصر نرى هذا القدر من الرفاهية و هو ما لا توفره دولة عديدة لديها ثروات أكبر من مصر.
يكفى ان خط الهاتف (فى عهد نظيف) يتم تركيبه فى ثلاثة ايام مع عرض خاص عبارة عن خط ثانى مجانى!
و قبلها كنا ننتظر خمس و ست سنوات من اجل تركيب التليفون و الذى كان حلما صعب المنال.
قضى على الارهاب, و سادت حالة من الأمن و الاستقرار, و صنع من شرم الشيخ احدى أفخم و أجمل المنتجعات العالمية.
لأول مرة اصبحت مصر تعتمد فى معظم اقتصادها على القطاع الخاص, حرر الاقتصاد المصرى, و جعله اقتصادا جاذبا للاستثمارات خاصة فى عهد حكومة نظيف, و هو ما تسبب فى المقابل بارهاق الطبقات الفقيرة, لكن معدلات التنمية كانت ترتفع و لأول مرة نرى معدلات تقترب من ال5%!
حكومة الثورة الأن تعيش على ما تم انجازه فى عهد مبارك, و هى تستهلك و لا تطور,
الجهاز الامنى انهار,
الاقتصاد ينهار و مازال يعيش على ما بقى من عهد مبارك,
مصر امامها سيناريوهات مظلمة لأن الدولة شبه منهارة, و لم يبقى منها سوى الجيش الذى لحسن الحظ مازال مسيطرا على الامور,
ببساطة كل المؤسسات انهارت فيما عدا مؤسسة الجيش, و الحمدالله ان مبارك قد طور الجيش عددا و عتادا و تدريبا و قيما و أخلاقا,
و الا لانهار الجيش هو الأخر.
عودة مبارك ليست مطروحة الأن, لا صحته و لا احوال البلاد تسمح بذلك.
أدعو بالشفاء للسيد الرئيس, و لعل خبر محاكمته خير له, و لعل الله ارادها ليظهر براءته امام الجميع, و كل ما اتمناه ان تكون محاكمته عادلة و لا تتأثر بالضغوط الشعبية.
عذرا للاطالة.