رد: اسئله المبتدئين ..عفوا ممنوع الفتى :)))
 

هى مسألة تعود مش اكتر .. يعنى مره فى مره هتحفظ ابعاد عربيك تمام ....

وانا هقولك على فكره حلوة برضو ..

وانت راكن جنب الرصيف بص على الكبوت وشوف حافة الرصيف ظاهرة عند اى مكان فى الكبوت .. واحفظ المكان ده .. وبعد كده حاول تخلى اى عربية هتعدى من جنبها متقربش عليك اكتر من العلامة دى .... ايه رأيك ؟؟ :14369D~149:

رد: اسئله المبتدئين ..عفوا ممنوع الفتى :)))
 

مبدئيا الركنة موازى للرصيف بين عربيتين تعتبر اصعب ركنة وخصوصا لو هنركن على الجنب اليمين ..

وطريقتها كالتالى (على الجنب اليمين) :

هنطلع قدام بالعربية لغاية ما نقف جنب العربية الامامية .. بحيث يكون العجلة الخلفية بتاعتنا جنب الاكصدام الخلفى للعربية الامامية ..

وبعدين نكسر العجل لليمين ونبدأ نرجع لورا .. لغاية لما العجلة الامامية بتاعتنا تبقى جنب اكصدام العربية الامامية ..

وبعدين نكسر العجل للشمال ونبدأ نرجع بحرص علشان منخبطش فى العربية الخلفية ...


ونفس الكلام فى حالة الركن على الجنب الشمال .. مع العلم ان الركن على الشمال هيكون اسهل شوية لسهولة النظر للرصيف من الشباك ....


اما الركن عمودى ده سهل جدا .. مجرد اننا نكسر يمين وندخل فى الحارة اللى هنركن فيها .. بس كده ...

رد: اسئله المبتدئين ..عفوا ممنوع الفتى :)))
 

(مبدئيا الركنة موازى للرصيف بين عربيتين تعتبر اصعب ركنة وخصوصا لو هنركن على الجنب اليمين)
حضرتك كده طمنتنى لان هى دى الركنه اللى اتعلمتها النهارده و عملتها كويس :) :) :)
شكرا جزيلا

رد: اسئله المبتدئين ..عفوا ممنوع الفتى :)))
 

(يعنى جربى حضرتك تطلعى على الاول وتتحركى شوية وبعدين تسيبى البنزين من غير الدبرياج وهتلاحظى ساعتها الـ engain break ...)
غالباهى دى الرجه اللى حصلت للعربيه لمل كنت ماشيه على التانى و سرحت فى الطريق و رجلى خفت من على البنزين لحد ما السرعه قلت خالص و انا ما جبتش الاول ؟؟؟؟؟؟؟؟؟؟

رد: اسئله المبتدئين ..عفوا ممنوع الفتى :)))
 

أفتكر فى وسط البلد الموضوع بيختلف خالص ساعتها الواحد بيدعى للى إخترع الأوتوماتيك و كمان لو فى الصيف بيدعى للى إخترع التكييف
و طبعاً العكس لو العربية مانيوال و مافيهاش تكييف و ياحبذا لو منغير باور كمان و يا سلام لو الساعة 12 ظهراً و ريحة البنزين ماليه العربية ... شعور ممتع إن الواحد يبقى غرقان فى عرقة فى إشارات وسط البلد و فى عز ده كله تقوم العربية عطلانه ساعتها الواحد بيندم أساساً إنه معاه عربية و بيبص للى راكبين الميكروباص فى حسرة
أنا مش بأكره حضرتك فى السواقه بس علشان تحسى بنعمة العربيات الجديدة المكيفة كل ما تركبيها

رد: اسئله المبتدئين ..عفوا ممنوع الفتى :)))
 

رد: اسئله المبتدئين ..عفوا ممنوع الفتى :)))
 

فى الحالة دى ( لو العربية اخذت غيار لا يتناسب مع السرعة او على مطب والعربية كركرت او حسيتى انها هتطفى )
- يبقى تدوسى دبرياج بسرعة
- وتديها الغيار اللى يتناسب مع السرعة