|
رد: نصائح من ضابط شرطه ............
وطالما عارف سيادتك السلاح فين ومع مين بدل م تحذرنا منه ومنهم م تقبضوا عليهم
وخصوصا انك ظابط صغير زى م انت قلت يعنى الكبار عارفين طيب ساكتين ليه ؟؟؟؟؟ والا هنشتغل بقى فى نظام الفزع الفظيع علشان نعرف قيمة الشرطة طيب م احنا عارفين قيمتهم .....كحماة للأمن وللشعب ....ومحدش يقدر ينكر ومهمة أى ضابط شرطة أو فرد أمن فى الدنيا انى ابقى نايم فى بيتى باكل فيشار وبتفرج على التليفزيون ...... وهو ماشى فى الشارع بيحمينى ...... دى طبيعة عمله .....وكل واحد مننا له عمله يعنى بسلامته اللى بيحمينى وانا باكل فيشار فانا ليا شغلة تانيه هو او غيره من اللى بيحرسونا بيستفيدوا منها ...... مين هيبنى لسيادتك شقتك اللى انت ساكن فيها ......مهو مهندس ومقاول وعامل بناء ونجار وكهربائى وسباك وغيره .....ويروحو بيوتهم ياكلو فيشار وينامو ....وانت صاحى مين هيصلح عربية سيادتك ؟؟؟؟؟ مهو الميكانيكى والعفشجى والكهربائى وبتاع البوية وغيرهم ....ويروحو بيوتهم ياكلو فيشار وانت صاحى مين هيجيب لك أكلك اللى بتاكله ؟؟؟ مهو السوبر ماركت والبقال والخضرى والفكهانى والجزار .....ويروحو بيوتهم ياكلو فيشار ويتفرجوا على التليفزيون .....وانت فى الشارع بتحرسنا ومين ......ومين ......ومين وهكذا كل واحد له شغلة وللاسف السادية دى ( التلذذ بتعذيب الناس واهانتهم ) هيا اللى عملت الفجوة بين الشرطة والشعب يعنى منطق الفيشار ده ..... ده نوع من الاستهانة بالناس وبأعمالهم رغم انها مهمة تصور لو الزبالين عملو اضراب لمدة شهر والله كلنا اللى بنحتقرهم وبلا مبالغة هنروح نبوس على رجليهم ييجو يشيلو الزبالة بلاش الكلام على الناس بمنطق الفيشار لان كل واحد له شغلة وشغلة مهمة كمان مش انت لوحدك اللى شغلتك مهمة وكلنا اشغالنا لامؤاخذة |
رد: نصائح من ضابط شرطه ............
كلام سيادتك مظبوط مليون% 444546
|
رد: نصائح من ضابط شرطه ............
وبدأت محاكم التفتيش ربنا يستر كل واحد فرحان بنفسه وبينصب نفسه حكم وقاضي على غيره أشكرك يا أخي الكريم على تحذيراتك وقد يكون من سمع ليس كمن رأى لذلك ستجد الكثير من الناس يشككون في حديثك لكن أنا شخصياً أعلم أن مصر الآن في فوضى فظيعة ولو لم يرحمنا ربنا ويصلح حالنا ويتحلى أهل مصر بالحكمة ستكون هناك بلاوي كبيرة الخناقات الآن وتصفية الحسابات على البحري القتل شبه يومي أي خلاف بسيط تظهر فيه الأسلحة فوراً مثال أخي كان في مدينة نصر وحدث خلاف بين سيارتين أمامه ونزلوا يتخانقوا في الشارع فوراً قام احدهم بإخراج سيف من السيارة وجرى خلف الآخر في منظر يذكرك بالأمن في جنوب إفريقيا أو في مقديشو بالصومال دار السلام حدثت بها حرب بين عائلتين قتل فيها عدد يمشي الحال المحلة الآن يتم فيها تصفية الحسابات بين بعض العائلات وبين البلطجية وغيره والقتل أصبح سهل المجرمين الآن في عصر دولتهم بعض المجرمين والخارجين عن القانون يفتعلون مشاجرات مع أفراد الشرطة من الشوارع ليؤخروا من نزولهم قدر الإمكان وبعض المواطنين المغفلين ينضمون لهم لظنهم انها مظاهرة حادثة سائق الميكروباص التي لن أتدخل في الحكم فيها فور وقوعها إشاعات تعم مصر كلها كلها حكمت على الظابط أنه هو الظالم وسائق الميكروباص الحمل الوديع هو الضحية فور وقوعها تجمع حول الظابط عشرات من السائقين زملاء السائق للفتك بالظايط وانضم لهم كثير من المغفلين للتعاون في الضرب هل العدل هو ضرب من نظن أنه ظالم حتى نقتله هذه جريمة تعدي على سلطة ولي الأمر وعقوبتها السجن 25 سنة وقبلها كنا نلعن من قاموا بسحل المواطن المصري في بلدة في لبنان لظنهم أنه هو القاتل قبل نهاية المحاكمة المجلس العسكري يفرض أحكام عسكرية رادعة على كل من يتم القبض عليه متلبس وهذا لا يعجب العصابات وكثير لا يعلم بأن هناك من حكم عليه بسبب قيامه بعملية سرقة بالإكراه وبعد الإعلان عن الحكم عليه خرج رجال عصابته ورفقائه في العصابة وأهله فقطعوا طريقاً مهماً حتى وصل الجيش وعلمهم الفضيلة الخلاصة أننا في مركب واحد وكما كان الكثير من الشرطة فاسدون فقد كان منهم الكثير أيضاً شرفاء وأنا أشهد على ذلك وأشهد أيضاً أنني تعاملت مع الكثير من المهندسين الفاسدين اللصوص بصفتي مهندس كما تعاملت مع الشرفاء أيضاً فمن يفخر ويتعالى على الناس بقوله أنا مهندس أو أنا طبيب فهو مريض نفسياً ومتكبر أو ما هو أقرب للصواب أنه في الأساس ليس بمهندس أو طبيب وبالتالي شعوره بالكبر يدعوه للتشبث بما قد يظنه لمرضه النفسي أنه شرف رغم أن الشرف لم يرتبط يوماً بالمهنة فرئيس جمهوريتنا وأعلى رأس بها لم يكن شريفا وقد تجد إنسان غير متعلم يستطيع أن يعلم الناس ما هو الشرف نتيجة لقيم الشرف التي تخرج من جوانبه وأمر آخر هناك البعض يحاول معايرة الناس بمجموعهم في الثانوية أو بفقرهم أو بضعفهم أو بأي شيء من وجهة نظره هو نقص عندهم رغم أن المتفوق في مجاله هو المتفوق الحقيقي حتى لو كان أثناء الدراسة غير متفوق على رجال الشرطة أن يتحملوا مسئولياتهم وعلى المواطنين أن يكونوا أذكياء ولا ينساقوا وراء من يفتعلون الشجار مع الشرطة بلا داعي أو يرمون عليهم بالسباب وغير ذلك والشرطة إذا تحفظت على مجرم سيكون لديه بدل القصة مئة قصة ليضحك بها على عقول السذج ليقفوا بجواره ويخلصوه من يد العدالة ولكل من ينصب محاكم تفتيش ويهاجم طائفة بعينها دون تفريق أقول له الدور القادم عليك والدنيا دوارة |
رد: نصائح من ضابط شرطه ............
ويعنى اللى بيقول علينا انه بيحمينا واحنا بناكل فيشار وبنتفرج على التليفزيون وكأننا شوية صياع ملناش شغلة .....معندوش مرض نفسى او متكبر؟؟؟؟؟
واللى بيقول انه عارف كمية السلاح وعارف هيا فين ومع مين بدل م يقبض عليهم بيحذرنا منهم معندوش نوع من الكبر او حتى الخيانة لهذا الشعب لانه يعرف مكان السلا ح فين ومع مين وسايبهم يثيرو الفزع بين الناس ؟؟؟؟؟ أما تصرفات الناس دى فدى رواسب 57 سنة من الظلم والقهر والطغيان والجبروت ودى هتاخد وقتها وهتمشى انا مش بـبرر للناس غلطهم لكن اللى يقول كلام يقول كلام عقلانى مش يبقى عارف كمية السلاح المهربة والمسروقة وكماااااان عارف هيا فين وكماااااااان عارف هيا مع مين وسايبهم وتاعب نـفسه و جاى يحذرنا منهم!!!!!!!!!!!!!!!! وبعدين يسـفـه من اعمالنا ووظايـفـنا ويعظم قيمة وظيفته....!!!!!!!!!! بقى بذمتك ياشيخ تبقى عارف مكان السلاح ومع مين وتسيبه ؟؟؟؟؟ ده كلام ؟؟؟؟؟ وأما ترك البلطجة فهو مقصود للانتقام من هذا الشعب الغير مؤدب لانه عايز معاملة كريمة فـقط مش عايز حاجة تانى من الشرطة .......فـقط عايزمعاملة كريمة انت مقريـتـش المصرى اليوم .......من كام يوم لما جابوا مدير امن القاهرة نفسه وسألوه / انت سايب البلطجية ليه ؟؟؟؟ فـقال جملة فيها كثير من التـشـفـى فـينا (حسب المصرى اليوم ) بسلامته قال / مقدرش اتهم حد بالبلطجة مش هيا دى الديمومقراطية اللى انتو عايزينها مع ان قانون الطوارىء لسه م اتلغاش .....ويقدر يستعمله ضد البلطجية دول ......لكنه لاهو ولا رجالته عايزين .... .ياأستاذى......ترك الفوضى مقصود علشان نبوس جزمة أسيادنا زى م قال مدير أمن البحيرة اللى مشى من كام يوم (بسبب فضحه على الملأ ولولا الانترنت ونشر الفيديو بتاعه مكانش مشى ) انا مش بتهم اخونا الضابط بشىء بس يبقى كلامنا معقول .....وبدون تهكم على حد ....والتسفيه من قدر الناس |
رد: نصائح من ضابط شرطه ............
|
رد: نصائح من ضابط شرطه ............
الأخ الفاضل صاحب الموضوع لا يعلم نيته إلا الله
يعنى ممكن يكون قصده النصيحة فعلاً ... و قد يكون قصده الحرب النفسية بناء على تعليمات عليا (وده ممكن جداً) و لكن فى الحالة دى هو بينفذ التعليمات المنطقى إن المسئول عن تلك الفوضى و حتى الحرب النفسية هم القيادات و ليس صغار الضباط ... فتلك القيادات كما نعلم كلنا عندما تريد إصلاح شئ فإنه ينصلح و عندما تود إتلافه فالبقاء لله و المثال واضح فى مرور القاهرة المهم أننى تذكرت الأن شيئاً هاماَ ... لماذا لاتكون العمليات الإرهابية التى ظهرت فى أوائل التسعينيات مدبره ... خصوصاً أنها تزامنت مع حرب الخليج و مشاركة مصر فيها و الإنتقادات الداخلية المترتبة على تلك المشاركة فوارد جداً أن تكون تلك العمليات مدبره لتشتيت الإنتباه و تخويف الناس و لهوهم عن موضوع الحرب ... و ذلك فى ضوء الأخبار المتتالية عن مصائب جزارة الداخلية السابقة و فى ضوء ما نعانيه الأن من إنفلات أمنى أنا لست ميالاً لنظرية المؤامرة و إسقاط أى مشكلة على شماعة واحدة (تذكرت الأن شماعة مختل عقلياً و التى إنثنت من كثرة ما ألقى عليها) و لكن الشواهد تقول أن أغلب الأحداث الجسام كانت مدبرة و سياسة تشتيت الإنتباه بهذه الطريقة معروفة جداً فى أجهزة الأمن فى أغلب الدول و يمكرون و يمكر الله و الله خير الماكرين |
رد: نصائح من ضابط شرطه ............
اقتباس:
|
| الساعة الآن 10:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017