|
رد: حقك علينا يا ريس
احترم رأيك ياسام جدا جدا واقدره وعندك حق فى اللى انت قولته بس نستنى برده عشان يحصل عمليه انتقاليه بهدوء دون خلل بالنظام العام ودون احداث فوضى زياده عن اللى احنا فيها الأن يعنى لازم نستنى لحد مافتره رئاسته تنتهى ومنستعجلش الأمور وزى مانت بتقول 30 سنه مستحملينه استنى كمان شويه مجتش على 8 شهور يمكن يتعدل الحال شويه ويتصلح حال البلد وبرده هو مش هيرشح نفسه يعنى يكون على الأقل قدرنا نشوف ونختار اللى يقدر يمسك البلد مش اى واحد والسلام وانا عايز اسألك شخصيا لو مبارك مشى تفتكر مين مكانه من وجهه نظرك انت ؟؟؟؟؟
|
رد: حقك علينا يا ريس
للأسف لازال الكثير من الشعب المصرى لا يستطيع التمييز بين من يخدعه ومن يطلب حقوقه المسلوبة...بعض الشعب تجيبه كلمة وتويده كلمة...تضحك عليه بكلام معسول فارغ....لقد نجح في خداع البسطاء لا أقول السذج لأن الإنسان وإن كان ساذج فلا بد وأن يتعلم من واقع 30سنة حكم عسكرى للبلد...وأن كل هذا الكلام كلام فارغ وإنما هو لتسوية حسابه مع هذا الشباب الطيب الرافض للظلم المدافع عنى وعنك...فبدلا من أن نعاونهم وندفع هؤلاء الظلمة عنهم نقوم بسبهم وتشويه صورتهم ...وماهم كذلك بل هم أفضل منا ... ومن مات منهم فهو شهيد كما قال أهل العلم فماذا عنى وعنك ..؟؟كيف سنختم حياتنا ؟؟؟هم ختموها بدفع الظلم عنا جميع....ما كان شبابنا تافها ولا مخربا ولا مفسدا بل هم المفسدون الفاسدون...ومن يرى غير ذلك فأراه لا يري الشمس في وسط النهار والناس تقول له:هذه الشمس...يقول لهم:أنتم أغبياء هذه ليست الشمس بدليل كذا وكذا وكذا لكن هذه التى ترونها ليست شمس...!!!هذا الشخص بماذا ترد عليه...؟؟إخوتنا الأعزاء بمنتدانا الجميل ستذكرون كلامنا هذا أنه يراوغ ويكذب ...لكن وقتها هل ينفع الندم...؟؟؟الله وحده أعلي وأعلم... |
رد: حقك علينا يا ريس
اقتباس:
انت متأكد انه حيحصل انتقال سلمي للسطله طيب هو عمل ايه في الموضوع ده غير خطابه عمل اي حاجه من طلبات الانتفاضه يا باسم ركز شويه في خطابه اولا هو معترفش بأي خطاء او تقصير متكلمش خالص عن اي تحقيق في فساد او مشاكل لكن اتكلم عن محاسبه المخربين يعني اللي ثاروا دول حيتحولوا بقدره قادر الي مخربين و عملاء ويتم الانتقام منهم وحيقولك ان الشباب المصري تم اثارته و خداعه و بلا بلا بلا الحكومه اللي غيرها شال كام اسم و حط كام اسم .. وفي ناس زي ما هما في اماكنهم البرلمان زي ما هو و قال ايه حيصححوا الاوضاع يعني حيشيلو 30 - 40 عضو و اغلبيه برضو ويظبطوا الدستور بمزاجهم ليه محلش البرلمان .... ليه مداش صلاحيات للنائب .. ليه متكلمش عن هروب الشرطه ... ليه متوعدش بمحاكمه المسئولين الفاسدين ... امال اقالهم ليه الوزير احمد شفيق وعد بسلامه المتظاهرين على قناه الحياه .. و تاني يوم العصر دخلو عليهم بالجمال و الخيول والجيش سابهم !! مع ان المظاهره المؤيده اللي مزادتش عن 100 واحد من موظفين الاذاعه و التليفزيون بناء على تعليمات وزير الاعلام كان الجيش بيحميها ومطوقها ليه ساب المظاهره المؤيده تتدخل بالخيول و الجمال ميدان التحرير في ناس من المظاهرات المؤيده اللي اتمسكوا معاهم كارنيات داخليه ليه المظاهرات المؤيده مظهرتش الا دلوقتي ... كانو فين من اسبوع فات !! كام مظاهر مؤيد و كام معارض شوف تصوير التليفزيون المصري ليهم و شوف تصوير بقيه الفضائيات المصري بيصور من الشارع و لو جاب لقطه عاليه تلاقيهم عشرات او مئات تخيل لقطه جابها التليفزيون المصري لمؤيدين من غير صوت و نفس اللقطه تظهر في البي بي سي بالصوت و تلاقيها مظاهره معارضه !!!! مصطفى الفقي ( لو متعرفوش ده عضو في الحزب الحاكم و كان مساعد عمرو موسى ايام ما كان وزير خارجيه و عضو سابق مجلس شعب و ..... ) بنفسه اعترف ان احد قيادات الحزب الوطني هي المسئوله عن اللي حصل امبارح و عمار الشريعي قاله بالاسم في العاشره مساء عمر سليمان دلوقتي قالك انه لا حوار في ظل مظاهرات ... تخيل بيقول كده دلوقت في موقف الضعف ... امال في موقف القوه حيقول ايه يعني يفضوا المظاهرات و يقفشوا فيهم ويعتقلوهم و يصفوا حساباتهم و ساعتها حيبقى الحوار انا اتكلم و انت تنصت بص يا باسم على الرابط ده http://www.facebook.com/#!/note.php?...9&id=565170684 |
رد: حقك علينا يا ريس
اخبار عن وصول 50 من الشباب من مجمع التحرير مقطعين بالسيوف الى القصر العيني!!! 48 ماتوا فور وصولهم و 2 في حالة احتضار
|
رد: حقك علينا يا ريس
حقك علينا لسبب واحد
قلة الادب اللي الناس بتقولها في حق رجل وطني حتى وان قصر في بعض الشئ في حق مصر |
رد: حقك علينا يا ريس
اقتباس:
قبل كل حاجه ياسام شوفت البيان اللى اتذاع حالا بمنع احمد عز وحبيب العادلى والمغربى وزهير جرانه واخرون من السفر ومصادره اموالهم وتجميدها وتحولهم للتحققيق من قبل النيابه العامه انا لسه سامع البيان ده حالا يعنى دم اخوتنا الشهداء مش هيروح ابدا ثانيا مردتش عليا ياسام مين هو الرئيس القادم اللى بترشحه ؟ |
رد: حقك علينا يا ريس
حق مين على مين مع احتارمى للجميع مصر ليها حق وشبابها ويجب ان يتم محاسبة الخائنين اللى استحلوا اموالها ولمصالحهم وبجدج انا اتشرف انى مصرى وياريت تتابعوا رائ العالم الخارجى فين بجد حاجة تشرف
|
| الساعة الآن 07:11 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017