مصر موتورز مجتمع السيارات - الماتركسوية يتفضلوا يتفرجوا علي الصور الجامدة

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - الماتركسوية يتفضلوا يتفرجوا علي الصور الجامدة (https://www.masrmotors.com/vb/showthread.php?t=42365)

رد: الماتركسوية يتفضلوا يتفرجوا علي الصور الجامدة

اقتباس:

المشاركة الأصلية كتبت بواسطة sam ram (المشاركة 312333)

يا ريس مفهنماش غلط و لا حاجه .. احنا بس بنهذر ... ده كله شويه صفيح في الاخر
انا فاهم قصدك ..
حضرتك عايز تقول ان الماتريكس عربيه عائليه ... طيب ليه تتعدل و تتظبط .. ما نجيب عربيه معروفه ومشهوره بادائها و نعدلها و نظبطها علشان نوصل لاقصى اداء ممكن

الفكره ببساطه ان استاذ بدر هنا عرض تعديلات شكليه وتجهيزات اضافيه للماتريكس
متكلمناش خالص عن رفع اداء
وحتى لو قصدك على تعديل و تظبيط الاداء
اي عربيه في الدنيا ممكن تتظبط و يتعدل ادائها لاقصى درجه ممكنه

اتفرج على رينو سباس
العربيه اساسا شكلها كان ميكروبااااص بمعنى الكلمه ( التلاته اللي على الشمال في الصوره )
http://1.bp.blogspot.com/_FoXyvaPSnV...ace%2BF1_3.jpg

بص بقت عامله ازاي
http://3.bp.blogspot.com/_FoXyvaPSnV...ace%2BF1_1.jpg

http://1.bp.blogspot.com/_FoXyvaPSnV...%2BF1_lead.jpg
ومش مجرد تعديل شكل و بس

اضافو ليها محرك ويليامس للفورملا وان 700 حصان وعدلوه ورفعوا قوته ل 800 حصان
وفتيس فورميلا وان ( اول فتيس سيمي اوتوماتيك عملته ويليامس ) ومن بعدها كل فرق الفورميلا استخدمته او عملت زيه
الاداء
من 0 - 100 في 2.8 ثانيه
من 0 - 200 في 6.9 ثانيه
السرعه القصوى 312 كم/س

http://www.youtube.com/watch?v=uklB0fgRkfQ
وده فيديو ل الان بروست بطل العالم في الفورميلا وان و هو بيجربها
http://www.youtube.com/watch?v=mORZNa8AKXQ

واسمها عربيه MPV ..يعني الاخت الاكبر للماتريكس

ال 131 طبعا معروفه و ال 131 ابارث اخر عربيه لفيات حققت بطوله ال WRC قبل ما تشارك لانسيا الرااائعه ... اللي لو عايز تتفرج على تعديلات و تظبيطات وانجازات ليها بص بصه على الموضوع ده
http://www.masrmotors.com/vb/showthread.php?t=4143
فأي عربيه في الدنيا ممكن تتظبط وتتعدل .. كشكل ... و اداء كمان
المهم الرغبه والاستعداد والاقتناع بالعربيه
لكن الناس غالبا بتختار الاسهل او المتجرب
حد يصدق ان لانسيا دلتا تطلع من مرسيدس برابوس 550 حصان و تقطعها

http://www.youtube.com/watch?v=5gYn4E8Zh8k

او ان كيا برايد تحرج بي ام 630 بالشكل ده

http://www.youtube.com/watch?v=iegWE1l-t3s

نرجع للماتريكس ... الماتريكس اول ما نزلت متعاطفتش معاها ومكنتش فاهما لحد ما جربت عربيه اخت صديق ليا ... انا فاكر يوميها نزلت قلت له يا عم انا حاسس اني سايق ميكروباص :)
بس اللي حصل اني نزلت اشتريت العربيه

فللاسف احنا ساعات كتير بنحكم على الحاجه ( اي حاجه مش بس العربيات ) بالشكل او السمع ... مع انها ممكن تكون هي دي انسب حاجه لينا .. بس احنا مش واخدين بالنا .. او خايفين نجرب لنغير رأينا

سيبك من ده كله و خلينا في اساس الموضوع
ايه رأيك في الصور .. وبصراحه من غير مجامله
الماتريكس اكيد مش احلا عربيه في الدنيا وفي عربيات كتير احلا منها .. بس شايف التعديلات عليها احلا ولا اوحش ؟؟

بصراحة رد زي الحلاوة

وماليان فيتامينات ومعلومات HUUM

مشكور علي الرد

بالنسبة للتعديلات الخارجية معجبتنيش
لكن التعديلات الداخليه حلوه خصوصا ال ديفيدي

رد: الماتركسوية يتفضلوا يتفرجوا علي الصور الجامدة

اقتباس:

المشاركة الأصلية كتبت بواسطة Badr Salah (المشاركة 312508)

طب واحدة واحدة وبلاش كل ده يجي مرة واحدة لا اتجنن كده

يعني لازم نتخانق علشان الروعة دي تطلع ليك علية اعملك كل يوم خناقة علشان اشوف الشعر اللي بتكتبه في مصر موتورز

احنا بالصلاة على النبي فاهمين وشريين وراضيين
ومستعدين نشارك ونرد ونوضح
وجيين في اي نقاش او حوار او خلاف
ونقدر ندافع ونهاجم ونراوغ
الماتركسوية جاهزين يا ريس

يا باشا ربنا ما يجيب اي خناقه ... ويديم دايما الود و المعروف
وفعلا المناقشات و اختلاف وجهات النظر واستعراض الاراء المختلفه اكترحاجه تفيد الناس و تطلع معلومات ... البهاريز :)

وبشكرك مره تانيه على الموضوع الشيق اللي ادانا الفرصه للتواصل و الحوار الجميل ده ROSE4U

رد: الماتركسوية يتفضلوا يتفرجوا علي الصور الجامدة

اقتباس:

المشاركة الأصلية كتبت بواسطة sam ram (المشاركة 312553)

الحمد لله اننا بنتناقش ونختلف من اجل الأفادة ومنفعة الأخرين
وكل الشكر ليك على تشريفك الموضوع وشحنه بأبداعك ووجهة نظرك القيمة

رد: الماتركسوية يتفضلوا يتفرجوا علي الصور الجامدة

اقتباس:

المشاركة الأصلية كتبت بواسطة karem ali (المشاركة 312542)

طبعا لا يوجد كلام يقال بعد كلامك و شرحك الجميل ده يا استاذ سامح
و تسلم ايدك ROSE4U

تكرم يا كريم :)

اقتباس:

المشاركة الأصلية كتبت بواسطة Limoway (المشاركة 312549)

قشطه يا باشا ...
كان عندي سؤال هو بره الموضوع شويه بس فرصه انك في السعوديه وجبت سيرتها

اقتباس:

المشاركة الأصلية كتبت بواسطة Limoway (المشاركة 312242)

لكن سيارتي الخاصة ممكن تكون سيراتو أو لانسر شارك. أو لو ربنا وسع جيتا ولو وسع عالاخر بي إم 320

سؤالي بخصوص السيراتو
اخبارها ايه في السعوديه .. والمواتير اللي بتنزل عندكم كام سي سي
وخصوصا بالنسبه للجنوط ال 17

احنا هنا السيراتو عندنا بالجنط ال 17 راكبها بعبع وكل يوم و التاني يقولك اتشقلبت على مطب او المقصات اتكسرت في بلاعه
لدرجه ان اللي بقى عايز يجيب سيراتو يتقاله هات ام جنط 16 بلاش ال 17 ...
تقريبا كده علشان الجنط ال 16 صغير على العفريت وال 17 هو المظبوط على مقاسه

فيا ترى يا هل ترى الكلام ده برضو موجود عندكم ؟؟ (what)

رد: الماتركسوية يتفضلوا يتفرجوا علي الصور الجامدة

اقتباس:

المشاركة الأصلية كتبت بواسطة sam ram (المشاركة 312597)

تكرم يا كريم :)

قشطه يا باشا ...
كان عندي سؤال هو بره الموضوع شويه بس فرصه انك في السعوديه وجبت سيرتها

سؤالي بخصوص السيراتو
اخبارها ايه في السعوديه .. والمواتير اللي بتنزل عندكم كام سي سي
وخصوصا بالنسبه للجنوط ال 17

احنا هنا السيراتو عندنا بالجنط ال 17 راكبها بعبع وكل يوم و التاني يقولك اتشقلبت على مطب او المقصات اتكسرت في بلاعه
لدرجه ان اللي بقى عايز يجيب سيراتو يتقاله هات ام جنط 16 بلاش ال 17 ...
تقريبا كده علشان الجنط ال 16 صغير على العفريت وال 17 هو المظبوط على مقاسه

فيا ترى يا هل ترى الكلام ده برضو موجود عندكم ؟؟ (what)

يؤسفني يا باشا إني أقولك إن مفيش سيراتو في السعودية إلا نادرا

بشوفها زي ما بشوف البوجاتي فيرون كده (الفيرون وقفت جمبي في إشارة قبل كده)
وبالتالي معلوماتي عن أدائها محدودة جدا ومش عايز أفتي من دماغي.
بس هيا كلها 1600 سي سي وبتنزل تلات فئات
الينك ده فيه المواصفات الي بتنزل في السعودية
http://www.kia-sa.com/index.php?opti...d=24&Itemid=57

العربيه الي ثابته نفسها هي الإلنترا (ماليا السعودية علي هيئة تاكسي بشكل بشع)
وده يعني إنها عربية من الاخر (بالرغم من إن شكلها مش عاجبني)
وكمان موتورها يدعو للعجب فعلا ممتاز. مره واحد شد جنبي بيها لدرجة إني إضطريت أدوس بنزين عالاخر علشان أطلع منه (طبعا كنت سايق علي الوضع العادي مش الرياضي) وده معناه إن محركها ممتاز للغاية.

بيتهيئلي هي الأفضل كأداء بالنسبة للسعر.

لما ينزل الشكل الجديد والمتور الجاما هتبقي صاعقة في فئتها وهتقعد شركات كتير في بيوتها علي ما أظن.

رد: الماتركسوية يتفضلوا يتفرجوا علي الصور الجامدة

اقتباس:

المشاركة الأصلية كتبت بواسطة Limoway (المشاركة 313358)

يا باشا هيونداي عملة شغل عالي في السعودية بالعربيات العالية والغالية
بس العربيات الغلبانة بتعتنا بتبقة هناك تاكس طبعاً علشان سعرها رخيص

رد: الماتركسوية يتفضلوا يتفرجوا علي الصور الجامدة

اقتباس:

المشاركة الأصلية كتبت بواسطة Badr Salah (المشاركة 315061)

عندك حق

بس أحب أطمنك إن انت في مصر لو جبت كورولا بتبقي دافع تمن بي إم دبليو في السعودية (بعد تحويل العملة)

وده يدل علي إن الشعب المصري شعب يحب التفييس وبيدلع نفسه مهما كان الثمن

بحكم حبي للسيارات هديلك سعر بعض السيارات بالريال السعودي عشان أوريكم مصر أم الدنيا

ملحوظة (1 ريال = 1.5 جنيه مصري)

1. فولكس واجن جيتا 1.6 كومفورت لاين (فيها كل حاجه بما فيهم فتحة سقف ماعادا إن الكراسي قماش) = 80000 ريال

2. بي إم دبليو ألماني 316 1.6 (زينون -فتحة- حساسات- جنوط 16- أوتوماتيك) = 115000 ريال

3. بي إم X1 ألماني = 130000 ريال

4. بي إم 523 ألماني = 205000 ريال

5. مرسيدس CGI C180 1.8 ألماني فل أوبشن (بشاشة كبيرة) = 130000 ريال

6. مرسيدس E200 CGI ألماني = 175000 ريال

7. كورولا 1.6 فل أوبشن أوتوماتيك ياباني مش أفريقي = 63500 ريال

بالإضافة إن هنا في السعودية في حركة جامده جدا بتحصل

بيجي واحد سعودي مزنوق ففلوس (كالعاده) يروح يجيب عربيه زيرو بالتقسيط من التوكيل وينزل يبيعها زيرو كاش في أي معرض (علشان يتجنب إنه ياخد قرض ربوي من البنوك)

وبالتالي وعلي عكس مصر بتلاقي بالمعارض سيارات زيرو يقل سعرها عن سعر التوكيل بحوالي من 3 إالي 10 الاف ريال حسب نوع السيارة.

أنا عربيتي جايبها بالطريقة دي وموفر 5 الاف ريال في العربية.