مصر موتورز مجتمع السيارات - الحل الأمثل والنهائي لمشكلة ارتفاع درجة حرارة السيارة الشاهين

مصر موتورز مجتمع السيارات (https://www.masrmotors.com/vb/index.php)

- شاهين ، ريجاتا ، دوجان (https://www.masrmotors.com/vb/forumdisplay.php?f=195)

رد: الحل الأمثل والنهائي لمشكلة ارتفاع درجة حرارة السيارة الشاهين

اقتباس:

المشاركة الأصلية كتبت بواسطة ahmed1981 (المشاركة 884644)

ينفع جداً

وفي ناس بيركبولها مروحة التمبرا أرخص وبتدي أداء كويس برضه

-
-

ب.م/ احمد
هل مروحة التمبرا تؤدي لنفس النتيجة التي تأتي من مروحة الأوبل وهل بتتعدل التمبرا لتناسب الشاهين .
انا عندي شاهين 96 وابتدى الصيف يخليها تسخن جامد لدرجة شاكك ان الحرارة اعلى من قراءة المؤشر لو جبت مروحة الأوبل وحبيت اعدلها واركبها قوللي بدقة هذه المراحل لأحسن الكهربائية زفت إلا من رحم ربي مع العلم اني عندي مروحة اضافية في الموتور تعمل معه دائما والمكان اصلا بين المروحتين بقة ضيق جدا ويا ريت بدقة عشان انا جديد في المواضيع دي والموضوع الأصلي مش واضحه فيه جزئية طريقة التعديل للمروحة وهل هي سمكها كبير وممكن تعوق المروحة الاضافية لأن المسافة الحالية بين المروحة الأصلية للراديتير وبين الثانية يدوب 2سم تقريبا

رد: الحل الأمثل والنهائي لمشكلة ارتفاع درجة حرارة السيارة الشاهين

اقتباس:

المشاركة الأصلية كتبت بواسطة nassser (المشاركة 884658)

ب.م/ احمد
هل مروحة التمبرا تؤدي لنفس النتيجة التي تأتي من مروحة الأوبل وهل بتتعدل التمبرا لتناسب الشاهين .

واحد زميلنا في منتدى آخر ركبها وبيقول فرقت معاه كويس

اقتباس:

المشاركة الأصلية كتبت بواسطة nassser (المشاركة 884658)

انا عندي شاهين 96 وابتدى الصيف يخليها تسخن جامد لدرجة شاكك ان الحرارة اعلى من قراءة المؤشر

عشان كده لازم أول حاجة نعرف إيه سبب المشكلة
أحياناً مؤشر الحرارة بيخرف نتيجة إن كابل البطارية الأرضي (-) غير موصل جيداً بجسم العربية
يبقى المفروض نتأكد من كابل الأرضي ونتأكد من نظافة الردياتير
وبعد كده نفكر في موضوع المروحة

اقتباس:

المشاركة الأصلية كتبت بواسطة nassser (المشاركة 884658)

لو جبت مروحة الأوبل وحبيت اعدلها واركبها قوللي بدقة هذه المراحل لأحسن الكهربائية زفت إلا من رحم ربي مع العلم اني عندي مروحة اضافية في الموتور تعمل معه دائما والمكان اصلا بين المروحتين بقة ضيق جدا ويا ريت بدقة عشان انا جديد في المواضيع دي والموضوع الأصلي مش واضحه فيه جزئية طريقة التعديل للمروحة وهل هي سمكها كبير وممكن تعوق المروحة الاضافية لأن المسافة الحالية بين المروحة الأصلية للراديتير وبين الثانية يدوب 2سم تقريبا

لو ناوي تعمل الموضوع ده يبقى لازم نلغي المروحة اللي راكبة على موتور العربية مباشرة

بعد ما نلغيها بنفك المروحة الأصلية من على الردياتير بالقميص بتاعها

بنجيب المروحة الجديدة بالقميص بتاعها ونركبها على الردياتير
بنعمل شوية فبركة في قميص المروحة وبنكسر بعض الزوائد منه
وبنثبته على الردياتير بمسامير أو قفايز
(بتاع الردياتيرات المحترم بيقدر يلحم زي خوص أو وردة في أطراف الردياتير عشان نركب عليها القميص الجديد)

توصيلات الكهربا يعملها الكهربائي بكل سهولة

لكن لو المروحة الجديدة مش ممتازة 100% هتلاقي اداء أسوأ

ولو مشكلة السخونة سببها حاجة تانية الموضوع هيتحسن بسيط لكن مش 100%

رد: الحل الأمثل والنهائي لمشكلة ارتفاع درجة حرارة السيارة الشاهين

مهندس احمد ممكن ممكن تقولى مين الكهربائى اللى ركب المروحه دى انا عايز عنوان الكهربائى علشان انا سالت واكتر من واحد وقلولى لا مينفعش

رد: الحل الأمثل والنهائي لمشكلة ارتفاع درجة حرارة السيارة الشاهين

أنا اللي ركبتها

حاول تدور على واحد فاهم
ربنا يعنيك